મિત્રો 2024 નું ચોમાસું નજીક આવી રહ્યું છે. ત્યારે હવે ઉનાળાની સાથે જ ગુજરાતના ખેડૂતો ચૈત્રી દરમિયાન પણ રાહ જોઈ રહ્યા છે. કેમકે ચૈત્રી દનૈયા મુજબ આવનારું ચોમાસું કેવું રહેશે એ અંગે એક અનુમાન લગાવવામાં આવતું હોય છે. તો મિત્રો આજની આ પોસ્ટમાં ચૈત્રી દનૈયા 2024 સંબંધિત ચોમાસામાં વરસાદની અંગેની સંપૂર્ણ અપડેટ મેળવશું.
ગુજરાતમાં દેશી વિજ્ઞાનનું મહત્વ આજના સમયમાં પણ અડીખમ ઊભું છે. જેનું મુખ્ય કારણ એ છે કે, પ્રાચીન વર્ષા વિજ્ઞાનમાં કહેલી વરસાદ સંબંધિત વાતો આજે પણ સાચી સાબિત થઈ રહી છે. જેમ કે હોળીના પવનના આધારે આવનારા ચોમાસાનો સોલિડ વર્તારો જોવા મળતો હોય છે. એ મુજબ જ અખાત્રીજના પવનો અનુસાર પણ આવનારા ચોમાસાનું એક અનુમાન લગાવવામાં આવતું હોય છે. આ વર્ષે હોળીનો પવન 2024 સંબંધિત માહિતી આ લીંક ઉપરથી મેળવી લેવી.
મિત્રો ચૈત્ર મહિનાને આવનારા ચોમાસા માટે ખાસ ગણવામાં આવ્યો છે. કેમકે ચૈત્ર મહિના દરમિયાન જોવા મળતા વર્તારાને અનુસંધાને આવનારા ચોમાસાનું ભવિષ્ય નક્કી થતું હોય છે. એમાં પણ આજે વર્ષોથી ચૈત્રી દનૈયાનું મહત્વ ખૂબ જ રહ્યું છે. તો આ વર્ષે ચૈત્રી દનૈયા 2024 દરમિયાન કઈ કઈ બાબતોનું અવલોકન ખાસ કરવું એ અંગેની ખૂબ જ મહત્વની વાત આ પોસ્ટના માધ્યમથી કરશું.
ચૈત્ર મહિનાનું વિધાન
એ પહેલા પ્રથમ મિત્રો ચૈત્ર મહિના અંગેનું એક સાધારણ વિધાન પ્રાચીન વર્ષા વિજ્ઞાનમાં જે જણાવ્યું છે એ અંગેની વાત કરી લઈએ તો, મિત્રો મુખ્ય રીતે ચૈત્ર મહિનો બને તેટલો ચોખ્ખો રહે એટલું આવનારું ચોમાસું સારું આવે. કહેવાનો મતલબ એ કે ચૈત્ર મહિનાના દિવસો દરમિયાન આકાશ સ્વચ્છ રહેવું જોઈએ. જો ચૈત્ર મહિનાના દિવસો દરમ્યાન આકાશ મુખ્યત્વે ચોખ્ખું જણાય તો આવનારું ચોમાસું ટનાટન આવશે.
ચૈત્ર મહિનાના દિવસો દરમિયાન ગરમીનો માહોલ વધુ રહે તેટલું આવનારું ચોમાસું સારું આવે. ચૈત્ર મહિનાના દિવસો દરમિયાન દિવસે તાપમાનનો પારો ઊંચો રહે અને રાત્રિના દરમિયાન જો ઠંડીનો અહેસાસ થાય તો, આવનારા ચોમાસા ઉપર તેની વિપરીત અસર પડે છે. એટલે કે આવનારું ચોમાસું મધ્યમ રહી શકે. માટે જ ચૈત્ર મહિનાના દિવસો દરમિયાન દિવસે અને રાત્રે ગરમીનું જેટલું પ્રમાણ વધુ રહે તેટલું આવનારું ચોમાસું ખૂબ જ સારું આવે છે.
ચૈત્રી દનૈયા 2024
ચૈત્રી દનૈયા 2024 અંતર્ગત વાત કરીએ તો, મિત્રો ચૈત્રી દનૈયા 2024 ની શરૂઆત ચૈત્ર વદ પાંચમથી થશે. અને ચૈત્રી દનૈયા 2024 ની સમાપ્તિ ચૈત્ર વદ તેરસના રોજ થશે. અંગ્રેજી મહિનાની તારીખ મુજબ Dt : 29-4-2024 થી ચૈત્રી દનૈયા 2024 ની શરૂઆત થશે. જ્યારે Dt : 6-5-2024 ના રોજ ચૈત્રી દનૈયા 2024 ની સમાપ્તિ થશે. આ 8 દિવસના ગાળા દરમિયાનના દિવસો ચૈત્રી દનૈયા 2024 ના ગણાશે.
મિત્રો ચૈત્રી દનૈયા દિવસો દરમિયાન ગરમીનો પારો જેટલો ઊંચો રહે તેટલું આવનારો ચોમાસું સારું આવશે આ વાત લખી લેવી. ચૈત્રી દરિયાના દિવસોમાં માવઠાનો માહોલ ઉભો થવો ન જોઈએ. જો ચૈત્રી દનૈયા દિવસોમાં વરસાદી માહોલ ઉભો થાય તો, આવનારા ચોમાસા ઉપર તેમની વિપરીત અસર પડે છે. એટલે જ ચૈત્રી દનૈયા દિવસો દરમિયાન હવામાન ચોખ્ખું રહે એ ખૂબ જ સારી નિશાની આવનારા ચોમાસા માટે ગણી શકાય.
ચૈત્રી દનૈયાના અલગ અલગ દિવસોએ ચોમાસામાં આવતા વરસાદના નક્ષત્ર 2024 મુજબ ગણાશે. જેમ કે પહેલું દનૈયું એટલે પ્રથમ વરસાદનું નક્ષત્ર ગણાશે. એ મુજબ જ બીજું દનૈયું એટલે બીજું વરસાદનું નક્ષત્ર ગણાશે. મિત્રો ત્રીજુ દનૈયું એટલે ત્રીજું વરસાદનું નક્ષત્ર ગણાશે.
એ જ રીતે આઠમુ દનૈયું એટલે આઠમું વરસાદનું નક્ષત્ર ગણાશે. માટે દનૈયા દિવસો દરમિયાન દરેક દિવસોનું ખાસ અવલોકન કરવું. જો જે દનૈયું નિષ્ફળ જાય તો, તે વરસાદનું નક્ષત્ર નિષ્ફળ જશે. એટલે જે-તે નક્ષત્રમાં વરસાદની સંભાવના ખુબ જ ઓછી ઉભી થશે. આવી વાત પ્રાચીન વર્ષા વિજ્ઞાનમાં જણાવવામાં આવેલી છે.
ચૈત્ર વદ પાચમ એટલે કે Dt : 29/412024 ના રોજ પ્રથમ ચૈત્રી દનૈયા 2024 ની શરૂઆત થશે. એટલે આ દિવસ આદ્રા નક્ષત્ર 2024 નો રહેશે. જેને આપણે ચોમાસાનું પ્રથમ નક્ષત્ર ગણીએ છીએ. માટે જો આ દિવસે ગરમીનું પ્રમાણ વધુ જોવા મળે તો, ચોમાસામાં વરસાદની શરૂઆત ખૂબ જ સારી એવી જોવા મળશે. આદ્રા નક્ષત્રમાં વાવણી લાયક વરસાદની સંભાવના ખુબ જ સારી ઉભી થશે.
ચૈત્ર વદ છઠ એટલે કે Dt : 30/4/2024 ના રોજ 2024 નું બીજું દનૈયું ગણાશે. ચોમાસામાં આ દિવસ પુનર્વસુ નક્ષત્રનો રહેશે. જો આ દનૈયું ખૂબ જ સારું રહે તો પુનર્વસુ નક્ષત્ર 2024 ના સમયગાળા દરમિયાન વરસાદની સંભાવના સારી એવી જોવા મળી શકે. માટે બીજા દનૈયાનો ખાસ અભ્યાસ કરવો.
વરસાદની આગાહી
ચૈત્ર વદ આઠમ એટલે કે Dt : 1/5/2024 ના રોજ ચૈત્રી દરમિયાન 2024 નું ત્રીજું દનૈયું ગણાશે. ત્રીજું દનૈયું એ પુષ્ય નક્ષત્ર ચોમાસામાં ગણાશે. પુષ્ય નક્ષત્રમાં વરસાદની સંભાવના કેવી જોવા મળશે એ માટે ત્રીજા દનૈયાનો ખાસ અભ્યાસ કરવો. જો આ દનૈયાના દિવસમાં ગરમીનું પ્રમાણ સારું જણાય અને આકાશ સ્વચ્છ જોવા મળે તો, પુષ્ય નક્ષત્ર 2024 ના દિવસો દરમિયાન વરસાદની શક્યતા સારી ઉભી થશે.
આશ્લેષા નક્ષત્રમાં ચોમાસામાં વરસાદ કેવો રહેશે? એ અનુમાન લગાવવા માટે ચોથા દનૈયાનો ખાસ અભ્યાસ કરવો. Dt : 2/5/2024 ના રોજ ચોથું દનૈયું ગણાશે. જો ચૈત્રી દરમિયાન 2024 દરમિયાન ચોથું દનૈયું જો ખૂબ તપે તો આટલે આશ્લેષા નક્ષત્ર 2024 દરમિયાન વરસાદની સંભાવના ખુબ જ સારી એવી ઊભી થશે.
મિત્રો આ વર્ષે પાંચમા દનૈયાનો ખાસ અભ્યાસ કરવો કેમ કે પાંચમુ દનૈયું એટલે મઘા નક્ષત્ર. મિત્રો મઘા નક્ષત્ર 2024 માં વરસાદની સંભાવના કેવી રહેશે? એ અનુમાન લગાવવા માટે ચૈત્ર વધ દશમ Dt : 3/5/2024 ના દિવસનો ખાસ અભ્યાસ કરવો. ચૈત્રી દનૈયા 2024 મુજબ જો પાંચમું દનૈયું ખૂબ તપે તો, મઘા નક્ષત્રમાં પાણીની રેલમ થાય એવા વરસાદના યોગનું નિર્માણ થાય.
ચૈત્રી દનૈયા 2024 મુજબ આ વર્ષે છઠ્ઠું દનૈયું Dt : 4/5/2024 ના રોજ ગણાશે. છઠ્ઠું ધન્યયું એટલે પૂર્વા ફાલ્ગુની નક્ષત્ર. મિત્રો પૂર્વા ફાલ્ગુની નક્ષત્ર 2024 દરમિયાન વરસાદની સંભાવના કેવી રહેશે? એ અંતર્ગત છઠ્ઠા દનૈયાનો ખાસ અભ્યાસ કરવો. જો છઠ્ઠું દનૈયું નિષ્ફળ ન જાય તો, પૂર્વ ફાલ્ગુની નક્ષત્રમાં વરસાદની સંભાવના સારી ઊભી થશે.
ઓતરા નક્ષત્રમાં દર વર્ષે તોફાની વરસાદ જોવા મળતો હોય છે. તો ઓતરા નક્ષત્ર સંબંધિત ચૈત્રી દનૈયાના દિવસો દરમિયાન સાતમા દિવસનો ખાસ અભ્યાસ કરવો. Dt : 5/512024 ના રોજ વર્ષ 2024 નું સાતમું દનૈયું ગણાશે. માટે મિત્રો ચૈત્રી દનૈયા 2024 મુજબ આ દિવસનું ખાસ અવલોકન કરવું. જો આ દિવસે ગરમીનો પ્રકોપ વધુ જોવા મળે તો, ઉત્તરા ફાલ્ગુની નક્ષત્રમાં વરસાદનું પ્રમાણ ભરપૂર રહેશે.
ચૈત્ર વદ તેરસ એટલે ચૈત્રી દનૈયાનો છેલ્લો દિવસ ગણાય. તો મિત્રો ચૈત્રી દનૈયા 2024 મુજબ Dt : 6/5/2024 ના રોજ છેલ્લું દનૈયું એટલે હાથીયો નક્ષત્ર એટલે હસ્ત નક્ષત્ર 2024 સંબંધિત ગણાશે. આ વર્ષે હસ્ત નક્ષત્રમાં વરસાદનું કેવું પ્રમાણ રહેશે? એ અનુમાન લગાવવા માટે ચૈત્રી દનૈયા દિવસો દરમિયાન છેલ્લા દનૈયાનો ખાસ અભ્યાસ કરવો. જો આ દનૈયું સારું એવું તપ્યું હોય તો, હસ્ત નક્ષત્રના દિવસો દરમિયાન સાથે વરસાદની સંભાવના સારી ઊભી થશે.
ખાસ નોંધ : મિત્રો ચૈત્રી દનૈયા 2024 સંબંધિત ઉપર જણાવવામાં આવેલી તમામ માહિતી એ Weather Tv વેબસાઈટની પર્સનલ માહિતી નથી. પ્રાચીન વર્ષા વિજ્ઞાન મુજબ જે ચૈત્ર દનૈયા સંબંધિત જે લોકવાયકા જોવા મળી રહી છે, એ મુજબ જણાવવામાં આવી છે. માટે આ વાતનો ખાસ ખ્યાલ રાખવો.
