ટીટોડીના ઈંડા મુજબ ચોમાસું થશે ટનાટન : Monsoon Forecast

ટીટોડીના ઈંડા મુજબ ચોમાસું

મિત્રો જેમ જેમ ચોમાસું નજીક આવતું જાય છે. ટીટોડીના ઈંડા મુજબ ચોમાસું થશે ટનાટન અંતર્ગત આ પોસ્ટમાં થોડીક વાત કરશું. જેમ જેમ ચોમાસું નજીક આવશે તેમ તેમ દેશી વિજ્ઞાન આધારિત આગાહીઓ પણ આવતી જતી હોય છે. તો આજની આ મહત્વની પોસ્ટમાં ટીટોડીના ઈંડાને આધારે આવનારું ચોમાસું કેવું રહી શકે? એ અંતર્ગત થોડીક માહિતી મેળવવાનો પ્રયાસ કરશું.

આમ જોવા જઈએ તો, ટીટોડીના ઈંડા ખેતરના શેઢા પારે અથવા તો ખેતરમાં મોટેભાગે જોવા મળતા હોય છે. અને ટીટોડીના ઈંડા વર્ષમાં મોટેભાગે ચૈત્ર તેમજ વૈશાખ મહિનાના સમયગાળા દરમિયાન જોવા મળતા હોય છે. તો મિત્રો આ ટીટોડીના ઈંડાનું શું વિજ્ઞાન છે? એ સંબંધિત ચોમાસામાં કેવો વરસાદ થઈ શકે છે? એ અંગેની માહિતી મેળવશું.

મિત્રો એક લોકવાયકા મુજબ ટીટોડીના ઈંડા જમીન સપાટીથી જેટલી વધુ ઊંચાઈએ જોવા મળે તો, આવનારું ચોમાસું ટનાટન રહી શકે છે. કેમકે ટીટોડીને અગાઉથી જ એક એવો અંદેશો મળી જતો હોય છે કે, આ વર્ષે વરસાદ વધુ થશે. એ માટે પોતાના ઈંડા જમીન સપાટીથી વધુ ઊંચાઈની અવસ્થામાં જોવા મળે છે.

ટીટોડી નાના નાના કંકર ભેગા કરીને મોટો ઢગલો બનાવે છે. અને ત્યારબાદ આ ઢગલા ઉપર પોતાના ઈંડા મૂકે છે. મિત્રો જમીન સપાટીથી જેટલો ઊંચો ઢગલો બનાવે તેટલી વરસાદની સંભાવના ચોમાસા દરમિયાન વધુ પડતી ગણાય. આવી એક પ્રસિદ્ધ લોકવાયકા જોવા મળી રહી છે.

ટીટોડીના ઈંડા

મિત્રો ટીટોડીના ઈંડા ખેતરના પારા ઉપર જોવા મળે તો, તે વર્ષનું ચોમાસું ખૂબ જ સારું સાબિત થશે. વરસાદના દિવસો દરમિયાન વરસાદની સંભાવના વધુ રહેશે. કેમ કે એક સામાન્ય વાત મુજબ ખેતરનો પારો જમીન સપાટીથી હંમેશા ઊંચો હોય છે. એટલે જો ખેતરના પારા ઉપર ટીટોડીના ઈંડા જણાય તો, તે વર્ષનું ચોમાસું ખૂબ જ સારું સાબિત થશે.

મિત્રો ટીટોડી પોતાના ઈંડા કેટલી સંખ્યામાં મૂકે છે? એ વાત પણ ખૂબ જ મહત્વની છે. જો ટીટોડીનું ઈંડુ એક જણાય તો, તે વર્ષે દુષ્કાળની સંભાવના વધુ ગણી શકાય. ચોમાસાની સિઝન દરમિયાન વરસાદની સંભાવના ખુબ જ ઓછી ઉભી થાય. એટલે જો ટીટોડીનું ઇંડુ એક જોવા મળે તો, તે સારી નિશાની ગણાતી નથી.

ટીટોડીના ઈંડા અંગે વધુ વાત કરીએ તો, મિત્રો જો ટીટોડીના ઈંડાની સંખ્યા 2 જોવા મળે તો, તે વર્ષ મધ્યમ ગણી શકાય. જે વર્ષે મોટેભાગે ટીટોડીના ઈંડા બેની સંખ્યામાં જોવા મળતા હોય, તે વર્ષે અમુક વિસ્તારમાં વરસાદ સારો થાય તો, અમુક વિસ્તારમાં દુષ્કાળ જેવા ચિત્રો પણ જોવા મળી શકે છે.

આગળ જોઇએ તો, ટીટોડીના ઈંડા જે વર્ષે 3 ની સંખ્યામાં જોવા મળતા હોય. તે વર્ષ મધ્યમ ફળ આપનારું ગણી શકાય. મિત્રો દર વર્ષે સોશિયલ મીડિયામાં ટીટોડીના ઈંડાના ફોટા આવતા હોય છે. જો જે વર્ષે ઈંડાની સંખ્યા વધુ પડતી ત્રણની જોવા મળે તો, તે વર્ષ મધ્યમ ગણી શકાય. કેમ કે તે વર્ષે ખંડ વૃષ્ટિના યોગ વધુ પડતા જોવા મળે.

મિત્રો જે વર્ષે ટીટોડીના ઈંડા 4 અથવા તો 5 ની સંખ્યામાં જોવા મળતા હોય, તે વર્ષનું ચોમાસું જમાવટ કરશે. એમાં કોઈ શંકા કરવી નહીં. કેમકે જે વર્ષે ટીટોડીએ મુકેલા ઈંડાની સંખ્યા 4 અથવા તો 5 જોવા મળે તો, તે વર્ષે બારે મેઘ ખાંગા થશે. ધન ધન્યના ઢગલા થશે. તેમ જ રાજા અને પ્રજા પણ સુખી થાય આવા યોગનું નિર્માણ થાય.

મિત્રો એક બીજી લોકવાયકા મુજબ ટીટોડીના ઈંડા જો સમથળ એટલે કે સમાંતર સ્થિતિમાં મુકેલા જણાય તો, તે સારી નિશાની ગણાતી નથી. પરંતું ઈંડા જો જમીનમાં ખૂંચ અવસ્થામાં જણાય તો, તે વર્ષનું ચોમાસું દમદાર રીતે જામશે એવું અનુમાન લગાવી શકાય.

વૈશાખ મહિનાના અંતિમ અખવાડિયામાં જો ટીટોડીના ઈંડા શેઢે પારે વધુ પડતા જોવા મળે તો, ચોમાસાનું આગમન મોડું થાય છે. વાવણી લાયક વરસાદ પણ મોડો થાય આવી એક લોકવાયકા જોવા મળી રહી છે. પરંતુ જો ચૈત્ર મહિનામાં ટીટોડીના ઈંડા જણાય તો, ચોમાસું સમયસર રહે છે અને ચોમાસું પણ સારું રહે છે.

મિત્રો અહીં એક વાતનો પણ ખાસ અભ્યાસ કરવો કે, ટીટોડીના ઈંડા જો કોઈ પાણીના રેક અથવા કે પાણીના વહેણના ભાગમાં જોવા મળે તો, તે વર્ષે દુષ્કાળના ડાકલા વાગી શકે છે. આ એક લોકવાયકા પણ ખુબ પ્રચલિત છે એટલે આ વાતનો પણ ખાસ અનુભવ કરવો.

મિત્રો પ્રાચીન વર્ષા વિજ્ઞાનમાં આ સિવાય ઘણા બધા ચિન્હો બતાવવામાં આવ્યા છે. જેમ કે હોળીનો પવન, અખાત્રીજનો પવન, ચૈત્રી દનિયા, મહા મહિનાનું માવઠું આ બધા દિવસોનું પણ ખાસ અવલોકન કરવું. જોકે આ બધી બાબતમાં કેવા કેવા ચિત્રોનું નિર્માણ થાય તો, ચોમાસું કેવું રહે? એ અંતર્ગત આપણે નવી પોસ્ટના માધ્યમથી માહિતી રજૂ કરીશું.

મિત્રો પ્રાચીન વર્ષા વિજ્ઞાનની સાથે સાથે આધુનિક વિજ્ઞાન સંબધીત હવામાનની નિયમિત અપડેટ મેળવવા માટે અમારી વેબસાઈટ Weather Tv સાથે જોડાયેલા રહેજો. સાથે સાથે અહીં અપડેટ થતી દરેક પોસ્ટને તમારા વિવિધ સોશિયલ મીડિયામાં પણ શેર કરજો. જેથી હવામાનની માહિતી બીજા મિત્રો સુધી પણ પહોંચતી રહે.

વરસાદની આગાહી : પવનનું વિજ્ઞાન

વરસાદની આગાહી

ચોમાસા દરમિયાન જે તે વિસ્તારોમાં વરસાદની આગાહી નો મુખ્ય આધાર પવનનું વિજ્ઞાન આધારિત હોય છે. તો આજની આ મહત્વની પોસ્ટમાં વરસાદની આગાહી સંબંધિત પવનનું વિજ્ઞાન સંદર્ભે મહત્વની વાત અહીં રજૂ કરશું.

ચોમાસાની શરૂઆતની સાથે સાથે જ વરસાદની આગાહી દરરોજ જોવા મળતી હોય છે. વિવિધ સોશિયલ મીડિયાના માધ્યમથી વરસાદની આગાહી શબ્દ આપણે અવાર નવાર સાંભળતા હોઈએ છીએ. તો મિત્રો તમારા વિસ્તારમાં કઈ દિશાનો પવન જોવા મળે તો, વરસાદની સંભાવના કેવી ઉભી થાય? એ અંગેની વાત આ પોસ્ટમાં કરીએ.

વરસાદની આગાહી

ચોમાસું સિઝન દરમિયાન વરસાદની આગાહી સંદર્ભે જો દક્ષિણ ખૂણાનો પવન દિવસ દરમિયાન ફુકાય તો, તે દિવસે વરસાદની સંભાવના ખુબ જ ઓછી ગણાય. કેમકે દક્ષિણના પવનથી વરસાદ થવાની સંભાવના ખૂબ જ ઓછી ઉભી થાય છે. આવા કિસ્સામાં માત્ર છાટા છૂટી થાય એવી સંભાવના વધુ રહે છે.

મિત્રો વરસાદની આગાહી અંતર્ગત ચોમાસું દિવસો દરમિયાન જો ઉત્તર દિશામાંથી પવન ફૂંકાય તો, તે દિવસે વરસાદની સંભાવના ખુબ જ સારી ગણી શકાય. કેમ કે ઉત્તરના પવનથી વરસાદી હવામાન જમાવટ લેશે આ અંગે કોઈ શંકા કરવી નહીં. ઉત્તરનો પવન ગાજ વિજ અને ભારે પવન સાથે વરસાદની સંભાવના ઊભી કરે.

મિત્રો ચોમાસાના દિવસો દરમિયાન જો પશ્ચિમ દિશામાંથી પવન ફૂંકાતો હોય તો, નજીકના દિવસોમાં સારા વરસાદની શક્યતા ગણી શકાય. એટલે વરસાદની આગાહી સંદર્ભે પશ્ચિમના પવનને સારો પવન ગણી શકાય. કેમકે પશ્ચિમના પવનથી મોટેભાગે ગુજરાતમાં અરબ સાગરનો ભારે કરંટ પણ લાગતો જોવા મળતો હોય છે.

પૂર્વ દિશાના પવન અંગેની વાત કરીએ તો, મિત્રો ચોમાસાના દિવસો દરમિયાન વરસાદની આગાહી સંબંધિત જો દિવસ દરમિયાન પૂર્વનો પવન ફૂંકાતો જોવા મળે તો, ગરમીનું પ્રમાણ વધે છે. અને બપોર બાદ વરસાદની સંભાવના ઊભી થાય તો, પણ ખૂબ જ ઓછા વિસ્તારમાં વરસાદની સંભાવના ગણી શકાય. કેમ કે પૂર્વનો પવન ખંડક વૃષ્ટિ કારક માનવામાં આવ્યો છે.

મિત્રો હવે દરેક ખૂણામાંથી ફુંકાતા પવન અંગેની વાત કરીએ. કેમ કે ચોમાસા દરમિયાન ઇશાન, અગ્નિ, નૈઋત્ય તેમજ વાયવ્ય ખૂણામાંથી જો દિવસ દરમિયાન પવન ફૂંકાતો જોવા મળે તો, વરસાદની સંભાવના કેવી રહેશે? એ અંગેની હવે માહિતી મેળવીએ.

ચોમાસું દરમિયાન વરસાદની આગાહી આધારિત, જો અગ્નિ ખૂણામાંથી પવન દિવસ દરમિયાન ફુકાતો જોવા મળે તો, વરસાદની આશા રાખવી નહીં. કેમ કે અગ્નિ ખૂણામાંથી જો પવન ફૂંકાય તો, આકાશમાં વાદળોની સ્થિતિ ભરચક જોવા મળે છે. પરંતુ વરસાદની સંભાવના ખુબ જ નહીવત ગણી શકાય. એટલે અગ્નિ ખૂણાનો પવન સારો નહીં.

મિત્રો ચોમાસાની ઋતુ દરમિયાન નૈઋત્ય ખૂણામાંથી પવન ફૂંકાતો હોય તો, વરસાદની સંભાવના મધ્યમ ગણી શકાય. અમુક અમુક કિસ્સાઓમાં જો બંગાળની ખાડી અથવા તો અરબ સાગરની સિસ્ટમની હાજરી હોય ત્યારે નૈઋત્ય ખૂણામાંથી પવન ફૂંકાતો હોય તો, ક્યારેક ક્યારેક હેલીનો વરસાદ પણ આ પવનથી જોવા મળે છે.

વરસાદની આગાહી સંબંધિત ચોમાસાના દિવસો દરમિયાન વાયવ્ય ખૂણામાંથી પવન ફૂંકાતો જોવા મળે તો, ભારેથી અતિભારે વરસાદના યોગ ઉભા થશે. કેમ કે વાયવ્ય ખૂણાના પવનને ગેરેન્ટેડ પવન તરીકે પણ ગણવામાં આવે છે. જ્યારે જ્યારે વાયવ્ય ખૂણામાંથી પવન ચોમાસું દિવસો દરમિયાન ફૂકાતો હોય છે, ત્યારે ત્યારે મોટાભાગના વિસ્તારોમાં ભારેથી અતિ ભારે વરસાદની સંભાવના આ વાયવ્ય ખૂણાનો પવન ઊભી કરે છે.

ઈશાન ખૂણાની વાત કરીએ તો, ઈશાન ખૂણાના પવનને પણ સારો પવન ગણવામાં આવે છે. પરંતુ મોટેભાગે ચોમાસું જ્યારે જ્યારે વિદાય લેતું હોય ત્યારે ત્યારે ઈશાન ખૂણાનો પવન ચોમાસાના દિવસો દરમિયાન જોવા મળતો હોય છે. તો વરસાદની આગાહી સંબંધિત જ્યારે જ્યારે ઈશાન ખૂણામાંથી પવન ફૂંકાતો હોય છે, ત્યારે ત્યારે ભારે પવન સાથે વરસાદની સંભાવના ગણી શકાય.

એટલે જ મિત્રો વરસાદની સંભાવનામાં પવનની દિશા કઈ છે? એ અંતર્ગત વરસાદની સંભાવના કેવી જોવા મળશે? એ સમીકરણો સ્પષ્ટ બનતા હોય છે. એટલે જ પવનની દિશાને આધારે વરસાદની સંભાવના કેવી ઉભી થશે? એ સામાન્ય રીતે જાણી શકાય છે.

ગુજરાત રાજ્યના હવામાનની નિયમિત અપડેટ મેળવવા માટે અમારી વેબસાઈટ Weather Tv સાથે જોડાયેલા રહેજો. જેથી હવામાનની સચોટ અને સત્યની નજીક વરસાદ સંબંધીત માહીતી તમને નિયમિત રીતે મળતી રહે. બધા જ મિત્રોનો ખુબ ખુબ આભાર.

ચોમાસું 2024 : વર્ષ થશે ટનાટન

ચોમાસું 2024

મિત્રો આજની મહત્વની આ પોસ્ટમાં ચોમાસું 2024 દરમિયાન હવામાનના મોડલમાં કેવા સમીકરણો જોવા મળી રહ્યા છે? એ મુજબ આ વર્ષે ગુજરાત રાજ્યમાં ચોમાસું દરમિયાન વરસાદની પરિસ્થિતિ નું કેવું નિર્માણ થશે? એ અંગેની મહત્વની વાત કરશું.

આજની આ મહત્વની પોસ્ટમાં આવનારું ચોમાસું એટલે કે ચોમાસું 2024 વર્ષ થશે ટનાટન એ અંગેની થોડી માહિતી આ પોસ્ટમાં મેળવશું. તો મિત્રો હવામાનની દરેક અપડેટ નિયમિત મેળવવા માટે અમારી આ વેબસાઈટ Weather Tv સાથે જોડાયેલા રહેજો.

આવનારૂ ચોમાસું 2024 કેવું રહી શકે? એ અંગેનું અનુમાન મેળવવા માટે શિયાળામાં બનતા કસ, ઉતાસણીનો પવન, અખાત્રીજનો પવન તેમજ ભડલી વાક્યો મુજબ આવનારા ચોમાસાનું અનુમાન સચોટ અનુમાન સામે આવતુ હોય છે.

એ મુજબ આવનારું ચોમાસું 2024 વર્ષ ટનાટન રહેશે. કેમ કે દિવાળી ઉપર જો પ્રાચીન વર્ષા વિજ્ઞાન મુજબ આકાશમાં કસ જોવા મળે તો, આવનારું ચોમાસુ ખૂબ જ સારું રહેવાની નિશાની ગણાય છે.

પ્રાચીન વર્ષા વિજ્ઞાનના આ સૂત્ર મુજબ ધનતેરસ, કાળી ચૌદસ તેમજ દિવાળી ઉપર રાજ્યના મોટાભાગના વિસ્તારોમાં હવામાન વાદળછાયું જોવા મળ્યું હતું. મોટાભાગના વિસ્તારોમાં કસ જોવા મળ્યો હતો. જે ચોમાસું 2024 માટે ખૂબ જ સારી નિશાની ગણાય.

જો આ ત્રણ દિવસ આકાશમાં લિસોટા, વાદળા કે કસ જોવા મળે તો, આવનારૂ ચોમાસું ખૂબ જ સારું જાય છે. વરસાદ મુશળધાર થાય છે. આવા યોગનો ઉલ્લેખ પ્રાચીન વર્ષા વિજ્ઞાનમાં જોવા મળે છે.

દિવાળી ઉપરના ત્રણ દિવસના અનુમાન મુજબ ચોમાસુ ખૂબ જ સારું જશે અને વર્ષ ટનાટન થશે. નદીનાળા છલકાશે. કેમકે આવનારૂ સારું ચોમાસુ રહેવા માટેની સારી નિશાની દિવાળીની આસપાસના દિવસોમાં જોવા મળી છે.

ચોમાસું 2024

મિત્રો વૈજ્ઞાનિક ઢબે ચોમાસું 2024 અંગે કયા કયા પરિબળો સપોર્ટ કરી રહ્યા છે? એ અંગેની વિસ્તારથી જાણીયે. ચોમાસાને લગતા ક્યા ક્યા પરિબળો સપોર્ટેબલ હોય તો, આવનારું ચોમાસું કેવું રહે? એ અંગેની વાત વિસ્તારથી જાણીએ.

પેસિફિક મહાસાગરની હલચલ જોઈએ તો, હાલ ભારતના ચોમાસાને અસર કરતું પરિબળ એલનીનો El nino સક્રિય છે. પરંતુ ચોમાસું 2024 જ્યારે ભારતમાં ઓન સેટ થશે ત્યારે એલનીનો El nino નેચરલ ફેસ તરફ આવી જશે.

જાન્યુઆરીમાં એલનીનો જે સક્રિય ગ્રાફમાં રહેલો એલનીનો તે ફેબ્રુઆરી 2024 થી સતત નેચરલ ફેસ તરફ ઝૂકાવ કરશે. જે ચોમાસું 2024 માટે એક સારા સંકેત ગણી શકાય. જૂન મહિનાના શરૂઆતના દિવસોમાં એલનીનો El nino નેચરલ ફેસની નજીક હશે. જે ચોમાસું 2024 માટે એક સારા સમાચાર ગણી શકાય.

ભારત વર્ષના ચોમાસાને મુખ્ય અસર કરતું ઇન્ડિયન ઓશન ડાયપોલ IOD જે ફેબ્રુઆરી 2024 થી પોઝિટિવ તરફથી નેચરલ ફેસ તરફ ઝુકાવ કરશે. જે પણ ગુજરાતવાસીઓ માટે સારા સમાચાર ગણી શકાય. કેમ કે જ્યારે જ્યારે IOD નેચરલ ફેસમાં કે પોઝિટિવ ફેસમાં જ્યારે જ્યારે રહ્યો છે. ત્યારે ત્યારે ગુજરાતનું ચોમાસુ હંમેશા સારું જ જોવા મળ્યું છે.

મિત્રો ગુજરાતના ચોમાસા માટે એલનીનો El nino કરતા ઇન્ડિયન ઓશન ડાયપોલ એટલે કે IOD વધારે અસર કરે છે. જો IOD પોઝિટિવ અથવા તો, નેચરલ ફેસમાં હોય છે. ત્યારે ત્યારે ગુજરાતનું ચોમાસુ હંમેશા સારું જ સાબિત થયું છે. તો મિત્રો આ બંને પરિસ્થિતિ જોઈએ તો, Monsoon 2024 એ ગુજરાત માટે સારું સાબિત થઇ શકે છે.

મિત્રો Monsoon 2024 અંગેની નિયમિત અપડેટ અમે Weather Tv વેબસાઈટના માધ્યમથી સતત તમારી સમક્ષ આપતા રહેશું. તો હવામાનની દરેક અપડેટ નિયમિત મેળવવા માટે અમારી વેબસાઈટ Weather Tv ને તમારા મોબાઇલ ફોનમાં જરૂરથી સેવ કરી લેવી.

error: Content is protected !!