જેની આગાહીની ખેડૂતો દર વર્ષે રાહ જોતા હોય એવા વર્ષા વિજ્ઞાનના સભ્ય રમણીકભાઈ વામજાની 2023 નું ચોમાસું કેવું રહેશે એ અંગેની આગાહી આવી છે.
તો મિત્રો રમણીકભાઈ વામજાની આગાહી મુજબ આ વર્ષે રેવતી, અશ્વની અને ભરણી નક્ષત્રમાં ચોમાસું બગડવાના જે દોષો ઊભા થયા હતા તે, મિત્રો ભડલી વાક્ય મુજબ કૃતિકા નક્ષત્ર માં થયેલા વરસાદે તમામ દોષોને ધોઈ નાખ્યા છે.
મિત્રો રમણીકભાઈ વામજાની આગાહી મુજબ સૌરાષ્ટ્રમાં 50 થી 55 ઇંચ વરસાદ સાથે 16 આની વર્ષ થાય એવા સંકેતો જોવા મળે છે.
ભાદરવા મહિનામાં સૌરાષ્ટ્ર વિસ્તારમાં 40 થી 45 ડેમો ઓલ ઓવરફ્લો થશે. ત્રણ તબક્કે વાવણી થશે. જામનગર જિલ્લામાં વાવણીનો પ્રથમ વરસાદ થશે. બનાસકાંઠા અને લાગુ રાજસ્થાનના વિસ્તારોમાં ઓગસ્ટ મહિનામાં વધુ વરસાદ પડશે.
ગરમીને કારણે સાપ અને વીંછી કરડવાના બનાવો બનશે.તો ચોમાસામાં વીજળી પડવાના પણ બનાવો વધુ જોવા મળશે. રોહિણી નક્ષત્રમાં 27 મે થી 31 મે દરમિયાન ભારે ગરમી અને વાવાઝોડાની સંભાવના રહેશે.
આ ચોમાસે મગફળીનો પાક પુષ્ફળ થશે. તો ભડલી વાક્યના અનુસંધાને ભાદરવા સુદ છઠના દિવસે અનુરાધા નક્ષત્ર હોવાથી વર્ષ સારું રહેવાનો અંદાજ રમણીકભાઈ વામજાએ આપ્યો છે.