પલાળેલા ચણાનો પ્રયોગ : ચોમાસું 2024 ટનાટન

પલાળેલા ચણાનો પ્રયોગ

ઉતાસણીનો તહેવાર એટલે આવનારૂ ચોમાસું અંગે વર્તારો કાઢવાનો મહત્વનો દિવસ ગણાય. આપણે હોળીના પવનને આધારે આવનારું ચોમાસું કેવું રહે એ અંગે વર્ષોથી અનુમાન કરતા આવ્યા છીએ. એ જ રીતે મિત્રો ઉતાસણીની સાંજે પલાળેલા ચણાનો પ્રયોગ ખૂબ જ પ્રચલિત છે.

પલાળેલા ચણાનો પ્રયોગ શું છે? ઉતાસણીની સાંજે પલાળેલા ચણાનો પ્રયોગ કેવી રીતે કરવામાં આવે છે? અને પલાળેલા ચણાના પ્રયોગ ઉપરથી ચોમાસામાં ચારેય મહિનામાં વરસાદનું પ્રમાણ કેવું રહે? એ અંગેની મહત્વની વાત આ પોસ્ટની માધ્યમથી કરશું.

મિત્રો પ્રાચીન વર્ષા વિજ્ઞાન મુજબ હોળીની સાંજે એક સરખી સાઇઝના ચાર ચણા લેવામાં આવે છે. ત્યારબાદ આ ચારેય ચણાને જેઠ, અષાઢ, શ્રાવણ અને ભાદરવો એમ ચાર નામ આપવામાં આવે છે. આ ચણાને હોળીની સાંજે અલગ અલગ પોટલી બાંધી અને પલાળવામાં આવે છે.

મિત્રો ત્યારબાદ વહેલી સવારે એક ખાસ અનુમાન કરવામાં આવે છે. પલાળેલા ચણાનો પ્રયોગ મુજબ જે ચણામાં વધુ ભેજ ચડ્યો હોય એટલે કે જે ચણાની સાઈઝ સૌથી વધુ જોવા મળે, તે મહિનામાં વરસાદનું પ્રમાણ સારું એવું ચોમાસા દરમિયાન જોવા મળે છે. પલાળેલા ચણાનો પ્રયોગ મુજબ જે ચણામાં ભેજનું પ્રમાણ વધુ રહે તે ચણાની સાઈઝ મોટી જોવા મળે છે.

પલાળેલા ચણાનો પ્રયોગ

આ વર્ષે કરેલા પ્રયોગ મુજબ માહિતી મેળવીએ તો, જેઠ મહિનાના ચણાએ સારો એવો ભેજ જણાતા જેઠ મહિનામાં વાવણી લાયક વરસાદની સાથે જેઠ મહિના દિવસો દરમિયાન વરસાદના રાઉન્ડ સારા જોવા મળી શકે. ટૂંકમાં મિત્રો જેઠ મહિનાના દિવસો દરમિયાન રાજ્યમાં વરસાદની સંભાવના સારી એવી આ વર્ષે જોવા મળી રહી છે.

અષાઢ મહિના દિવસો દરમ્યાન પલાળેલા ચણાનો પ્રયોગ મુજબ અષાઢ મહિનાના ચણામાં પણ સારો એવો ભેજ જોવા મળતા ચણાની સાઈઝ સારી એવી મોટી જોવા મળી હતી. એ મુજબ અષાઢ મહિનામાં પણ વરસાદની સંભાવના સારી એવી ગણી શકાય. સામાન્ય રીતે અષાઢ મહિનામાં દર વર્ષે લગભગ રાજ્યમાં ભારે વરસાદની સંભાવના ઊભી થતી હોય છે અને સાથે સાથે અષાઢ મહિનાનું હવામાન પણ હંમેશા વરસાદ મય જણાતું હોય છે.

જ્યારે શ્રાવણ મહિનાના ચણાએ ભેજની માત્રા યોગ્ય ગ્રહણ કરી નથી. જેથી શ્રાવણ મહિનામાં ખંડ વૃષ્ટિનું પ્રમાણ રહી શકે. તો કોઈ કોઈ વિસ્તારોમાં આ ચિત્ર મુજબ વરસાદની સંભાવના ખૂબ જ ઓછી રહી શકે. ટૂંકમાં આ વર્ષે મિત્રો પલાળેલા ચણાનો પ્રયોગ મુજબ શ્રાવણ મહિનામાં વાયરુ પણ જોવા મળી શકે છે.

ભાદરવા મહિનાના ચણાએ પણ વિપુલ માત્રામાં ભેજ ગ્રહણ કરેલો હોવાથી ભાદરવા મહિનામાં પણ વરસાદની સંભાવના ભરપૂર રહી શકે. પલાળેલા ચણાનો પ્રયોગ મુજબ આ વર્ષે ભાદરવા મહિનામાં તોફાની વરસાદની સંભાવના ઉભી થાય એવું એક અનુમાન લગાવી શકાય. કેમકે ભાદરવા મહિનાના ચણાની સાઈઝ સારી એવી મોટી આ પ્રયોગમાં જોવા મળી છે.

છેલ્લા કેટલાક વર્ષોથી વિશ્વનું હવામાન મોટે પાયે બદલાયેલું જોવા મળી રહ્યું છે. તેથી ક્યારેક ક્યારેક દેશી વિજ્ઞાનના સમીકરણો ઉભા રહેતા નથી. છતાં પણ આ પલાળેલા ચણાનો પ્રયોગ ગુજરાતના ખેડૂતો ઘણા વર્ષોથી કરતા આવ્યા છે. એ મુજબ આ વર્ષના ચોમાસાનું એકમાત્ર અનુમાન વ્યક્ત કરવામાં આવ્યું છે.

ચોમાસું 2024

ટૂંકમાં મિત્રો આ વર્ષના પલાળેલા ચણાનો પ્રયોગ મુજબ આ વર્ષનું ચોમાસું 2024 સારું રહી શકે. તો શ્રાવણ મહિનામાં વરસાદની માત્રા કંઈક અંશે ઓછી રહી શકે. જોકે જેઠ, અષાઢ અને ભાદરવા મહિનામાં વરસાદની સારી સંભાવના આ પ્રયોગમાં જોવા મળતી હોવાથી આ વર્ષનું ચોમાસું ખૂબ જ સારું રહી શકે.

હવામાન અંગેના લાંબા ગાળાની પરિસ્થિતિનું એક સામાન્ય અનુમાન મેળવીએ તો, આ વર્ષે 2024 દરમ્યાન અલ નીનો 2024 ભારતના ચોમાસાને ખાસ પ્રભાવિત કરે એવું હાલ જણાઈ રહ્યું નથી. કેમકે ચોમાસાની શરૂઆતના તબક્કામાં જ અલ નીનો પરિબળ નાબૂદ થઈ જશે અને નીનો ઇન્ડેક્સ નેચરલ ફેસ આવી જશે. જે ભારતના ચોમાસા માટે ખૂબ જ સારા સમાચાર ગણી શકાય.

તો બીજી તરફ ઇન્ડિયન ઓશન ડાયપોલ પણ ભારતના સારા ચોમાસાની તરફેણમાં જોવા મળશે. મિત્રો એપ્રિલ મહિનાથી ઇન્ડિયન ઓશન ડાયપોલ ધીરે ધીરે પોઝિટીવ ફેસ તરફ ઝુકાવ કરશે. જેથી ખાસ કરીને પશ્ચિમ ભારતના ચોમાસામાં વરસાદની સારી એવી સંભાવના રહી શકે. જેમાં ગુજરાત, મહારાષ્ટ્ર તેમજ રાજસ્થાનના વિસ્તારોમાં આ વર્ષનું ચોમાસું 2024 ટકાટક રહી શકે.

હાલ આ વર્ષનું એક અત્યાર સુધીનું એનાલિસિસ કરીએ તો, મિત્રો દેશી વિજ્ઞાન તેમજ આધુનિક વિજ્ઞાનના બંને વિભાગના પરિબળ મુજબ આ વર્ષનું ચોમાસું ગુજરાત માટે ખૂબ જ સારું એવું રહી શકે છે. ગુજરાતમાં જે સામાન્ય વરસાદ દર વર્ષે જોવા મળતો હોય છે તેના કરતાં પણ અમુક પર્સન્ટ પ્લસ વરસાદ આ વર્ષના ચોમાસામાં જોવા મળી શકે.

મિત્રો આ વર્ષના ચોમાસામાં કસ કાતરાનું પણ સારું એવું પ્રમાણ જોવા મળ્યું છે. અને સાથે સાથે વર્ષ 2024ના શિયાળા દરમિયાન ઝાકળ વરસાદનું પ્રમાણ પણ ખૂબ જ ઓછું જોવા મળ્યું છે. એ મુજબ આ વર્ષનું ચોમાસું સારું એવું ગુજરાત માટે નીવડી શકે છે. કેમ કે આવા વિધાનો પણ દેશી વિજ્ઞાનમાં જોવા મળી રહ્યા છે.

તો બીજી તરફ રાજ્યમાં ઉનાળાની શરૂઆત થઈ ચૂકી છે. અને ઉનાળામાં આ વર્ષે ગરમી પણ નવા નવા રેકોર્ડનું નિર્માણ કરે એવું ચિત્ર અત્યારથી જ જોવા મળી રહ્યું છે. ટૂંકમાં આ વર્ષનો ઉનાળો ગુજરાત માટે આકરો જોવા મળી શકે. ઘણા વિસ્તારોમાં હીટ વેવના એક પછી એક માહોલનું નિર્માણ આ વર્ષના ઉનાળામાં થઈ શકે.

ફાગણ મહિનાનું હવામાન બાદ ચૈત્ર મહિનાના દિવસો દરમિયાન જો ગરમીનો માહોલ સારો એવો જોવા મળે અને ચૈત્ર મહિનાના દિવસો દરમિયાન આકાશ સ્વચ્છ જોવા મળે તો, આવનારું ચોમાસું દેશી વિજ્ઞાનના વિધાનો મુજબ સારું જ રહેશે એમાં કોઈ શંકા કરવી નહીં.

ખાસ નોંધ : હોળીની રાત્રે પલાળેલા ચણાનો પ્રયોગ સંબંધિત ઉપર રજૂ કરવામાં આવેલી માહિતી એ Weather Tv વેબસાઈટની પર્સનલ માહિતી નથી. પરંતુ ઘણા હોળીની રાત્રે વર્ષોથી જે પ્રયોગ કરવામાં આવે છે, એ મુજબ આ વર્ષે કેવું ચિત્ર જોવા મળ્યું છે. એ અંગેની માહિતી અહીં રજૂ કરવામાં આવી છે.

વૈશાખ મહિનાનું હવામાન : ચોમાસાનું પ્રથમ દ્વાર

વૈશાખ મહિનાનું હવામાન

વૈશાખ મહિનો ગ્રીષ્મ ઋતુમાં આવે છે. વૈશાખ અને જેઠ મહિનો એ ગ્રીષ્મ ઋતુના મહિના ગણાય. એટલે જ વૈશાખ મહિનાનું હવામાન એ ચોમાસાનું પ્રથમ દ્વાર ગણી શકાય. વૈશાખ મહિના દરમિયાન કેવા કેવા સમીકરણો હવામાનમાં ઊભા થાય તો આવનારું ચોમાસું કેવું રહે? એ અંતર્ગત ખૂબ જ મહત્વની વાત આ પોસ્ટના માધ્યમથી રજૂ કરશું.

મિત્રો વૈશાખ મહિનો શરૂઆત થાય છે ત્યારથી જ આકાશમાં સવાર સાંજના સમયગાળા દરમિયાન વાદળોની ઉપસ્થિતિ જોવા મળતી હોય છે. અને આ વાદળોને આપણે દેશી ભાષામાં ધારીયા વાદળા તરીકે પણ ઓળખીએ છીએ. ટૂંકમાં મિત્રો વૈશાખ મહિનાનું હવામાન મુજબ વૈશાખ મહિનામાં વહેલી સવાર તેમજ રાત્રીના સમયગાળા દરમિયાન હવામાં ભેજની માત્રા ધીરે ધીરે વધતી જણાતી હોય છે.

દેશી વિજ્ઞાન મુજબ વૈશાખ મહિનાનું હવામાન જો સારી કન્ડિશનમાં જોવા મળે તો, આવનારું ચોમાસું ટનાટન રહે છે. એટલે જ વૈશાખ મહિનાના દિવસો દરમિયાન ખાસ હવામાનનો અભ્યાસ કરવો. સુદ પક્ષ તેમજ વદ પક્ષના દિવસોમાં હવામાન કેવું રહે છે એ મુજબ આવનારા ચોમાસાની ઉપસ્થિતિના ચિત્રો પણ સામે આવતા હોય છે.

વૈશાખ મહિનાનું હવામાન મુજબ વૈશાખ સુદ 3 નું ખાસ અવલોકન કરવું. જેને આપણે અખાત્રીજ પણ કહીએ છીએ. વૈશાખ સુદ ત્રીજના દિવસના પવનનું ખાસ અવલોકન કરવું. અખાત્રીજના વહેલી સવારના પવન મુજબ આવનારા ચોમાસાનું ચિત્ર સ્પષ્ટ બનતું હોય છે. વૈશાખ સુદ ત્રીજના પ્રથમ પ્રહારના પવનનું ખાસ અવલોકન કરવું. જો પશ્ચિમ અથવા તો નૈઋત્યનો પવન વહેલી સવારે સૂર્યોદય પહેલા જણાય તો આવનારું ચોમાસું ટનાટન રહેશે.

એ જ રીતે મિત્રો વૈશાખ મહિનાનું હવામાન મુજબ અક્ષય તૃતીયાને દિવસે જો ગુરૂવાર હોય તો, તે વર્ષ ખૂબ જ સમગ્ર સંસાર માટે શુભમય સાબિત થશે. કેમ કે જો અક્ષય તૃતીયાના દિવસે ગુરુવાર હોય તો, ચોમાસામાં વરસાદ ખૂબ જ સારો પડે છે. એટલે કે ચોમાસાના ચારેય મહિના દરમિયાન વરસાદની ઉપસ્થિતિ રહેશે. સાથે સાથે ખેત ઉત્પાદન પણ ખૂબ જ સારું આવશે. ધન ધાન્યના ઢગલા થાય, રાજા તેમજ પ્રજા સુખી થાય એટલે અક્ષય તૃતીયાના દિવસના વારની ઉપસ્થિતિનું પણ ખાસ અવલોકન કરવું.

વૈશાખ સુદ પડવાના દિવસનો પણ ખાસ અભ્યાસ કરવો. કેમ કે જો વૈશાખ મહિનાનું હવામાન મુજબ વૈશાખ સુદ પડવાને દિવસે એટલે કે વૈશાખ મહિનાની અંજવાળી એકમે જો આકાશમાં વાદળ વીજળી થાય તો, સર્વ પ્રકારના ધાન્યો ખૂબ જ પાકે છે. ચોમાસું પણ ખૂબ જ સારું રહે એટલે જ મોટે ભાગે તે વર્ષ ખૂબ જ સુખકારી નીવડે છે. આવી વાત પ્રાચીન વર્ષા વિજ્ઞાનમાં જોવા મળી રહી છે.

વૈશાખ મહીનાનું હવામાન

અખાત્રીજના દિવસનો બીજો પણ ખાસ અભ્યાસ કરવો. એટલે કે અખાત્રીજના દિવસે એક બીજા યોગનું પણ અવલોકન કરવું. વૈશાખ મહિનાનું હવામાન મુજબ અખાત્રીજે ગુરૂવાર હોય અને સાથે સાથે જો રોહિણી નક્ષત્રની હાજરી હોય તો, તે વર્ષે ચોમાસામાં પુષ્કળ અન્ન પાકે છે. વરસાદની રેલમેલમ તે વર્ષના ચોમાસામાં જોવા મળશે. નદીનાળા છલકાશે ટૂંકમાં ચોમાસું ખૂબ જ જામશે. એટલે જ અખાત્રીજે આ વાતનું પણ ખાસ અવલોકન કરવું.

મિત્રો વૈશાખ મહિનામાં ટીટોડીના ઈંડાનું પણ ખાસ અવલોકન કરવું. કેમ કે વૈશાખ મહિનામાં ખેતરના સીમ શેઢે અથવા તો ખેતરની વચ્ચે ટીટોડીના ઈંડા જોવા મળતા હોય છે. તો ઈંડા કેટલી સંખ્યામાં જોવા મળે છે? એ વાતનું પણ ખાસ અવલોકન કરવું. કેમ કે વૈશાખ મહિનાનું હવામાન મુજબ ટીટોડીના ઈંડાની સંખ્યા જો ત્રણ અથવા તો ત્રણથી વધુ જોવા મળે તો, તે વર્ષનું ચોમાસું ખૂબ જ સારું સાબિત થશે.

પ્રાચીન વર્ષા વિજ્ઞાનના સિદ્ધાંત મુજબ ચૈત્ર, વૈશાખ અને જેઠ મહિનામાં જો ગરમીનું પ્રમાણ વિશેષ જોવા મળે તો પણ આવનારું ચોમાસું ખૂબ જ સારું રહે છે. જો વૈશાખ મહિનાના દિવસો દરમિયાન દિવસે ગરમીનું પ્રમાણ વધુ રહે અને રાત્રે જો ઠંડીનું પ્રભુત્વ વધુ પડતું જોવા મળે તો, વૈશાખ મહિનાનું હવામાન મુજબ આવનારું ચોમાસું નબળું પણ રહી શકે. કેમ કે આવું વિધાન પણ દેશી વિજ્ઞાનમાં જોવા મળી રહ્યું છે.

ભડલી વાક્યો મુજબ વૈશાખ સુદ ત્રીજના દિવસે રોહિણી નક્ષત્રની હાજરી ન હોય, તેમ જ પોષ મહિનાની અમાસે મૂળ નક્ષત્રની હાજરી ન હોય, આવી પરિસ્થિતિ બને અને જો ચોમાસામાં શ્રાવણ મહિનાની પૂનમે એટલે કે રક્ષા બંધનના દિવસે જો છાંટા ન પડે તો, ચોમાસું ખૂબ જ નબળું રહે છે. તો એકબીજા યોગ મુજબ કારતક મહિનાની પૂનમે કૃતિકા નક્ષત્ર ન હોય, અને મહા મહિનામાં જો વીજળી પડે તો, તે વર્ષનું ચોમાસું નબળું રહે છે. કેમ કે આ વાત ભડલી વાક્યોમાં જોવા મળી રહી છે.

ચોમાસાનું પ્રથમ દ્વાર

એટલે જ મિત્રો ઉપર જણાવેલી બધી જ વાતોનું ખાસ અવલોકન વૈશાખ મહિનાનું હવામાન દરમિયાન કરવું ખૂબ જ જરૂરી છે. એટલે જ વૈશાખ મહિનાનું હવામાન એ આવનારા ચોમાસા માટેનું પ્રથમ દ્વાર ગણી શકાય. વૈશાખ મહિનાનું હવામાન જો સારી ઉપસ્થિતિમાં જણાય તો, આવનારું ચોમાસું ખૂબ જ સારું રહે છે. અને જો કોઈ વિપરીત યોગોનું નિર્માણ જોવે મળે તો, આવનારું ચોમાસું નબળું રહે છે.

વૈશાખ મહિનાના દિવસો દરમિયાન નક્ષત્રનો પણ ખાસ અભ્યાસ કરવો. કેમ કે વર્ષના ચાર સ્તંભ જે આવતા હોય છે તેમાં ઘણા સ્તંભો વૈશાખ મહિનાના દિવસો દરમિયાન આવતા હોય છે. અને વૈશાખ મહિનામાં મોટે ભાગે રેવતી, અશ્વની, ભરણી તેમજ કૃતિકા નક્ષત્ર ના યોગો પણ આ મહિના દરમિયાન બનતા હોય છે. એટલે આ વાતનું પણ ખાસ અવલોકન કરવું. જોકે વર્ષના ચારેય સ્તંભ અંગેની માહિતી આપણે નવી પોસ્ટના માધ્યમથી વાત કરશું.

નોંધ : મિત્રો ઉપર જણાવવામાં આવેલી વૈશાખ મહિનાનું હવામાન અંતર્ગત વાત એ Weather Tv વેબસાઈટની કોઈ પર્સનલ માહિતી નથી. પરંતુ દેશી વિજ્ઞાન તેમજ ભડલી વાક્યોમાં વૈશાખ મહિનાના હવામાન દરમિયાન કેવા કેવા યોગનું નિર્માણ થાય તો, આવનારા ચોમાસામાં તેની શું અસર થાય છે? એ અંગેની વાત રજૂ કરવામાં આવી છે. એટલે જ વૈશાખ મહિનાના હવામાનની વાત એ Weather Tv વેબસાઈટની કોઈ પર્સનલ માહિતી નથી. આ વાતનો ખાસ ખ્યાલ રાખવો.

વૈશાખ મહિનાનું હવામાન અંતર્ગત એક ટૂંક ગણિત જોઈએ તો, વૈશાખ મહિનો બને તેટલો ચોખ્ખો રહેવો જોઈએ. વૈશાખ મહિનાના દિવસો દરમિયાન ગરમીનું પ્રભુત્વ વધુ રહેવું જોઈએ. આમ છતાં પણ જો વૈશાખ મહિનામાં કૃતિકા નક્ષત્રમાં છાટા છૂટી અથવા તો, હળવું ભારે માવઠું થાય તો, આવનારા ચોમાસામાં તેની વિપરીત અસર ભડલી વાક્ય મુજબ જોવા મળતી નથી. ઉલ્ટાનું આવનારું ચોમાસું ખૂબ જ સારું આવે છે. કૃતિકા નક્ષત્રમાં માવઠું થવાથી ઘણા દોષોનું પણ ધોવાણ થાય છે.

મિત્રો અમારો ઉદ્દેશ્ય એક જ માત્ર છે કે, ગુજરાતના ખેડૂતો સુધી ગુજરાતના હવામાનની માહિતી નિયમિત રીતે પહોંચે. એટલે જ અમારી વેબસાઈટ દ્વારા પ્રાચીન વર્ષા વિજ્ઞાનની સાથે સાથે આધુનિક હવામાનના મોડલ આધારિત પણ હવામાનની અપડેટ નિયમિત રજૂ કરવામાં આવે છે. માટે તમારા વિસ્તારનું હવામાન કેવું રહેશે? એ સંબંધિત દરેક અપડેટ રેગ્યુલર મેળવવા માટે અમારી વેબસાઈટ સાથે જોડાયેલા રહેજો ખુબ ખુબ આભાર.

ચિત્રા નક્ષત્ર 2024 : ઘેલી ચિત્રા ભુક્કા કાઢશે

ચિત્રા નક્ષત્ર 2024

ચિત્રા નક્ષત્ર એટલે કે વર્ષાઋતુનું છેલ્લું નક્ષત્ર ગણી શકાય .આમ તો મિત્રો સ્વાતિ નક્ષત્રની પણ ગણના ચોમાસાના વરસાદના નક્ષત્રમાં થાય છે. પરંતુ મોટેભાગે ચિત્રા નક્ષત્રમાં વરસાદની સંભાવના છેલ્લા તબક્કામાં જોવા મળતી હોય છે. તો આજની આ મહત્વની પોસ્ટમાં ચિત્રા નક્ષત્ર 2024 સંબંધિત ઘેલી ચિત્રા નક્ષત્ર ભુક્કા કાઢે તેવા યોગ જ્યોતિષશાસ્ત્રમાં જોવા મળી રહ્યા છે.

દર વર્ષે ચિત્રા નક્ષત્ર ચોમાસું વિદાય થવાની અણી ઉપર હોય એ અરસામાં બેસતું હોય છે. એટલે જ ચિત્રા નક્ષત્રમાં વરસાદનું પ્રમાણ ખૂબ જ ઓછું જોવા મળતું હોય છે. ચોમાસાનો છેલ્લો વરસાદનો રાઉન્ડ લગભગ હસ્ત નક્ષત્રના દિવસો દરમિયાન જોવા મળતો હોય છે. તો આ વર્ષે ગુજરાત રાજ્યમાં હસ્ત નક્ષત્ર 2024 દરમિયાન વરસાદની સંભાવના કેવી જોવા મળી રહી છે. તે આપણે ઉપરની પોસ્ટમાં વર્ણન કર્યું છે.

મિત્રો ચિત્રા નક્ષત્રના સમયગાળા દરમિયાન રાજ્યનું હવામાન ખૂબ જ અસ્થિર જોવા મળતું હોય છે. ચિત્રા નક્ષત્ર 2024 ના સમયગાળા દરમિયાન લગભગ ગરમીનો માહોલ વધુ પડતો જોવા મળતો હોય છે. તો બીજા હવામાનના પિરામિટરની વાત કરીએ તો, જે તે વિસ્તારનું પ્રાદેશિક હવામાન પણ ખૂબ જ અસ્થિરતાથી ભરેલું હોય છે. પવનની દિશા પણ ચિત્રા નક્ષત્રના સમયગાળા દરમિયાન અસ્તવ્યસ્ત જોવા મળતી હોય છે.

ચિત્રા નક્ષત્રના સમયગાળા દરમિયાન દિવસે અને રાત્રીના તાપમાનમાં મોટો ફેરફાર જોવા મળતો હોય છે. ચિત્રા નક્ષત્રના દિવસો દરમિયાન દિવસનું તાપમાન ખૂબ જ ઊંચું જોવા મળતું હોય છે. તો રાત્રિના સમય ગાળા દરમિયાન ઠારનું પ્રમાણ વધુ જોવા મળતું હોય છે. આ પરિસ્થિતિને અનુસંધાને ચિત્રા નક્ષત્ર ના સમયગાળા દરમિયાન રાત્રે તેમ જ દિવસના તાપમાનમાં 10 થી 15 ડિગ્રી જેટલો ફેરફાર લગભગ દર વર્ષે જોવા મળતો હોય છે.

મિત્રો હવામાનના લાંબાગાળાના મોડલના ચાર્ટ મુજબ એક વિવરણ જોઈએ તો, ચિત્રા નક્ષત્રના દિવસો દરમિયાન ખાસ કરીને બંગાળની ખાડીમાં અવાર નવાર મોટી સિસ્ટમનું નિર્માણ થતું હોય છે. તો અરબ સાગરમાં પણ ચિત્ર નક્ષત્રના સમયગાળા દરમિયાન ક્યારેક ક્યારેક વાવાઝોડું પણ બનતું હોય છે. અને આવું આપણે ભૂતકાળના ઘણા વર્ષોમાં પણ જોઈ ચૂક્યા છીએ.

મોટે ભાગે દર વર્ષે ઓક્ટોબર મહિનાના હવામાન મુજબ રાજ્યમાં ઝાકળ વરસાદનો રાઉન્ડ પણ જોવા મળતો હોય છે. કેમકે ઓક્ટોબર મહિનાના દિવસો દરમિયાન પવનની દિશા નિશ્ચિત જણાતી નથી. જ્યારે જ્યારે ઓક્ટોબર મહિનાના દિવસો દરમ્યાન નોર્થ વેસ્ટના પવન જોવા મળે છે, ત્યારે ત્યારે લગભગ આ દિવસો દરમિયાન ઝાકળના રાઉન્ડ પણ જોવા મળતા હોય છે. જે કપાસ જેવા પાકો માટે નુકસાન રૂપ સાબિત થતા હોય છે.

ઘેલી ચિત્રા

મિત્રો રાજ્યમાં ઘેલી ચિત્રા નક્ષત્રના દિવસો દરમ્યાન જો વરસાદનું પ્રમાણ જોવા મળે તો, તે વરસાદ ખેતીના પાકો માટે મોટી નુકસાની રૂપ સાબિત થતો હોય છે. કેમ કે આ સમયગાળા દરમિયાન ખેતીના પાકો લગભગ પરિપક બન્યા હોય છે. મગફળી મોટાભાગના વિસ્તારોમાં આ સમયગાળા દરમિયાન પાથરે પડેલી હોય છે. એટલે જ જો ચિત્રા નક્ષત્ર દરમિયાન વરસાદની સંભાવના વધુ રહે તો, તે ખેડૂતો માટે નુકસાન રૂપ સાબિત થઈ શકે.

આમ તો મિત્રો ઓક્ટોબર મહિનામાં રાજ્યમાંથી ચોમાસાની વિદાય થવાની અણી ઉપર હોય છે. ઓક્ટોબર મહિનાના શરૂઆતના તબક્કામાં મુખ્યત્વે કચ્છ તેમજ ઉત્તર ગુજરાત સહિત મધ્ય ગુજરાતના ઘણા વિસ્તારો તો, ઉત્તર સૌરાષ્ટ્રના ઘણા વિસ્તારોમાંથી પણ ચોમાસું વિદાય લેતું જોવા મળતું હોય છે. એટલે જ જ્યારે જ્યારે ચિત્રા નક્ષત્રમાં વરસાદ પડે છે, ત્યારે ત્યારે આ વરસાદને માવઠાના વરસાદ તરીકે પણ ગણવામાં આવે છે.

ચિત્રા નક્ષત્ર 2024

વર્ષ 2024 દરમિયાન ચિત્રા નક્ષત્ર 2024 ક્યારે બેસે છે? ચિત્રા નક્ષત્રના સમયગાળા દરમિયાન આ નક્ષત્રનું વાહન શું છે? તેમજ જ્યોતિષશાસ્ત્રમાં વિક્રમ સવંત 2080 નું વર્ષ એટલે કે વર્ષ 2024 દરમિયાન ચિત્રા નક્ષત્ર 2024 ના સમયગાળા દરમિયાન વરસાદની સંભાવના કેવી જોવા મળી રહી છે? એ અંગેની વિગતવાર વાત હવે આગળ કરીએ.

મિત્રો ઘેલી ચિત્રા એટલે ચિત્રા નક્ષત્ર જેને ઘણા લોકો ઘેલી ચિત્રાના નામથી પણ ઓળખે છે. તો મિત્રો આ વર્ષે ઘેલી ચિત્રા ભુક્કા કાઢે એવા યોગનું નિર્માણ જ્યોતિષશાસ્ત્રમાં જોવા મળી રહ્યું છે. ચિત્રા નક્ષત્ર 2024 ના સમયગાળા દરમિયાન રાજ્યમાં જ્યોતિષશાસ્ત્રના યોગ મુજબ આ વર્ષે વરસાદની સંભાવના સારી એવી જોવા મળી રહી છે.

સૂર્યનારાયણ ભગવાનનો ચિત્રા નક્ષત્ર 2024 માં શુભ પ્રવેશ Dt : 10-10-2024 ના રોજ ગુરુવારે થશે. મિત્રો ચિત્રા નક્ષત્ર 2024 નું વાહન ભેંસનું હોવાથી વરસાદના યોગ સારા એવા ઉભા થઈ શકે. સાથે સાથે ચિત્રા નક્ષત્ર 2024 આ વર્ષે સંજોગ્યું નક્ષત્ર આ વર્ષના જ્યોતિષશાસ્ત્રના યોગ મુજબ જોવા મળી રહ્યું છે. એટલે જ આ વર્ષે ઘેલી ચિત્રા નક્ષત્ર ભુક્કા કાઢે એવી પરિસ્થિતિનું નિર્માણ થઈ શકે.

મિત્રો આ વર્ષે ચિત્રા નક્ષત્રનું વાહન ભેંસનું હોવાથી વરસાદની સંભાવના સારી એવી ઊભી થઈ શકે. સાથે સાથે આ વર્ષના જ્યોતિષશાસ્ત્રના યોગ મુજબ ચિત્રા નક્ષત્ર 2024 સંજોગ્યું નક્ષત્ર જણાતું હોવાથી પણ ચિત્રા નક્ષત્રના દિવસો દરમિયાન ભારે વરસાદની સંભાવના ગણી શકાય. જોકે જો આવી પરિસ્થિતિનું નિર્માણ થાય તો, આ વરસાદને માવઠાના વરસાદ તરીકે પણ ગણી શકાય.

ખાસ નોંધ : મિત્રો ઉપર જણાવવામાં આવેલી ચિત્રા નક્ષત્ર 2024 સંબંધિત વરસાદની સંભાવનાની વાત એ વર્ષ 2024 દરમિયાન જ્યોતિષશાસ્ત્રમાં જોવા મળતા યોગ મુજબ સંપૂર્ણ વાત જણાવવામાં આવી છે. ઉપર જણાવવામાં આવેલી ચિત્રા નક્ષત્ર સંબંધિત માહિતી Weather Tv વેબસાઈટની પર્સનલ માહિતી નથી. આ વાતનો ખાસ ખ્યાલ રાખવો.

ચોમાસું 2024 કેવું રહી શકે? એ અંતર્ગત વર્ષ 2024 ના વર્ષના વરસાદના નક્ષત્રો ક્યારે બેસે છે? અને તેમનું વાહન શું છે? અને સાથે સાથે ક્યાં નક્ષત્રમાં કેવા વરસાદની સંભાવના જોવા મળી શકે? એ સંબંધિત વરસાદના નક્ષત્ર 2024 આ પોસ્ટમાં સંપૂર્ણ માહિતી રજૂ કરવામાં આવી છે. એટલે આ માહિતી સંપૂર્ણ રીતે વાંચી લેવી.

મિત્રો સમગ્ર ગુજરાત રાજ્યના તમામ વિસ્તારોની હવામાન અંગેની નિયમિત અપડેટ મેળવવા માટે અમારી આ વેબસાઈટ Weather Tv ને તમારા મોબાઇલ ફોનમાં જરૂરથી બુકમાર્કના રૂપે સેવ કરી લેજો. જેથી તમને ગુજરાતના હવામાન અંગેની માહિતી નિયમિત રીતે મળતી રહે ખૂબ ખૂબ આભાર.

માગશર મહિનાનું હવામાન : ચોમાસું જામશે

માગશર મહિનાનું હવામાન

આવનારું ચોમાસું કેવું રહી શકે? એ માટે મિત્રો કારતક મહિનાથી મહા મહિના દરમિયાન આ ચારેય મહિનામાં કેવા ચિત્રો સર્જાય? એ મુજબ આવનારા ચોમાસાની સ્થિતિ સ્પષ્ટ બનતી હોય છે. તો આજની આ મહત્વની પોસ્ટમાં માગશર મહિનાનું હવામાન કેવું જોવા મળે તો, આવનારું ચોમાસું જામશે કે નહીં એ અંગેની માહિતી મેળવશું.

માગશર મહિનાનું હવામાન આવનારા ચોમાસાનું સ્ફટિક ચિત્ર ઊભું કરે છે કેમ કે માગશર મહિનો કેવો પસાર થાય છે એ મુજબ આવનારું ચોમાસુ સારું રહેશે કે નબળું રહેશે એ અંગેની સ્થિતિ પોસ્ટ બનતી હોય છે એટલે જ માગશર મહિનાનું હવામાન આવનારા ચોમાસા માટે મુખ્ય આધાર સ્તંભ ગણી શકાય.

મિત્રો કસ આધારિત માગશર મહિનાનું હવામાન જોઈએ તો, માગશર મહિનો એ મુખ્ય ગણાય છે. કેમકે માગશર મહિનામાં બનતા કસ કાતરા ચોમાસાના મુખ્ય વરસાદ માટે ચિત્રો ઊભા કરે છે. એટલે જ માગશર મહિનાનો ગર્ભ આવનારા ચોમાસા માટે ખૂબ જ મહત્વનો સાબિત થાય છે. એટલે જ માગશર મહિનાના કસને ચોમાસાના વરસાદના ધોરી દિવસો માટે મુખ્ય ગણવામાં આવે છે.

મિત્રો દેશી વર્ષા વિજ્ઞાનના સિદ્ધાંત મુજબ મુખ્યત્વે માગશર મહિનામાં અંજવાળીયા પક્ષમાં બનતા કસ કાતરા જ્યારે ચોમાસાના દિવસોમાં પરિપક્વ બને છે. ત્યારે આ દિવસોમાં બનતા ગર્ભનો વરસાદ ચોમાસામાં સાર્વત્રિક વરસાદના રૂપે જોવા મળે છે. માગશર મહિનાનું હવામાન મુજબ અંજવાળીયા પક્ષમાં બનતા ગર્ભનો વરસાદ ચોમાસામાં ભારેથી અતિ ભારે વરસાદના સંયોગ ઉભા કરે છે. અને આવું આપણે પાછલા ઘણા વર્ષોમાં પણ અનુભવ્યું છે.

માગશર મહિનામાં જેટલી ઠંડીનું પ્રમાણ વધુ જોવા મળે એટલું આવનારું ચોમાસું ટનાટન રહી શકે. કેમ કે જો ઠંડીના દિવસો દરમિયાન માગશર મહિનામાં બનતા ગર્ભનો વરસાદ ચોમાસાના દિવસો દરમિયાન અચૂક રીતે જોવા મળે છે. એક માન્યતા મુજબ માગશર મહિનાનું હવામાન મુજબ માગશર મહિનામાં બનેલો ગર્ભ બન્યા બાદ સાડા સાત મહિને તેનો વરસાદ ચોમાસાના દિવસો દરમિયાન જોવા મળતો હોય છે.

માગશર મહિનાનું હવામાન

દેશી વિજ્ઞાન મુજબ મિત્રો માગશર મહિનાના મોટા ભાગના દિવસો દરમિયાન પવનનું જોર વધુ રહે તેટલું આવનારું ચોમાસું મજબૂત આવે છે. એટલે કે આવનારું ચોમાસું સફળ રહેશે. માગશર મહિનાના દિવસો દરમિયાન ઈશાન ખૂણાનો પવન ફૂલ સ્પીડે ફૂંકાતો હોય તો, તે આવનારા ચોમાસા માટે સારી નિશાની ગણાય. ટૂંકમાં મિત્રો માગશર મહિનાનું હવામાન મુજબ માગશર મહિનામાં રોયાળ પવનની ઉપસ્થિતિ હોય તો, તે આવનારા ચોમાસા માટે ફાયદા રૂપ ગણી શકાય.

માગશર મહિનાના દિવસો દરમિયાન બનતા ગર્ભ દરમિયાન જો વધુ પડતો વહેલી સવારે ઠાર અથવા તો ઝાકળ બિંદુ જોવા મળે તો, તે ગર્ભ નિષ્ફળ જાય છે. એટલે આ વાતનો પણ ખાસ અભ્યાસ કરવો. મિત્રો માગશર મહિનામાં જ્યારે જ્યારે આકાશમાં ગર્ભનું નિર્માણ થાય છે, ત્યારે ઝાકડ જો આવે તો, તે નિશાની સારી ગણાતી નથી. એટલે માગશર મહિનામાં જો ઝાકળના રાઉન્ડ વધુ જોવા ન મળે તો, આવનારું ચોમાસું સફળ રહે.

મિત્રો પ્રાચીન વર્ષા વિજ્ઞાનના સિદ્ધાંત મુજબ માગશર મહિનાનું હવામાન પ્રમાણે જે જે દિવસે માગશર મહિનાના દિવસો દરમિયાન ગર્ભનું નિર્માણ થાય છે, ત્યારે આકાશની સ્થિતિનો ખાસ અભ્યાસ કરવો. જયારે ગર્ભ આકાશમાં જે દિવસે બનતો હોય તે દિવસે આકાશ જો લાલાશ પડતું એટલે કે રક્તવર્ણુ દેખાય તો, તે ગર્ભનો વરસાદ ચોમાસાના દિવસો દરમિયાન ક્યારેય નિષ્ફળ થતો નથી આ વાત લખી લેવી.

એક દેશી વિજ્ઞાનના સિદ્ધાંત મુજબ માગશર મહિનામાં જ્યારે ગર્ભ બને છે, ત્યારે જો આકાશમાં કસ તેમજ લિસોટાનો ગર્ભ બને તો, તે આવનારા ચોમાસા માટે સારી નિશાની ગણાય છે. પરંતુ જો માગશર મહિનાનો ગર્ભ વાદળના આધાર ઉપર બનતો હોય તો, તે આવનારા ચોમાસામાં મધ્યમ ફળ આપે છે. એટલે કે આ પ્રકારનો ગર્ભ સાધારણ ગર્ભ ગણી શકાય.

મિત્રો માગશર મહિનાના દિવસોનો ખાસ અભ્યાસ કરવો. ઉપર જણાવેલી તમામ બાબતોનું ખાસ અવલોકન માગશર મહિનાના દિવસો દરમિયાન કરવું. જો માગશર મહિનાનું હવામાન કેવું જોવા મળે તો, આવનારા ચોમાસાના દિવસો દરમિયાન આવતીકાલનું હવામાન કેવું રહી શકે? એ અંગે એક દેશી વિજ્ઞાનના સિદ્ધાંતો મુજબ આપણે સ્થિતિ નું ચિત્ર કેવું રહી શકે છે? એ અંગેનું એક અનુમાન મેળવી શકાય.

ભડલી વાક્યો ના સિદ્ધાંત મુજબ માગશર મહિનાનું હવામાન પ્રમાણે માગશર સુદ આઠમના દિવસે અથવા તો રાત્રે વાદળ અથવા તો વીજળી થાય તો, મિત્રો શ્રાવણ મહિનો વરસાદથી ભરપૂર રહેશે. આ વાત લખી લેવી કેમ કે આ વિધાન ભડલી વાક્યમાં જોવા મળી રહ્યું છે. એટલે જ મિત્રો માગશર સુદ આઠમના દિવસનું ખાસ અવલોકન કરવું.

માગશર મહિનાનું હવામાન મુજબ નક્ષત્ર અંગેની વાત કરીએ તો, મિત્રો માગશર મહિનામાં સૂર્ય નક્ષત્ર જેટલું તપે તેટલું સારું ગણવામાં આવ્યું છે. અને આ ઉપરાંત પણ માગશર મહિનામાં મૂળ નક્ષત્ર તપે તો, અતિ ઉત્તમ ગણી શકાય. કેમ કે જો આવી સ્થિતિનું સર્જન થાય તો, ચોમાસું વરસાદથી ખૂબ જ જામે છે. નદીનાળા છલકાય છે અને સાથે સાથે ખેતીના પાકોનું ઉત્પાદન પણ ખૂબ જ સારું આવે છે. એટલે આ વાતનો ખાસ અભ્યાસ કરવો.

આવનારું ચોમાસું કેવું રહેશે? એ અંતર્ગત દર વર્ષે માગશર મહિનાનું હવામાન અંગે ખાસ અભ્યાસ કરવો. જેમકે આ વર્ષે ઉપર જણાવેલી બાબત મુજબ જો માગશર મહિનાના દિવસોનો અભ્યાસ કર્યો હોય તો, ચોમાસું 2024 કેવું રહી શકે? એ અંગે એક અનુમાન લગાવી શકાય છે. કેમકે આ બધી વાત પ્રાચીન વર્ષા વિજ્ઞાનમાં જોવા મળી રહી છે.

નોંધ : મિત્રો માગશર મહિનાનું હવામાન અંતર્ગત ઉપર જણાવવામાં આવેલી તમામ વાત એ Weather Tv વેબસાઈટની પર્સનલ વાત નથી. પરંતુ આ બધી માહિતી પ્રાચીન વર્ષા વિજ્ઞાન તેમ જ ભડલી વાક્યોના આધારે અહીં માત્ર રજૂ કરવામાં આવી છે. આ વાતનો ખાસ ખ્યાલ રાખવો.

આપણે આગલી ઘણી બધી પોસ્ટમાં દરેક મહિનાનું હવામાન કેવું રહે? તો ચોમાસામાં તેની અસર કેવી જોવા મળે મળે છે. એ અંગેની વિસ્તૃત માહિતી આપણે દરેક મહિનાનું હવામાન સંબંધિત માહિતી રજૂ કરી છે. જેમ કે મહા મહિનાનું હવામાન, ફાગણ મહિનાનું હવામાન, ચૈત્ર મહિનાનું હવામાન, અષાઢ મહિનાનું હવામાન, શ્રાવણ મહિનાનું હવામાન એ સંબંધિત દરેક પોસ્ટ વાંચી લેવી.

હસ્ત નક્ષત્ર 2024 : હાથીયો નક્ષત્ર કરશે રેલમ છેલમ

હસ્ત નક્ષત્ર 2024

હસ્ત નક્ષત્ર જેને આપણે હાથીયો નક્ષત્રના નામથી પણ ઓળખીએ છીએ. તો હાથીઓ નક્ષત્ર લગભગ ચોમાસાનું છેલ્લું નક્ષત્ર ગણાય છે. પરંતુ વરસાદના નક્ષત્રની વાત કરીએ તો, ચિત્રા નક્ષત્રમાં પણ વરસાદ જોવા મળતો હોય છે. તો આજની આ મહત્વની પોસ્ટમાં હસ્ત નક્ષત્ર 2024 ક્યારે બેસે છે? અને હસ્ત નક્ષત્રના દિવસો દરમિયાન વરસાદનું પ્રમાણ કેવું જોવા મળશે? એ અંગેની વાત કરશું.

મિત્રો હસ્ત નક્ષત્ર 16 દિવસનું હોય છે. ચાર ચાર દિવસના સમયગાળા મુજબ એક એક પાયાના ભાગ પાડવામાં આવે છે. એટલે હસ્ત નક્ષત્ર ચાર પાયાનું નક્ષત્ર ગણાય છે. આમ ટોટલ હસ્ત નક્ષત્ર 2024 ના કુલ દિવસો 16 રહેશે. આ દિવસો દરમિયાન રાજ્યનું હવામાન કેવું જોવા મળશે? એ અંગેની વાત કરતા પહેલા હસ્ત નક્ષત્ર અંગે થોડી માહિતી મેળવી લઈએ.

હાથીયો નક્ષત્ર

એવું કહેવાય છે કે જો હાથીયો નક્ષત્ર બેસતાની સાથે જ ગાજવીજ અને કડાકા ભડાકા સાથે જો વરસાદ જોવા મળે તો, આવનારું ચોમાસું પણ ખૂબ જ સારું આવે છે. આવનારા ચોમાસાના દિવસો દરમિયાન વરસાદ મન મૂકીને વરસે છે. તો આવી એક લોકવાયકા જોવા મળી રહી છે. એ મુજબ જ આ વર્ષે હસ્ત નક્ષત્ર 2024 જ્યારે બેસે ત્યારે આ વાતનો ખાસ અભ્યાસ કરવો.

હસ્ત નક્ષત્રના દિવસો દરમિયાન કડાકા ભડાકા વધુ જોવા મળતા હોય છે. હસ્ત નક્ષત્રના દિવસો દરમિયાન બપોર બાદ મંડાણી વરસાદનું સામ્રાજ્ય સમગ્ર રાજ્યમાં જોવા મળતું હોય છે. મોટેભાગે હસ્ત નક્ષત્રનો વરસાદ ખૂબ જ તોફાની જોવા મળતો હોય છે. ગણતરીના સમયમાં નદીનાળા છલકાવી દેતું નક્ષત્ર એટલે હસ્ત-નક્ષત્ર એટલે જ હસ્ત નક્ષત્રને તોફાની નક્ષત્ર તરીકે પણ ઓળખવામાં આવે છે.

મિત્રો હસ્ત નક્ષત્ર 2024 ના દિવસો દરમિયાન ખાસ અવલોકન કરવું. કેમ કે જો હસ્ત નક્ષત્ર 2024 જ્યારે બેસે ત્યારે પ્રથમ દિવસે જો વરસાદ જોવા મળે તો, પછીના ત્રણેય દિવસમાં વરસાદની સંભાવના ખુબ જ ઉજળી જોવા મળશે. એટલે જો હસ્ત નક્ષત્ર 2024 બેસતા ભેગું જ વરસે તો, પ્રથમ પાયાના ચારેય દિવસો દરમિયાન વરસાદનું પ્રમાણ સારું એવું જોવા મળશે. કેમ કે આ એક લોકવાયકા જોવા મળી રહી છે.

મિત્રો એક લોકવાયકા મુજબ હસ્ત નક્ષત્ર બેસતા જ જે વિસ્તારોમાં વરસાદનું પ્રમાણ જોવા મળે છે, તે વિસ્તારોમાં લગભગ હસ્ત નક્ષત્રના મોટાભાગના દિવસોમાં દરરોજ બપોર બાદ મંડાણી વરસાદ જોવા મળતો હોય છે. અને આવું આપણે પણ ભૂતકાળના ઘણા બધા વર્ષોમાં જોયું પણ છે. એટલે જ હસ્ત નક્ષત્રના દિવસો દરમિયાન આ વાતનો પણ ખાસ અભ્યાસ કરવો.

વરસાદના નક્ષત્ર મુજબ આદ્રા નક્ષત્રથી ચોમાસાની શરૂઆત થાય છે. એટલે તેને ચોમાસાનું આરંભનું નક્ષત્ર પણ ગણવામાં આવ્યું છે. એ જ રીતે હસ્ત નક્ષત્રથી ચોમાસાની પૂર્ણાહુતિ થાય છે. ભડલી વાક્ય મુજબ જો આદ્રા નક્ષત્રમાં વરસાદનું પ્રમાણ સારું રહે એ જ રીતે હસ્ત નક્ષત્રના દિવસો દરમિયાન પણ વરસાદનું પ્રમાણ જો સારું રહે તો, ચોમાસું મોટેભાગે સફળ રહેતું હોય છે. કેમકે વચ્ચેના બધા જ નક્ષત્રોમાં વત્તા ઓછા પ્રમાણમાં વરસાદનું પ્રમાણ જોવા મળતું હોય છે.

કેટલીક વખત હસ્ત નક્ષત્રમાં પડતો વરસાદ એટલા બધો તોફાની હોય છે કે, ખેતીના પાકોમાં પણ પારવાર નુકસાની જોવા મળતી હોય છે. કેમકે હસ્ત નક્ષત્રના સમયગાળા દરમિયાન ગરમીનું પ્રમાણ પણ વિશેષ જોવા મળે છે. બપોર બાદ જે તોફાની મંડાણી વરસાદ જોવા મળતો હોય છે તેમાં પવનનું જોર વધુ જોવા મળતું હોય છે. ભારે પવન અને ગાજવીજ સાથે વરસાદ ખેતીના પાકોમાં હસ્ત નક્ષત્રનો વરસાદ ક્યારેક ક્યારેક ખૂબ જ નુકસાન રૂપ સાબિત થતો હોય છે.

હસ્ત નક્ષત્ર 2024

ચોમાસું 2024 અંગેની વાત કરીએ તો, મિત્રો હસ્ત નક્ષત્ર 2024 નો બેસવાનો સમય અંગે માહિતી મેળવીયે તો, સૂર્યનારાયણ ભગવાનનો હસ્ત નક્ષત્ર 2024 માં શુભ પ્રવેશ Dt : 26-09-2024 ના રોજ ગુરુવારે થશે. વાહન મોરનું હોવાથી વરસાદનું પ્રમાણ સારું એવું જોવા મળી શકે. સાથે સાથે આ વર્ષે હસ્ત નક્ષત્ર 2024 અર્ધ સંજોગીયું નક્ષત્ર જોવા મળી રહ્યું છે.

હસ્ત નક્ષત્ર 2024 આ વર્ષે ગુરુવારે બેસતું હોવાથી ખૂબ જ શુભ ગણી શકાય. અને સાથે સાથે વાહન પણ મોરનું હોવાથી હસ્ત નક્ષત્રના સમયગાળા દરમિયાન ભારે વરસાદના યોગ ઊભા થઈ શકે છે. કેમ કે જે નક્ષત્ર ના વાહનને વરસાદ જો પ્રિય હોય તો, તે નક્ષત્રના દિવસો દરમિયાન ભારે વરસાદ જોવા મળતો હોય છે. એ મુજબ જ હસ્ત નક્ષત્ર 2024 નું વાહન મોરનું હોવાથી આ વર્ષે હાથીયા નક્ષત્રમાં વરસાદની સંભાવના વધુ ગણી શકાય.

મિત્રો જો આ વર્ષે ઉપર જણાવેલા યોગ મુજબ પરિસ્થિતિ અનુકૂળ જોવા મળે તો, હસ્ત નક્ષત્રના દિવસો દરમિયાન સમગ્ર રાજ્યમાં ભારે વરસાદના યોગ ઊભા થઈ શકે. કેમ કે આ વર્ષે જ્યોતિષશાસ્ત્રના યોગ મુજબ હસ્ત નક્ષત્ર 2024 માં આ વર્ષે ખૂબ જ સારા યોગો જોવા મળી રહ્યા છે. એ મુજબ આ વર્ષે હાથીયો નક્ષત્ર ભરપૂર માત્રામાં વરસે એવી એક સંભાવના ગણી શકાય.

ક્યારેક ક્યારેક હસ્ત નક્ષત્રના દિવસો દરમિયાન ભારે વરસાદ પણ જોવા મળતો હોય છે. રાજ્યના મોટાભાગના ડેમોને પણ છલકાવી દેતો હોય છે. એટલે જ જો હસ્ત નક્ષત્રના દિવસો દરમિયાન એક સારા વરસાદનો રાઉન્ડ સાર્વત્રિક વિસ્તારોમાં જોવા મળે તો, જમીનના તળ પણ ખૂબ જ ઊંચા આવે છે. અને શિયાળુ પિયતનું પણ ચિત્ર ઉજળું બને છે. એટલે જ હસ્ત નક્ષત્રના વરસાદને મહત્વનો ગણવામાં આવ્યો છે.

ખાસ નોંધ : હસ્ત નક્ષત્ર 2024 સંબંધિત ઉપર જણાવવામાં આવેલી તમામ માહિતી વર્ષ 2024 ના જ્યોતિષશાસ્ત્રના સિદ્ધાંત મુજબ જણાવવામાં આવી છે. ઉપર જણાવવામાં આવેલી તમામ માહિતી એ Weather Tv વેબસાઈટની પર્સનલ માહિતી નથી. આ વાતનો મિત્રો ખાસ ખ્યાલ રાખવો.

મિત્રો દર વરસે વરસાદના નક્ષત્ર આધારિત તેમ જ હવામાનના મોડલ આધારિત રાજ્યના તમામ વિસ્તારોની હવામાનની નિયમિત અપડેટ મેળવવા માટે અમારી વેબસાઈટ Weather Tv સાથે જોડાયેલા રહેજો. જેથી સમગ્ર રાજ્યના હવામાનની અપડેટ તમને નિયમિત રીતે મળતી રહે બધા જ મિત્રોનો ખુબ ખુબ આભાર.

શ્રાવણ મહિનાનું હવામાન : જાણો આવતીકાલનું હવામાન

શ્રાવણ મહિનાનું હવામાન

મિત્રો શ્રાવણ મહિનાનું હવામાન એટલે ચોમાસાના ધોરી દિવસો. કેમ કે શ્રાવણ મહિનાના દિવસો દરમિયાન સમગ્ર રાજ્યમાં ચોમાસાની જમાવટ જોવા મળતી હોય છે. શ્રાવણ મહિનાનું હવામાન મોટે ભાગે વરસાદી જોવા મળતું હોય છે. તો આજની આ ખૂબ જ મહત્વની પોસ્ટમાં શ્રાવણ મહિનાનું હવામાન આધારિત આવતીકાલનું હવામાન કેવું રહી શકે? એ અંગેની મહત્વની વાત આ પોસ્ટના માધ્યમથી કરશું.

મિત્રો આમ જોઈએ તો અષાઢ મહિનામાં પણ વરસાદની સારી એવી વરસાદની ઉપસ્થિતિ રાજ્યમાં જોવા મળતી હોય છે. આપણે આગલી પોસ્ટ એટલે કે અષાઢ મહિનાનું હવામાન આ પોસ્ટમાં અષાઢ મહિના દિવસો દરમિયાન કેવા સંકેતો જોવા મળે તો, ચોમાસું કેવું રહી શકે? એ અંગેની વાત રજૂ કરી છે. તો એ પોસ્ટનો પણ ખાસ અભ્યાસ કરી લેવો.

શ્રાવણ મહિના અંગેની વાત કરીએ તો, શ્રાવણ મહિનાનું હવામાન મોટેભાગે વાદળછાયું રહેતું હોય છે. અવાર નવાર વરસાદી ઝાપટાનું પ્રમાણ પણ સતત ચાલુ રહેતું હોય છે. કેમકે શ્રાવણ મહિનાના દિવસો દરમિયાન રાજ્યમાં હેલીનો માહોલ પણ મોટે ભાગે જોવા મળતો હોય છે. એટલે જ મિત્રો શ્રાવણ મહિનાનું હવામાન ગુજરાતના ચોમાસા માટે મોટેભાગે વરસાદી હવામાનની પેટર્ન જોવા મળતી હોય છે.

શ્રાવણ મહિનાના દિવસો દરમિયાન આવતીકાલનું હવામાન કેવું રહેશે? એ અંતર્ગત પ્રાચીન વિજ્ઞાનમાં ઘણી બાબતોનું વર્ણન જોવા મળી રહ્યું છે. તો આજે આપણે શ્રાવણ મહિનાનું હવામાન અંતર્ગત ભડલી વાક્ય મુજબ કેવા સંકેતો વર્ણવવામાં આવ્યા છે? એ મુજબ શ્રાવણ મહિનાના દિવસો દરમિયાન આવતીકાલનું હવામાન કેવું રહેશે? એ અંગેની એક પરિસ્થિતિનો ખ્યાલ મળી જાય. તો મિત્રો આ બાબત ઉપર વિસ્તારથી માહિતી મેળવીએ.

હવે આગળ જોઈએ તો, પ્રાચીન વરસાદ વિજ્ઞાનની એક વાત મુજબ શ્રાવણની અંજવાળી ચોથ એટલે કે શ્રાવણ મહિનાની શરૂઆત થતી હોય છે એ મહિનામાં આવતી પ્રથમ ચોથને દિવસે જો વરસાદનું હવામાન જોવા મળે તો, ચોમાસાના ચારેય મહિના દરમિયાન વરસાદની સંભાવના ખુબ જ સારી રહેશે. સર્વત્ર વરસાદના ચિત્રો સારા જોવા મળશે. કેમકે આ વિધાન ભડલી વાક્યો મુજબ જોવા મળી રહ્યું છે. શ્રાવણ સુદ ચોથ આધારિત આ વાત અમુક લોકો અષાઢ વદ ચોથને પણ ઉલ્લેખીને કરે છે.

શ્રાવણ મહિનાનું હવામાન

મિત્રો શ્રાવણ મહિનાનું હવામાન મુજબ શ્રાવણ સુદ પાંચમે જો મેઘ ગર્જના સંભળાય તો, ચોમાસું ખૂબ જ સારું રહેશે. ટૂંકમાં મિત્રો શ્રાવણ મહિનાની અંજવાળી પાંચમે વરસાદી હવામાન ઉભું થાય તો, તે ખૂબ જ સારી બાબત ગણાય. જો આવી પરિસ્થિતિનું નિર્માણ થાય તો ચોમાસું ટનાટન થાય છે. કેમ કે આ વાત પ્રાચીન વર્ષા વિજ્ઞાનમાં જોવા મળી રહી છે.

મિત્રો શ્રાવણ મહિનાના દિવસો દરમિયાન રોહિણી નક્ષત્રનું ખાસ અવલોકન કરવું. કેમ કે શ્રાવણ મહિનાનું હવામાન મુજબ શ્રાવણ વદ દસમે જો રોહિણી નક્ષત્રની હાજરી હોય તો, તે વર્ષે દુષ્કાળ પડવાની સંભાવના વધુ રહેશે. ખંડ વૃષ્ટિના યોગ વધુ જોવા મળશે. કોઈ કોઈ વિસ્તારોમાં વરસાદની માત્રા ખૂબ જ ઓછી જોવા મળી શકે. એટલે મિત્રો શ્રાવણ વદ દસમે રોહિણી નક્ષત્રની હાજરી હોવી ન જોય.

પરંતુ મિત્રો એકબીજા યોગ મુજબ શ્રાવણ વદ અગિયારસના દિવસે જો રોહિણી નક્ષત્રની હાજરી હોય તો, સર્વત્ર સારા વરસાદની સંભાવના ઊભી થાય. શ્રાવણ મહિનાનું હવામાન મુજબ સવારે સૂર્ય જો વાદળોમાં ઉદય થાય અને તે દિવસે મધ્યરાત્રીએ જો મેઘ ગર્જના થાય તો, પણ સાર્વત્રિક વરસાદના યોગ ઊભા થશે. આ વાત પણ માની લેવી કેમ કે આ વિધાન પણ પ્રાચીન વર્ષા વિજ્ઞાનમાં જોવા મળી રહ્યું છે.

મિત્રો પ્રાચીન ભડલી વાક્યના સિદ્ધાંત મુજબ જો શ્રાવણ સુદ સાતમને દિવસે એટલે કે અંજવાળી સાતમે જો સ્વાતિ નક્ષત્રની હાજરી હોય તો, તે વર્ષે અન્નનું પુષ્કળ ઉત્પાદન આવે છે. પાણીનો સ્ત્રોત પણ તે વર્ષે ખૂબ જ વધુ ઊભો થશે. એટલે કે વરસાદનું પ્રમાણ ખૂબ જ જોવા મળે. એટલે આ જ દિવસનો પણ ખાસ અભ્યાસ કરવો.

મિત્રો શ્રાવણ મહિનાનું હવામાન મુજબ શ્રાવણ સુદ પાંચમનો પણ ખાસ અભ્યાસ કરવો. કેમ કે પ્રાચીન વર્ષા વિજ્ઞાનના વિધાન મુજબ શ્રાવણ સુદ પાંચમના દિવસે એટલે કે અંજવાળી પાંચમે જો ખાસ કરીને પશ્ચિમ કે દક્ષિણનો પવન ફૂંકાય તો, તે વર્ષે દુષ્કાળની સંભાવના વધુ રહેશે. એટલે આ દિવસનો ખાસ અભ્યાસ કરવો.

શ્રાવણ મહિનાના દિવસો દરમ્યાન પવનનો ખાસ અભ્યાસ કરવો. દેશી વિજ્ઞાન મુજબ મિત્રો શ્રાવણ મહિનાના હવામાન પ્રમાણે જો શ્રાવણ મહિનામાં પૂર્વનો પવન હોય તો, વરસાદ ખૂબ ઓછો થશે. ખેતીનું ઉત્પાદન ઓછું આવશે. શ્રાવણ મહિનાના દિવસો દરમિયાન જો દક્ષિણનો પવન હોય તો, પણ શ્રાવણ મહિનામાં વરસાદની ખેંચ ઉભી થશે.

મિત્રો શ્રાવણ મહિનાનું હવામાન મુજબ શ્રાવણ મહિનાના દિવસોમાં જો અગ્નિ ખૂણાનો પવન વધુ પડતો જોવા મળે તો, ગરમીનું પ્રમાણ વધશે. ગાજવીજ પુષ્કળ થશે પણ વરસાદની સંભાવના ખુબ જ ઓછી ઉભી થશે. શ્રાવણ મહિનાના દિવસો દરમિયાન જો પશ્ચિમ દિશાનો પવન ફૂંકાય તો, શ્રાવણ મહિનામાં ખેતીના પાકોમાં રોગ જીવાત નો ઉપદ્રવ વધુ જોવા મળે.

શ્રાવણ મહિનામાં ખાસ પવનની દિશા અંગે ખાસ અભ્યાસ કરવો. એક પ્રાચીન વર્ષા વિજ્ઞાનના સિદ્ધાંત મુજબ મિત્રો શ્રાવણ મહિનાના દિવસો દરમિયાન ઈશાન ખૂણામાંથી જો પવન વધુ પડતો જોવા મળતો હોય તો, શ્રાવણ મહિનાનું હવામાન મુજબ ભાદરવા મહિનામાં વરસાદની ખેંચ ઉભી થશે. એટલે કે ભાદરવા મહિનામાં વરસાદનું પ્રમાણ ખૂબ જ ઓછું રહે.

એક ખાસ નોંધ : મિત્રો ઉપર જણાવવામાં આવેલી તમામ માહિતી એટલે કે શ્રાવણ મહિનાનું હવામાન અંગેની વાત એ Weather Tv વેબસાઈટની પર્સનલ માહિતી નથી. પરંતુ ભડલી વાક્યો તેમ જ દેશી વિજ્ઞાન મુજબ શ્રાવણ મહિનાના કેવી પરિસ્થિતિનું નિર્માણ થાય તો, વરસાદનું પ્રમાણ કેવું રહે? એ અંગે વાત અહીં માત્ર રજૂ કરવામાં આવી છે. આ વાતનો ખાસ ખ્યાલ રાખવો.

મિત્રો ચોમાસું 2024 દરમિયાન શ્રાવણ મહિનાના દિવસોનો ખાસ અભ્યાસ કરવો. કેમ કે જો તમે દર વર્ષે ઉપર જણાવેલી બાબતો મુજબ શ્રાવણ મહિનાનું હવામાન અંગે તમે અભ્યાસ કરશો તો, ચોમાસાની પરિસ્થિતિ તે વર્ષે કેવી રહી શકે? એ અંગે એક પ્રાચીન વરસાદ વિજ્ઞાનના સિદ્ધાંત મુજબ સચોટ અનુમાન લગાવી શકાય.

મિત્રો ગુજરાત રાજ્યના હવામાન અંતર્ગત નિયમિત અપડેટ વેબસાઈટના માધ્યમથી મેળવવા માટે અમારી વેબસાઈટ Weather Tv સાથે જોડાયેલા રહેજો. જેથી તમારા વિસ્તારનું આવતીકાલનું હવામાન કેવું રહેશે? એ અંગેની અપડેટ તમને નિયમિત મળતી રહે. બધા જ મિત્રોનો ખૂબ ખૂબ આભાર.

મઘા નક્ષત્ર 2024 : મોંઘેરા નક્ષત્રનું મહત્વ

મઘા નક્ષત્ર 2024

વિક્રમ સવંત 2080 ના વર્ષની શિયાળાની વિદાય થઈ ચૂકી છે. ઉનાળાનું હવે આગમન થઇ ચુકયું છે. ત્યારબાદ ચોમાસું 2024 ની શુભ શરૂઆત થશે. ચોમાસાની શરૂઆતની સાથે જ વરસાદના નક્ષત્ર અંગેની માહિતી ખેડૂતો હંમેશા મેળવતા હોય છે. તો આજની આ ખૂબ જ મહત્વની પોસ્ટમાં મઘા નક્ષત્ર 2024 સંબંધિત થોડીક વાત કરશું. કેમ કે આ મોંઘેરા નક્ષત્રનું મહત્વ ખૂબ જ રહેલું છે.

મિત્રો ચોમાસાની મધ્યભાગમાં આવતું નક્ષત્ર એટલે કે મઘા નક્ષત્ર. તો આ વર્ષે એટલે કે વર્ષ 2024 દરમિયાન મઘા નક્ષત્રની પરિસ્થિતિ જ્યોતિષશાસ્ત્ર મુજબ કેવી જોવા મળી રહી છે? મઘા નક્ષત્ર 2024 ના દિવસો દરમિયાન રાજ્યમાં વરસાદનું પ્રમાણ કેવું જોવા મળશે? તેમજ મઘા નક્ષત્ર નું મહત્વ શું છે. એ સંબંધિત માહિતી આપણે આ પોસ્ટના માધ્યમથી મેળવશું.

મિત્રો વરસાદના નક્ષત્રની જ્યારે જ્યારે વાત આવે છે. ત્યારે ત્યારે મુખ્યત્વે આદ્રા નક્ષત્ર, પુષ્ય નક્ષત્ર, મઘા નક્ષત્ર તેમજ હસ્ત નક્ષત્ર અને ઉત્તરા ફાલ્ગુની નક્ષત્રો યાદ આવી જતા હોય છે. કેમકે આ 5 નક્ષત્રનું મહત્વ ખૂબ જ રહેલું છે. જેમાં વિચારીએ તો આદ્રા નક્ષત્રથી વાવણી થાય છે. ત્યારબાદ પુષ્ય નક્ષત્રનું પાણી સંપૂર્ણ સંસાર માટે ખૂબ જ મહત્વનું ગણાય છે. એ જ રીતે મિત્રો મઘા નક્ષત્રના વરસાદને પણ ખૂબ જ મહત્વ આપવામાં આવ્યું છે.

આદ્રા નક્ષત્ર 2024 અંતર્ગત સંપૂર્ણ વાત આપણે આ પોસ્ટમાં રજૂ કરી છે. જેનો પણ ખાસ અભ્યાસ કરી લેવો. કેમ કે ખૂબ જ મહત્વની માહિતી રજૂ કરવામાં આવી છે. એ જ રીતે મિત્રો આજે આપણે મઘા નક્ષત્ર 2024 સંબંધિત ઘણી બધી માહિતી મેળવશું. મઘા નક્ષત્રની શરૂઆત ક્યારે થશે? મઘા નક્ષત્ર દરમિયાન ક્યુ વાહન જોવા મળી રહ્યું છે? તેમજ મઘા નક્ષત્ર 2024 દરમિયાન કેવા કેવા યોગનું નિર્માણ થઈ રહ્યું છે? એ અંગેની માહિતી મેળવશું.

મઘા નક્ષત્રના વરસાદને અમુલ્ય સમાન ગણવામાં આવે છે. કેમ કે મઘા નક્ષત્રના દિવસો દરમિયાન થતા વરસાદની કિંમત ખૂબ જ ઊંચી ગણવામાં આવે છે. મઘા નક્ષત્રનો વરસાદ ખેતીવાડીમાં ઊભા રહેતા મોલ માટે ખૂબ જ ફાયદાકારક જોવા મળતો હોય છે. એ રીતે જ મઘા નક્ષત્રનું પાણી પીવા માટે સર્વ શ્રેષ્ઠ ગણવામાં આવે છે. અમુક અમુક લોકો મઘા નક્ષત્રના સમયગાળા દરમિયાન વરસતા વરસાદના પાણીને સંગ્રહિત કરીને વર્ષ દરમિયાન પીવાના પાણી રૂપે ઉપયોગ કરે છે.

મિત્રો મઘા નક્ષત્રનું પાણી એટલું બધું કીમતી છે. અમુક અમુક જે લોકો આર્યુવેદિક દવા બનાવતા હોય, તેમાં જો પાણીની જરૂર પડે તો, મઘા નક્ષત્રના વરસાદના પાણીના ઉપયોગ કરે છે. કેમ કે મઘા નક્ષત્રનું પાણી ખૂબ જ આરોગ્ય વર્ધક ગણવામાં આવ્યું છે. તો મઘા નક્ષત્રના વરસાદના પાણીના ટીપા આંખમાં પણ આંજી શકાય છે. એક માન્યતા પ્રમાણે મઘા નક્ષત્રના વરસાદના પાણીને આંખમાં આંજવાથી દ્રષ્ટિ તેજ બને છે. અને આંખના ઘણા રોગો પણ નાબૂદ થાય છે. આવી એક લોકવાયકા જોવા મળી રહી છે.

મઘા નક્ષત્ર 2024

મિત્રો વર્ષ 2024 એટલે કે વિક્રમ સવંત 2080 ના વર્ષમાં મઘા નક્ષત્ર 2024 ની શુભ શરૂઆત 16 ઓગસ્ટના રોજ થશે. Dt : 16-8-2024 ના રોજ શુક્રવારે સૂર્યનારાયણ ભગવાનનો મઘા નક્ષત્ર 2024 માં શુભ પ્રવેશ થશે. મિત્રો મઘા નક્ષત્રના સમયગાળા દરમિયાન વાહન શિયાળનું રહેવાથી આ વર્ષે મઘા નક્ષત્ર 2024 ના દિવસો દરમિયાન મધ્યમ વરસાદની સંભાવના ગણાઈ શકાય. એ જ રીતે આ વર્ષે મઘા નક્ષત્ર 2024 અર્ધ સંજોગ્યું નક્ષત્ર જોવા મળી રહ્યું છે.

વિક્રમ સવંત 2080 ના વર્ષમાં જોવા મળતા મઘા નક્ષત્ર દરમિયાન યોગોનું વિશ્લેષણ કરીએ તો, આ વર્ષે મઘા નક્ષત્રના સમયગાળા દરમિયાન મધ્યમ યોગનું નિમાર્ણ જોવા મળી રહ્યું છે. ટૂંકમાં મિત્રો મઘા નક્ષત્રના સમયગાળા દરમિયાન ગુજરાત રાજ્યમાં વરસાદની સંભાવના મધ્યમ ગણી શકાય. કોઈ કોઈ વિસ્તારોમાં વરસાદની સંભાવના સારી જોવા મળી શકે તો, કોઈ કોઈ વિસ્તારોમાં મઘા નક્ષત્રના સમયગાળા દરમિયાન વરસાદની સંભાવના ઓછી જોવા મળી શકે.

મિત્રો ભડલી વાક્ય અંગેના સિદ્ધાંત મુજબ જો મઘા નક્ષત્ર વરસાદ વિહોણું પસાર થઈ જાય તો, ચોમાસું નબળું રહી શકે. એટલે કે મઘા નક્ષત્ર પછીના નક્ષત્રોમાં વરસાદની સંભાવના ઓછી ઉભી થાય. એ જ પ્રમાણે તે વર્ષે અનાજ, પાણી, દૂધ તેમજ ઘાસચારાની અછતનો પણ સામનો કરવો પડે. કેમ કે આવી વાત ભડલી વાક્યમાં જોવા મળી રહી છે.

મિત્રો સાયન્સના પેરામીટર અંગેની થોડીક માહિતી મેળવીએ તો, મઘા નક્ષત્રના સમયગાળા દરમિયાન બંગાળની ખાડીમાં અવાર નવાર સિસ્ટમનું સર્જન જોવા મળતું હોય છે. કેમકે ભૂતકાળના ઘણા વર્ષોમાં મઘા નક્ષત્રના દિવસો દરમિયાન બંગાળની ખાડીમાં અવાર નવાર લો પ્રેસર સિસ્ટમ જોવા મળી છે. અને આ લો પ્રેશર સિસ્ટમની અસર ગુજરાત રાજ્યમાં સારી એવી જોવા મળતી હોય છે.

મઘા નક્ષત્રના દિવસો દરમિયાન રાજ્યનું હવામાન મોટેભાગે વાદળછાયુ જોવા મળતું હોય છે. મઘા નક્ષત્રના દિવસો દરમિયાન સૂર્ય પ્રકાશની હાજરી ખૂબ જ ઓછી જોવા મળતી હોય છે. આવી પરિસ્થિતિમાં બંગાળની ખાડી અથવા તો અરબ સાગરમાં કોઈ સિસ્ટમ બને તો, ગુજરાત રાજ્યમાં એક સાર્વત્રિક વરસાદનો રાઉન્ડ પણ જોવા મળતો હોય છે. કેમકે આવી ઘટના ભૂતકાળના ઘણા વર્ષોમાં જોવા મળી છે.

ટૂંકમાં મિત્રો આ વર્ષે જ્યોતિષશાસ્ત્રના યોગ મુજબ મઘા નક્ષત્રના દિવસો દરમિયાન રાજ્યમાં વરસાદની સંભાવના મધ્યમ ગણી શકાય. મઘા નક્ષત્રનું વાહન પણ શિયાળનું રહેવાથી જ્યોતિષશાસ્ત્રના સિદ્ધાંત મુજબ મધ્યમ વરસાદના યોગ ગણી શકાય. જ્યારે આ વર્ષે મઘા નક્ષત્ર 2024 અર્ધ સંજોગ્યું નક્ષત્ર જોવા મળતું હોવાથી પણ મધ્યમ વરસાદની સંભાવના ગણી શકાય.

ખાસ નોંધ : મિત્રો ઉપર રજૂ કરવામાં આવેલી મઘા નક્ષત્ર 2024 સંબંધિત બધી જ માહિતી આ વર્ષે એટલે કે વિક્રમ સવંત 2080 ના વર્ષમાં જોવા મળતા જ્યોતિષશાસ્ત્રના યોગ મુજબ અહીં રજૂ કરવામાં આવી છે. મઘા નક્ષત્ર 2024 સંબંધિત અહીં મૂકવામાં આવેલી માહિતી એ Weather Tv વેબસાઈટની પર્સનલ માહિતી નથી. આ વાતનો ખાસ ખ્યાલ રાખવો.

તો મિત્રો સમગ્ર ગુજરાત રાજ્યના હવામાન અંગેની માહિતી જેમાં પ્રાચીન વર્ષા વિજ્ઞાન આધારિત માહિતી તેમજ આધુનિક વિજ્ઞાન એટલે કે હવામાનના મોડલ ઉપર અભ્યાસ કરીને હવામાનની પરિસ્થિતિ કેવી જોવા મળશે? એ અંગેની બધી જ માહિતી અમે અહીં નિયમિત રજૂ કરીએ છીએ. તો અમારી વેબસાઈટ સાથે જોડાયેલા રહેજો ખુબ ખુબ આભાર.

અષાઢ મહિનાનું હવામાન : ચોમાસું કેવું થાય

અષાઢ મહિનાનું હવામાન

મિત્રો આજની આ પોસ્ટમાં ચોમાસું અંગેની ખૂબ જ મહત્વની વાત કરશું. કેમ કે અષાઢ મહિનાનું હવામાન કેવું રહે તો, આવનારું ચોમાસું કેવું થાય એ અંગેની મહત્વની વાત આ પોસ્ટના માધ્યમથી કરશું. જે તમને આગામી ચોમાસાના વર્તારા માટે ખૂબ જ ઉપયોગી પુરવાર થશે.

પ્રાચીન વર્ષા વિજ્ઞાનમાં દરેક મહિનાનું હવામાન કેવું જવું મળે? તો તેની સીધી અસર ચોમાસાના મહિનાઓ દરમિયાન જોવા મળતી હોય છે. જેમ કે કારતક મહિનાનું હવામાન, માગશર મહિનાનું હવામાન, પોષ મહિનાનું હવામાન એ પ્રમાણે વર્ષના ચોમાસા પહેલાના આઠેય મહિનાનું હવામાન કેવું જોવા મળે? તો તેની અસર આવનારા ચોમાસામાં કેવી રહે? એ અંગે ઘણા વિધાનો પ્રાચીન વર્ષા વિજ્ઞાનમાં જોવા મળે છે.

તો મિત્રો આજના આ ટોપિકમાં અષાઢ મહિનાનું હવામાન કેવું જોવા મળે? તો આવનારું ચોમાસું સારું રહેશે કે નબળું રહેશે. એ અંગેના સમીકરણોનો ખાસ અભ્યાસ કરવો. વર્ષ 2024 દરમિયાન અષાઢ મહિનાનું હવામાન અંગેની ખાસ માહિતી ધ્યાનમાં લેવી. કેમ કે અષાઢ મહિના દિવસ દરમિયાન કેવા સંજોગો જોવા મળે તો, આવનારું ચોમાસું 2024 કેવું રહેશે? એ અંગેનું એક ચિત્ર સામે આવી શકે.

મિત્રો પ્રથમ તો અષાઢ સુદ બીજનો ખાસ અભ્યાસ કરવો. જે વર્ષે અષાઢ સુદ બીજના દિવસે સોમવાર, ગુરૂવાર કે શુક્રવાર જો આવતો હોય તો, તે વર્ષે પુષ્કળ વરસાદ થાય. જો અષાઢ સુદ બીજના દિવસે બુધવાર આવતો હોય તો, તે વર્ષે મધ્યમ વરસાદના યોગ ઉભા થાય.

પરંતુ જે-જે વર્ષે અષાઢ સુદ બીજના દિવસે રવિવાર આવતો હોય તો, તાવ જેવા રોગચાળાનો ફેલાવો વધુ જોવા મળે. જો મંગળવાર આવતો હોય તો, તે વર્ષે વરસાદનો ખૂબ જ અભાવ જણાય અને જો શનિવાર આવે તો, તે વર્ષે દુષ્કાળના ડાકલા વાગે.

અષાઢ મહિનાનું હવામાન

એટલે જ મિત્રો અષાઢ મહિનાનું હવામાન મુજબ અષાઢ સુદ બીજના દિવસનો ખાસ અભ્યાસ કરવો. કેમકે અષાઢ સુદ બીજના દિવસે જે-તે વાર આવતો તે વર્ષનું ચોમાસું કેવું રહી શકે? એ અંગેના ઉપર જણાવેલા વિધાનો પ્રાચીન વર્ષા વિજ્ઞાનમાં જોવા મળી રહ્યા છે. માટે અષાઢ મહિનાનું હવામાન મુજબ અષાઢ સુદ બીજનો ખાસ અભ્યાસ કરવો.

એક પ્રાચીન ભડલી વાકયો મુજબ અષાઢ મહિનાનું હવામાન પ્રમાણે અષાઢ સુદ પાંચમના દિવસે જો વીજળી થાય તો, તે વર્ષે ચોમાસામાં પુષ્કળ વરસાદ પડે છે. અને અષાઢ સુદ પાંચમના દિવસે વાદળ કે વીજળી જો જોવા ન મળે તો, તે વર્ષનું ચોમાસું મોટેભાગે નિષ્ફળ જતું હોય છે. માટે આ દિવસનો પણ ખાસ અભ્યાસ કરવો.

પ્રાચીન વર્ષા વિજ્ઞાનના એક સિદ્ધાંત મુજબ અષાઢ મહિનાનું હવામાન મુજબ અષાઢ સુદ સાતમ એટલે કે અંજવાળી સપ્તમીનો ખાસ અભ્યાસ કરવો. અષાઢ સુદ સાતમની રાત્રિના સમયે જો આકાશમાં ચંદ્ર વાદળ રહિત જોવા મળે તો, તે વર્ષનું ચોમાસું દુષ્કાળમય રહે એવી શક્યતા વધી જશે. એટલે જ અષાઢ સુદ સાતમે ચંદ્ર જો વાદળામાં ઘેરાયેલો હોય તો તે ખૂબ જ શુભ નિશાની ગણાય.

મિત્રો અષાઢ મહિનાનું હવામાન મુજબ અષાઢ સુદ નામનો પણ ખાસ અભ્યાસ કરવો. અષાઢ સુદ નોમના દિવસે જો વરસાદ ગાજે પરંતુ વરસાદ વરસે નહીં તો, તે વર્ષે અનાવૃષ્ટિની સંભાવના વધુ ગણવી. એટલે કે તે વર્ષનું ચોમાસું નબળું રહી શકે. અને જો તે દિવસે સૂર્ય ચોખ્ખો તેમજ પૂર્ણ પ્રકાશિત જણાય તો, તે વર્ષના ચોમાસામાં વરસાદની સંભાવના સારી રહેશે. એટલે કે ખુબ અંશે ચોમાસું ખૂબ જ સારું રહેશે. પરંતુ તેનાથી વિરુદ્ધ જો તે રાત્રે ચંદ્ર આકાશમાં વાદળમાં ઘેરાયેલો હોય તો, પણ તે વર્ષનું ચોમાસું ખૂબ જ સારું જશે.

અષાઢ મહિનાનું હવામાન મુજબ અષાઢ મહિનાની અંધારી આઠમના દિવસનો ખાસ અભ્યાસ કરવો. અષાઢ મહિનાની વદ પક્ષની આઠમના દિવસે જો શનિવાર, રવિવાર અથવા તો મંગળવારની હાજરી હોય તો, તે વર્ષે પાણી તેમજ ઘાસચારાની પરિસ્થિતિમાં ખૂબ જ અછત ઉભી થાય છે. આવી વાત પ્રાચીન વર્ષા વિજ્ઞાનમાં જોવા મળી રહી છે.

મિત્રો તો એક ભડલી વાક્યના સિદ્ધાંત મુજબ અષાઢ મહિનાના અંજવાળીયા પક્ષમાં જો બુધનો ઉદય થાય અને શ્રાવણ મહિનાના અંધારીયા પક્ષમાં જો શુક્રનો અસ્ત થાય, તો પણ તે વર્ષે અષાઢ મહિનાનું હવામાન મુજબ દુષ્કાળની સંભાવના વધુ પડતી રહે છે.

અષાઢ મહિનાનું હવામાન મુજબ અષાઢી પૂનમના દિવસનો ખાસ અભ્યાસ કરવો. અષાઢ મહિનાની પૂનમની રાત્રે જો ચંદ્ર વાદળમાં જણાય નહીં તો, ચોમાસામાં સારો વરસાદ થાય. પરંતુ તેનાથી વિરુદ્ધ જો અષાઢ મહિનાની પૂનમની રાત્રે ચંદ્ર ચોખ્ખો એટલે કે વાદળ રહિત જણાય તો, દુષ્કાળની સંભાવના તે વર્ષે વધુ રહે. મિત્રો અષાઢ મહિનાના હવામાન મુજબ અષાઢ સુદ પૂનમે જો ગાજવીજ સાથે વરસાદ થાય તો, ચોમાસું ટનાટન રહેશે આ વાત પણ લખી લેવી.

એ જ રીતે મિત્રો અષાઢ મહિનાનું હવામાન મુજબ અષાઢી પૂનમના દિવસનું ખાસ અવલોકન કરવું. પૂનમના દિવસે જો વાદળ હોય અને સાંજે ઉત્તર, પૂર્વ કે ઈશાન ખૂણામાંથી પવન ફૂંકાતો જોવા મળે તો, ચોમાસું ખૂબ જ સારું રહેશે. પરંતુ તેને બદલે પશ્ચિમ અથવા તો દક્ષિણ દિશામાંથી પવન ફૂંકાય તો, ચોમાસું મધ્યમ રહેશે. અને જો નૈઋત્ય કે અગ્નિ ખૂણામાંથી પવન ફૂંકાય તો, તે વર્ષનું ચોમાસું નબળું જાણવું.

મિત્રો ઉપર જણાવવામાં આવેલી તમામ બાબતો અષાઢ મહિનાના હવામાન મુજબ અષાઢ મહિનાના દિવસોનો ખાસ અભ્યાસ કરવો. જેથી તે વર્ષનું ચોમાસું સારું રહેશે કે નબળું રહેશે? એ અંગે ઘણું બધું તારણ આપણે મળી જશે. કેમ કે આ બધી વાત પ્રાચીન વર્ષા વિજ્ઞાન તેમ જ ભડલી વાક્યમાં જોવા મળી રહી છે. એટલે અષાઢ મહિનાના હવામાનનો ખાસ અભ્યાસ કરવો.

ખાસ નોંધ : મિત્રો ઉપર જણાવવામાં આવેલી અષાઢ મહિનાનું હવામાન અંગેની તમામ વાતો એ Weather Tv વેબસાઈટની કોઈ પર્સનલ વાત નથી. પરંતુ પ્રાચીન વર્ષા વિજ્ઞાન તેમ જ ભડલી વાક્યોમાં જે વિધાનો જોવા મળી રહ્યા છે. એ વિધાનો અહીં માત્ર રજૂ કરવામાં આવ્યા છે. આ વાતનો ખાસ ખ્યાલ રાખવો.

મિત્રો ગુજરાત રાજ્યના હવામાન અંગેની આધુનિક સાયન્સની સાથે સાથે પ્રાચીન વર્ષા વિજ્ઞાન આધારિત તમામ અપડેટ નિયમિત તમારા મોબાઇલ ફોનમાં મેળવવા માટે અમારી વેબસાઈટ Weather Tv સાથે જોડાયેલા રહેજો. બધા જ મિત્રોનો ખુબ ખુબ આભાર.

ચોમાસું વિદાય ક્યારે થાય : હવામાન અંગેનો અભ્યાસ

ચોમાસું વિદાય

હવામાનમાં ચોક્કસ સૂટેબલ સમીકરણો ઊભા થતા હોય છે. ત્યારે ચોમાસાની એન્ટ્રી થતી હોય છે. એ જ રીતે ચોમાસું વિદાય ક્યારે થાય? આ બાબતે પણ હવામાનના પેરામીટરનો ખાસ અભ્યાસ કરવો જોઈએ. જેથી ચોમાસું વિદાયની ઘડી ક્યારે શરૂ થાય એ અંગે એક અનુમાન લગાવી શકાય.

મિત્રો દર વર્ષે દક્ષિણ પશ્ચિમ ચોમાસું બંગાળની ખાડીમાંથી એન્ટ્રી થઈ અને ધીરે ધીરે સમગ્ર દેશને કવર કરતું હોય છે. બંગાળની ખાડીમાંથી સક્રિય રહેલું ચોમાસું અરબ સાગરમાં એન્ટર થઈને લગભગ પૂર્વ ભારત તેમજ પશ્ચિમ ભારતની સાથે સાથે ઉત્તર ભારતના મોટાભાગના વિસ્તારોમાં લગભગ 15 જુલાઈની આજુબાજુના દિવસો દરમિયાન સંપૂર્ણ રીતે કવર થઈ જતું હોય છે.

એ જ રીતે મિત્રો ચોમાસું વિદાયની પણ યોગ્ય પરિસ્થિતિ હવામાનમાં જોવા મળે છે ત્યારે જ શરૂઆત થાય છે. એટલે કે ચોમાસું વિદાયની શરૂઆત થાય છે. ચોમાસું વિદાયની શરૂઆત મુખ્યત્વે ઉત્તર ભારતના વિસ્તારોમાંથી પ્રથમ જોવા મળતી હોય છે. જે ધીરે ધીરે દક્ષિણના વિસ્તારોમાં આગળ વધીને એક સમયે સંપૂર્ણ ભારતમાંથી ચોમાસું વિદાય લઈ લેતું હોય છે.

આજની આ ખૂબ જ મહત્વની પોસ્ટમાં દેશમાંથી ચોમાસું વિદાયની શરૂઆત ક્યારે થાય છે? હવામાનમાં કેવી પરિસ્થિતિના ચિત્રો જોવા મળે છે? ત્યારે દેશમાંથી ચોમાસું વિદાય ધીરે ધીરે લેતું હોય છે. મિત્રો હવામાનના મોડલમાં કેવા ચિત્રોનું નિર્માણ થાય ત્યારે ચોમાસું વિદાય લે છે? એ અંગેની મહત્વની વાત આ પોસ્ટના માધ્યમથી કરશું.

જ્યારે જ્યારે ભારતમાં સાઉથ વેસ્ટ ચોમાસાનું આગમન થાય છે. ત્યારે ત્યારે હિન્દ મહાસાગરમાં મેડાગાસ્કર લાગુ એક હાઈ પ્રેશર પરિસ્થિતિનું નિર્માણ જોવા મળે છે. અને એ જ અરસામાં હિમાલયના ક્ષેત્રોમાં તિબેટની આજુબાજુ એક લો પ્રેશર હંમેશા સક્રિય રહેતું હોય છે. આવી પરિસ્થિતિ જ્યારે બને છે, ત્યારે દક્ષિણ પશ્ચિમ ચોમાસું ભારત દેશને કવર કરતું હોય છે.

ઉપર જણાવેલી પરિસ્થિતિથી વિરુદ્ધ એટલે કે દેશમાંથી ચોમાસું વિદાય ત્યારે જ લે છે, કે જ્યારે હિમાલયના ક્ષેત્રો એટલે કે તિબેટની આજુબાજુ હાઈ પ્રેશર એક્ટિવ બને અને એ જ અરસામાં દક્ષિણ અરબ સાગરના લાગુના વિસ્તારોમાં એક લો પ્રેશર સિસ્ટમ હંમેશા એક્ટિવ રહે. ત્યારે દેશમાંથી ચોમાસું વિદાય લે એવી નોબત આવે છે. ટૂંકમાં આ બંને પરિસ્થિતિ એકબીજાથી વિરુદ્ધ જોવા મળતી હોય છે.

દક્ષિણ અરબ સાગર લાગુના વિસ્તારમાં જ્યારે જ્યારે હાઇ પ્રેશર બને છે, ત્યારે ત્યાંથી ભેજવાળા પવનો સાઉથ વેસ્ટ ડિરેક્શનની ગતિએ સમગ્ર ભારત ઉપર ભેજ પુષ્કળ માત્રામાં લાવે છે. આ પરિસ્થિતિને અનુસંધાને દેશમાં ચોમાસાનું આગમન થાય છે. પરંતુ તેનાથી વિપરીત પરિસ્થિતિની વાત કરીએ.

ચોમાસું વિદાય

જ્યારે જ્યારે હિમાલયની તરાઈના વિસ્તારોમાં હાઈ પ્રેશરનું સર્જન થાય છે. ત્યારે ત્યાંના ઠંડા તેમજ સૂકા પવનો ઉત્તર દિશામાંથી સમગ્ર દેશ ઉપર પસાર થાય છે. આ પરિસ્થિતિને અનુસંધાને દેશના મોટા ભાગના વિસ્તારોના હવામાનમાં ભેજની માત્રા ઘટે છે. અને હવામાન દિન પ્રતિદિન સૂકું બનતું જાય છે. આવા તબક્કામાં ભારત દેશ સહિત ગુજરાતમાંથી ચોમાસું વિદાય લે છે.

મિત્રો ગુજરાત રાજ્યની વાત કરીએ તો, ગુજરાત રાજ્યમાંથી ચોમાસું વિદાયની શરૂઆત ક્યારે થાય છે? એ અંગેની વાત હવે આપણે આગળ કરીએ. કેમકે ગુજરાત રાજ્યમાં કેવી પરિસ્થિતિનું નિર્માણ થાય છે? ત્યારે ગુજરાતના સૌથી પહેલા કયા કયા વિસ્તારોમાંથી ચોમાસું વિદાય લે છે? એ ખૂબ જ જાણવું મહત્વનું છે.

મિત્રો ભૂતકાળના વર્ષોની યાદી જોઈએ તો, મોટે ભાગે ગુજરાત રાજ્યમાંથી ચોમાસું વિદાય સપ્ટેમ્બર મહિનાના અંતિમ દિવસો અથવા તો ઓક્ટોબર મહિનાના પ્રથમ વિકમાં મોટે ભાગે જોવા મળે છે. જેની શરૂઆત ઉત્તર ગુજરાત તેમજ કચ્છથી થાય છે. એટલે કે સર્વ પ્રથમ ચોમાસું વિદાય કચ્છના વિસ્તારો તેમજ ઉત્તર ગુજરાતના વિસ્તારોમાંથી થાય છે.

મિત્રો ગુજરાત રાજ્યમાંથી જ્યારે જ્યારે ચોમાસું વિદાયની ઘડીની શરૂઆત થાય છે. ત્યારે ત્યારે ગુજરાત રાજ્યના ઘણા વિસ્તારોમાં ઠંડરસ્ટ્રોમ એક્ટિવિટી રૂપે વરસાદ આ સમયગાળા દરમિયાન જોવા મળતો હોય છે. જેનું મુખ્ય કારણ ચોમાસું વિદાય વખતે પવનોની દિશા અસ્તવ્યસ્ત રહેવાથી આ સમયગાળા દરમિયાન રાજ્યમાં મંડાણી વરસાદની શક્યતા વધુ જોવા મળતી હોય છે.

ટૂંકમાં મોટે ભાગે સપ્ટેમ્બર મહિનાના અંતિમ દિવસો અથવા તો ઓક્ટોબર મહિનાના શરૂઆતના દિવસોમાં પંજાબ લાગુ ઉત્તર પાકિસ્તાનના વિસ્તારોમાં એક એન્ટિ સાઇકલોનિક સર્ક્યુલેશનનું નિર્માણ થતું હોય છે. આ એન્ટિ સાઇક્લોનિક સર્ક્યુલેશનના વિરુદ્ધ પવનો ઉત્તરના વિસ્તારોમાંથી ભેજની માત્રા દક્ષિણ તરફ ધકેલે છે. આ પરિસ્થિતિને અનુસંધાને ઉત્તર ભારતના વિસ્તારોનું હવામાન આ સિસ્ટમ ભેજ રહિત કરે છે.

મિત્રો એન્ટિ સાઇક્લોનિક સર્ક્યુલેશનના પવનો ઘડિયાળના કાટાની દિશાની ગતિએ ફુકાતા હોય છે. જે સાયકલોનિક સર્ક્યુલેશન સિસ્ટમથી વિરુદ્ધ જોવા મળે છે. આવી પરિસ્થિતિનું નિર્માણ થાય છે, ત્યારે ત્યારે આ પવનોની અસર ઉત્તર ગુજરાત તેમજ ઉત્તર કચ્છના ભાગોમાં જોવા મળે છે. જેથી કચ્છ સહિત ઉત્તર ગુજરાતના વિસ્તારોનું હવામાન દિન પ્રતિદિન સુકુ બનતું જાય છે. અને ત્યાંથી ચોમાસું વિદાય લે છે.

જ્યારે જ્યારે આવી પરિસ્થિતિનું નિર્માણ થાય છે, ત્યારે ત્યારે ઉત્તર ગુજરાત સહિત કચ્છમાંથી ચોમાસું વિદાય લે છે. જે આગળ વધીને ધીરે ધીરે સૌરાષ્ટ્રના વિસ્તારો ત્યારબાદ મધ્ય ગુજરાત, પૂર્વ ગુજરાત અને છેલ્લે દક્ષિણ ગુજરાતના વિસ્તારોમાંથી ચોમાસું વિદાય લે છે. ટૂંકમાં મિત્રો હવામાનના ચિત્રો જ્યારે ઉપર જણાવેલી વાત મુજબ જોવા મળે છે ત્યારે જ ગુજરાતમાંથી ચોમાસું વિદાય લે તેવી પરિસ્થિતિ ઉદ્ભવે છે.

મિત્રો ગુજરાતમાં ચોમાસાની એન્ટ્રી ક્યારે થાય? એ સંબંધિત વાત ખૂબ જ મહત્વની વાત આપણે ગુજરાતમાં ચોમાસાનું આગમન આ પોસ્ટમાં વ્યવસ્થિત રીતે વાત કરેલી છે. એ જ રીતે આપણે આ પોસ્ટના માધ્યમથી આપણે ચોમાસું વિદાયની વાત કરી છે. તે જ રીતે ઉપર આપેલી લીંકમાં ગુજરાતમાં ચોમાસાનું આગમન ક્યારે થાય છે? એ અંગે વિસ્તારથી વાત કરેલી છે. જે તમને હવામાન અંગેની જાણકારી મેળવવામાં ઉપયોગી થશે.

એટલે મિત્રો ટૂંકમાં હવામાનમાં જ્યારે જ્યારે સુયોગ્ય પરિસ્થિતિનું નિર્માણ થાય છે, ત્યારે ત્યારે ગુજરાતમાં ચોમાસાનું આગમન થાય છે. એ જ રીતે જ્યારે જ્યારે સુયોગ્ય પરિસ્થિતિ હવામાનના ચાર્ટમાં જોવા મળે છે, ત્યારે ત્યારે ગુજરાત રાજ્યમાંથી ચોમાસું વિદાય લે છે. તે અંગેની સંપૂર્ણ વાત આપણે ઉપર જણાવી છે.

ગુજરાત રાજ્યના હવામાન અંગેની સચોટ તેમજ સમયસર અપડેટ મેળવવા માટે અમારી વેબસાઈટ Weather Tv સાથે મિત્રો હંમેશા જોડાયેલા રહેજો. જેથી તમારા વિસ્તારનું હવામાન કેવું રહેશે? એ અંગેની અપડેટ તમને નિયમિત રીતે મળી રહે. બધા જ મિત્રોનો ખુબ ખુબ આભાર.

કમોસમી વરસાદ ની આગાહી : માર્ચ 2024 હવામાન બદલાશે

કમોસમી વરસાદ ની આગાહી

મિત્રો ફેબ્રુઆરી મહિનાના અંતિમ દિવસો ચાલી રહ્યા છે. હવે માર્ચ મહિનાની શરૂઆત થશે. તો માર્ચ મહિનાની શરૂઆતની સાથે જ ગુજરાત રાજ્યમાં કમોસમી વરસાદ ની આગાહી હવામાન વિભાગ દ્વારા કરવામાં આવી છે. માર્ચ 2024 ના પ્રથમ વિકમાં ગુજરાતના હવામાનમાં મોટો બદલાવ જોવા મળશે. કયા સમીકરણો આધારિત રાજ્યનું હવામાન બદલાશે એ અંગેની માહિતી મેળવીએ.

લગભગ શિયાળાની વિદાય થઈ ચૂકી છે અને હવે ધીરે ધીરે રાજ્યમાં ગરમીના દિવસોનું આગમન થશે. આમ તો મિત્રો મોટેભાગે ફેબ્રુઆરીના અંતમાં ગરમીનો માહોલ જોવા મળતો હોય છે. પરંતુ જ્યારે જ્યારે ઉત્તર ભારતમાં વેસ્ટર્ન ડીસ્ટર્બન્સ ની અસર જોવા મળતી હોય છે. ત્યારબાદ હવામાન ચોખ્ખું થયા બાદ ફરીથી હળવી ઠંડીનો માહોલ પણ રાજ્યમાં જોવા મળતો હોય છે.

તો મિત્રો આવનારા દિવસોમાં ગુજરાત રાજ્યનું હવામાન કેવું રહેશે? ગુજરાત રાજ્યના હવામાનમાં કેવો બદલાવ જોવા મળશે? એ અંગેની માહિતી ડીપમાં મેળવીએ. તો મિત્રો માર્ચ મહિનાની શરૂઆતના દિવસોમાં રાજ્યમાં કમોસમી વરસાદ ની સંભાવના હાલ હવામાનના મોડલમાં જોવા મળી રહી છે. માર્ચ મહિનાના શરૂઆતના દિવસોમાં રાજ્યના ઘણા વિસ્તારોમાં કમોસમી વરસાદ ની સંભાવના ગણી શકાય.

મિત્રો આવનારા દિવસોમાં રાજ્યમાં ઉભી થનાર હવામાનની અસ્થિરતાની ડીપમાં માહિતી લઈએ તો, મિત્રો 29 ફેબ્રુઆરીથી ઉત્તર ભારતના પહાડી વિસ્તારોમાં એક મજબૂત વેસ્ટર્ન ડિસ્ટર્બન્સ પસાર થશે. મિત્રો આ વેસ્ટર્ન ડિસ્ટર્બન્સ એટલું બધું મજબૂત હશે કે, આ વેસ્ટર્ન ડીસ્ટર્બન્સની ઇફેક્ટથી ઉત્તર ભારતના ઘણા રાજ્યો સહિત રાજસ્થાન તેમજ ગુજરાતના વિસ્તારોમાં પણ કમોસમી વરસાદ ની સંભાવના ઊભી થશે.

તેનું એક મુખ્ય રીઝન જોવા મળી રહ્યું છે. મિત્રો હવામાનના મોડલમાં સતત થતી અપડેટના ચિત્રો મુજબ, આ વેસ્ટર્ન ડીસ્ટર્બન્સ ઉત્તર ભારતથી ઘણું દક્ષિણના વિસ્તારોમાં પસાર થઈ રહ્યું છે. એટલે કે આ વેસ્ટર્ન ડીસ્ટર્બન્સ ઉત્તર રાજસ્થાનના વિસ્તારોમાંથી પસાર થઈ રહ્યું છે. જેની સીધી અસર રાજસ્થાન સહિત ગુજરાતના ઘણા બધા વિસ્તારોમાં જોવા મળશે. ટૂંકમાં આ વેસ્ટર્ન ડિસ્ટર્બન્સ ગુજરાતમાં કમોસમી વરસાદ લાવશે.

કમોસમી વરસાદ ની આગાહી

આમ તો મિત્રો Gfs મોડલની લાંબાગાળાની અપડેટ મુજબ 1 માર્ચથી 10 માર્ચના દિવસો દરમિયાન ગુજરાત રાજ્યમાં 2 વખત કમોસમી વરસાદ ના જોવા મળી રહ્યા છે. જોકે બીજા રાઉન્ડમાં જોવા મળતા કમોસમી વરસાદ ના સમીકરણો એ લાંબા ગાળાનું અનુમાન ગણાય. એટલે હાલ આપણે માર્ચ મહિનાના પ્રથમ કયા દિવસોમાં કમોસમી વરસાદ ની સંભાવના રહેશે? એ અંગેની માહિતી મેળવીએ.

બીજી માર્ચથી રાજ્યના હવામાનમાં અસ્થિરતાની શરૂઆત થશે. 2 માર્ચથી 5 માર્ચના દિવસો દરમિયાન એટલે કે આ 3 દિવસો દરમિયાન રાજ્યમાં કમોસમી વરસાદ ની સંભાવના ઊભી થશે. જેમાં કોઈ કોઈ વિસ્તારોમાં મધ્યમ માવઠાની પણ સંભાવના ગણી શકાય. તો ઘણા વિસ્તારોમાં છાંટા છૂટી અથવા તો હળવું માવઠું પણ આ દિવસો દરમિયાન જોવા મળી શકે.

આવનારા દિવસોમાં જોવા મળી રહેલ કમોસમી વરસાદ ના રાઉન્ડની ગુજરાત રાજ્યમાં સૌથી વધુ અસર કચ્છ તેમજ ઉત્તર ગુજરાતના વિસ્તારોમાં હાલ જોવા મળી રહી છે. બીજી માર્ચથી ધીરે ધીરે રાજ્યનું હવામાન બદલાશે. ત્યારબાદ ત્રીજી, ચોથી અને પાંચમી માર્ચ દરમિયાન રાજ્યના ઘણા વિસ્તારોમાં કમોસમી વરસાદ ની શક્યતા ગણી શકાય.

કચ્છના ઘણા વિસ્તારોમાં આ દિવસો દરમિયાન છાટા છુટી તો ક્યાંક હળવા માવઠાનો માહોલ ઉભો થઈ શકે. જ્યારે ઉત્તર ગુજરાતમાં પણ રાજસ્થાન બોર્ડર લાગુના વિસ્તારો સહિત પાટણ, બનાસકાંઠા, મહેસાણા, વિજાપુર, ઊંઝા આ વિસ્તારોમાં ત્રીજી માર્ચથી પાંચમી માર્ચના દિવસો દરમિયાન કમોસમી વરસાદ ની સંભાવના પ્રબળ જોવા મળી રહી છે.

મિત્રો મધ્ય ગુજરાતની વાત કરીએ તો, આ દિવસો દરમિયાન મધ્ય ગુજરાતમાં અમદાવાદ, ગાંધીનગર, ખેડા, ખંભાત, વડોદરા આ વિસ્તારોમાં ત્રણ માર્ચથી ચાર માર્ચના દિવસો દરમિયાન કમોસમી વરસાદ ની સંભાવના જોવા મળી રહી છે. આ વિસ્તારોમાં ઘણા વિસ્તારોમાં છાટા છૂટી જોવા મળી શકે. મુખ્યત્વે આ દિવસો દરમિયાન મોટાભાગના વિસ્તારોનું હવામાન વાદળછાયું રહી શકે.

માર્ચ મહિનાના શરૂઆતમાં દિવસોમાં જોવા મળી રહેલ કમોસમી વરસાદના ની સંભાવના અંગે સૌરાષ્ટ્રના વિસ્તારોની વાત કરીએ. તો મિત્રો સૌરાષ્ટ્રમાં ઉત્તર સૌરાષ્ટ્રના વિસ્તારોમાં સંભાવના હાલ વધુ જોવા મળી રહી છે. સૌરાષ્ટ્રની વાત કરીએ તો, સૌરાષ્ટ્રમાં રાજકોટ, મોરબી, સુરેન્દ્રનગર, જામનગર, દેવભૂમિ દ્વારકા, જુનાગઢ તો પૂર્વ સૌરાષ્ટ્રના વિસ્તારોમાં પણ આ દિવસો દરમિયાન કોઈ કોઈ વિસ્તારોમાં કમોસમી વરસાદ ની સંભાવના ગણી શકાય.

તો ત્રીજી માર્ચથી પાંચ માર્ચના દિવસો દરમિયાન દક્ષિણ ગુજરાતના મોટાભાગના વિસ્તારોમાં આ દિવસો દરમિયાન હવામાન વાદળછાયુ બનશે. આ દિવસો દરમિયાન ગરમીનો પારો પણ દક્ષિણ ગુજરાતમાં ઊંચો રહી શકે છે. છતાં પણ મિત્રો આ દિવસો દરમિયાન દક્ષિણ ગુજરાતના કોઈ કોઈ વિસ્તારોમાં કમોસમી વરસાદ ની સંભાવના ગણી શકાય. જેમાં ઘણા વિસ્તારોમાં છાંટા છૂટી અથવા તો હળવા માવઠાનો માહોલ ઉભો થઈ શકે.

પરંતું ત્યારબાદ મિત્રો હવામાનના મોડલની લાંબા ગાળાની અપડેટ મુજબ 6 માર્ચથી 9 માર્ચના દિવસો દરમિયાન પણ કમોસમી વરસાદ નો એક બીજો રાઉન્ડ જોવા મળી રહ્યો છે. જો કે આ એક હાલ લાંબાગાળાનું અનુમાન હોવાથી આ બીજા રાઉન્ડ અંગેની વાત અહીં આપણે કરશું નહીં. જેમ જેમ સ્થિતિ સ્પષ્ટ બનતી જશે તેમ તેમ હવામાન અપડેટ અમે Weather Tv વેબસાઈટના માધ્યમથી આપ સમક્ષ મૂકતા રહેશું.

ટૂંકમાં મિત્રો માર્ચ મહિનાના શરૂઆતના દિવસોમાં રાજ્યનું હવામાન બદલાશે. ઘણા વિસ્તારોમાં કમોસમી વરસાદની સંભાવના ઊભી થશે. તો આ દિવસો દરમિયાન ગરમીનો પ્રભાવ પણ જોવા મળી શકે. ગુજરાતના ઘણા વિસ્તારોમાં માવઠાની સંભાવના હોવાથી ખેડૂતોએ ખેતી કાર્યોમાં આગોતરા પગલાં લેવા. જેથી માવઠાની નુકસાનીથી કંઈક અંશે બચી શકાય.

નોંધ : ગુજરાતમાં આગામી દિવસો જણાઈ રહેલી રહેલી કમોસમી વરસાદ ની સંભાવના એ હવામાનના મોડલમાં થતી અપડેટ મુજબ અભ્યાસ કરીને અહીં રજૂ કરવામાં આવી છે. હવામાન સંબંધિત બધી જ પરિસ્થિતિઓમાં ભારતીય હવામાન વિભાગની સૂચનાઓને અનુસરવું.

મિત્રો ગરમીનો રાઉન્ડ, ઠંડીનો રાઉન્ડ તેમજ ચોમાસામાં જે તે વિસ્તારમાં વરસાદની કેવી સંભાવના રહી શકે? એ અંગે હવામાનના મોડલ ઉપર અભ્યાસ કરી અને નિયમિત અપડેટ Weather Tv વેબસાઈટના માધ્યમથી રજૂ કરવામાં આવે છે. તો સમગ્ર રાજ્યના વિસ્તારોની દરેક હવામાનની અપડેટ મેળવવા માટે અમારી સાથે જોડાયેલા રહેજો આભાર.

error: Content is protected !!