કારતક મહિનાનું હવામાન : ચોમાસું કેવું રહે

કારતક મહિનાનું હવામાન

મિત્રો દેશી વિજ્ઞાનના સિદ્ધાંત મુજબ દરેક મહિનાનું હવામાન કેવું રહે? એ અનુસાર આવનારું ચોમાસું કેવું રહેશે? એનું અનુમાન કાઢવામાં આવતું હોય છે. તો આજની આ મહત્વની પોસ્ટમાં કારતક મહિનાનું હવામાન મુજબ આવનારું ચોમાસું કેવું રહી શકે? એ અંગે થોડીક માહિતી મેળવશું.

મોટે ભાગે મિત્રો કારતક મહિનાની શરૂઆતથી જ આવનારા ચોમાસાના સમીકરણોનું કાઉન ડાઉન શરૂ થઈ જતું હોય છે. તો કારતક મહિનામાં ઠંડીની ઋતુની ઉત્પત્તિ થતી હોય છે. કારતક મહિનાનું હવામાન મુજબ કારતક મહિનાના શરૂઆતના દિવસોમાં જો ઠંડીનું આગમન થાય તો, તે સારા વર્ષ માટે શુભ નિશાની ગણી શકાય.

મિત્રો પ્રાચીન વર્ષા વિજ્ઞાન મુજબ કારતક સુદ પડવાના દિવસે એટલે કે, કારતક મહિનાનું હવામાન મુજબ કારતક સુદ એકમે જો બુધવારનો યોગ જોવા મળતો હોય તો, વર્ષ દરમિયાન ચોમાસામાં ક્યાંક વરસાદ થાય તો ક્યાંક વરસાદ ન થાય. વર્ષ મધ્યમ રહે, ટૂંકમાં જો કારતક સુદ એકમના દિવસે બુધવાર હોય તો, ખંડ વૃષ્ટિના યોગ ચોમાસા દરમિયાન વધુ જોવા મળે.

કારતક મહિનાનું હવામાન મુજબ કારતક મહિનાની અંજવાળી પાંચમે એટલે કે કારતક સુદ પાંચમના દિવસે જો રવિવાર આવતો હોય તો, તે વર્ષે અનાજનું ઉત્પાદન ઓછું થાય છે. આવી વાત પ્રાચીન વર્ષા વિજ્ઞાનના સિદ્ધાંતોમાં જોવા મળી રહી છે. એટલે કારતક સુદ પાંચમના દિવસે રવિવાર શુભ ગણાતો નથી. આ પરિસ્થિતિ દર વર્ષે ખાસ જોવી.

બીજા એક મહત્વના યોગ અંગે વાત કરીએ તો, મિત્રો કારતક મહિનાનું હવામાન મુજબ કારતક મહિનાની પૂનમે કૃતિકા નક્ષત્રની ઉપસ્થિતિ હોય ત્યારે આ નક્ષત્ર ચોખ્ખું હોવું શુભ છે. તે દિવસે રાત્રે 12:30 થી 1:30 વાગ્યા સુધીનો ચંદ્ર ખાસ જોવો. ચંદ્રથી જો દક્ષિણે કૃતિકા નક્ષત્ર હોય તો વર્ષ નબળું ગણવું. અને જો કૃતિકા નક્ષત્ર ઉત્તર દિશામાં હોય તો ઉત્તમ ગણવું. અને ચોમાસામાં વરસાદના યોગ સારા જોવા મળશે.

ચંદ્રના મોઢા આગળ કૃતિકા નક્ષત્ર આવે તો, વર્ષ ઉત્તમ ગણવું. પરંતુ આવા સંજોગોમાં ખેતીના પાકોમાં રોગ જીવાતનું પ્રમાણ વધે. આવી વાત પ્રાચીન વર્ષા વિજ્ઞાનમાં જોવા મળી રહે છે. મિત્રો કારતક મહિનાનું હવામાન મુજબ પૂનમનો સમયગાળો તથા કૃતિકા નક્ષત્ર સમયગાળાનું ખાસ અવલોકન કરવું. કૃતિકા નક્ષત્રનો સમયગાળો જેટલો વધુ રહે તેટલો ચોમાસા દરમિયાન વરસાદ વધુ આવશે. એવું અનુમાન લગાવી શકાય.

કારતક મહિનાનું હવામાન મુજબ કારતક મહિનાના પ્રથમ પખવાડિયામાં જો આકાશમાં લિસોટા,કસ તેમજ વાદળોનું પ્રમાણ સારું એવું જોવા મળે તો, આવનારા ચોમાસાની શરૂઆત આદ્રા નક્ષત્રથી થઈ જશે. એટલે કે આદ્રા નક્ષત્ર બેસવાની સાથે જ વાવણી લાયક વરસાદ થઈ જવાની સંભાવના વધુ પડતી રહેતી હોય છે. એટલે આ વાતનું પણ ખાસ અવલોકન કરવું.

મિત્રો કારતક મહિનામાં થતા કમોસમી વરસાદ એટલે કે માવઠાના માહોલ અંગેની વાત કરીએ તો, કારતક મહિનાનું હવામાન મુજબ જો કારતક મહિનામાં માવઠું થાય તો, આવનારા ચોમાસામાં કેવી પરિસ્થિતિ ઉભી થાય. એ અંગે માહિતી મેળવવી ખૂબ જ જરૂરી છે. કેમકે કારતક મહિનાના ચિત્રો ઉપરથી આવનારા ચોમાસાની એકરૂપ રેખા તૈયાર થતી હોય છે.

કારતક મહિનાનું હવામાન

તો મિત્રો કારતક મહિનાનું હવામાન મુજબ કારતક મહિનાની અંજવાળી બારસ એટલે કે કારતક સુદ બારસ, પોષ સુદ પાંચમ, માગસર સુદ દશમ અને મહા મહિનાની અંજવાળી સાતમે જો મેઘ ગર્જના સંભળાય તો, તે સારી નિશાની ગણવામાં આવતી નથી. જો આવા યોગનું નિર્માણ બને તો, ચોમાસું દુષ્કાળમય સાબિત થાય છે. આ બધા દિવસો દરમિયાન સમાન યોગનું નિર્માણ થાય તો જ વર્ષ નબળું રહે છે. એટલે દિવસોનું ખાસ અવલોકન કરવું.

ચોમાસાની ઋતુ દરમ્યાન અષાઢ મહિનાનું મહત્વ ખૂબ જ હોય છે. કેમકે અષાઢ મહિનામાં એક પછી એક વરસાદના રાઉન્ડ જોવા મળતા હોય છે. તો મિત્રો કારતક મહિનાનું હવામાન મુજબ કારતક સુદ બારસે એટલે કે કારતક મહિનાની અંજવાળી બારસે જો આકાશમાં વાદળાની ઉપસ્થિતિ જણાય તો, આવનારા ચોમાસાના અષાઢ મહિનાના દિવસો દરમિયાન વરસાદના ઘણા બધા રાઉન્ડ જોવા મળી શકે.

પ્રાચીન વર્ષા વિજ્ઞાનના સિદ્ધાંત મુજબ કારતક મહિનાનું હવામાન મુજબ એક મહત્વના યોગ વિશે વાત કરીએ તો, મિત્રો કારતક મહિનાની પૂનમની આજુબાજુના આગળ પાછળના ત્રણ-ચાર દિવસો દરમિયાન જો આકાશ રક્તવર્ણુ જોવા મળે તો, અષાઢ મહિનામાં વરસાદની રેલમ છેલમ થાય. તેવા યોગનું નિર્માણ થાય છે.

કારતક મહિનો એટલે કે વર્ષની શરૂઆતનો મહિનો. કારતક મહિનાની શરૂઆત જો સોમવારથી થાય તો, આવનારું ચોમાસું સારું આવે. એ જ રીતે કારતક મહિનાનું હવામાન મુજબ વર્ષની શરૂઆત જો ગુરુવારથી થાય તો રાજા પ્રજા સુખી થાય. ધન ધન્યના ઢગલા થાય છે. કેમકે ગુરૂવારથી વર્ષની જો શરૂઆત થાય તો, ચોમાસા દરમિયાન પણ ભારે વરસાદના યોગ ઉભા થાય છે.

મિત્રો કારતક મહિના દરમિયાન આકાશમાં બનતા ગર્ભનું ખાસ અવલોકન કરવું. જેમ કે કારતક મહિનાનું હવામાન મુજબ કારતક મહિનાના દિવસો દરમિયાન જો આકાશ સ્વચ્છ રહે તો, ચોમાસાની શરૂઆત શાનદાર થતી નથી. પરંતુ કારતક મહિનાના દિવસો દરમિયાન કસ કાતરા વ્યવસ્થિત રીતે બને તો, ચોમાસાની શરૂઆત ધમાકેદાર થાય છે.

આવનારા ચોમાસા માટે કારતક મહિનો, માગશર મહિનો, પોષ મહિનો અને મહા મહિનો. આ બધા શિયાળાના આવતા ચારેય મહિના દરમિયાન હવામાનની રૂપરેખા કેવી જોવા મળે છે? એ મુજબ આવનારું ચોમાસું પણ કેવું રહેશે? એ અંગેના વિધાન કંઈક અંશે સામે આવી જતા હોય છે. એટલે મિત્રો કારતક મહિનાના દિવસોનો ખાસ અભ્યાસ કરવો.

મિત્રો કારતક મહિનાના હવામાન મુજબ કારતક સુદ પુનમની રાત્રે જો આકાશમાં કસની હાજરી હોય આવા તબક્કામાં ચંદ્રની ફરતે જો જળ કુંડાળું જણાય તો, આવનારું ચોમાસું ખૂબ જ સારું સાબિત થશે. ચોમાસામાં વરસાદનો કોઈ મોટો ગેપ જોવા મળશે નહીં. આવી વાત પણ પ્રાચીન વર્ષા વિજ્ઞાનના સાહિત્યમાં જોવા મળી રહી છે.

મિત્રો વનસ્પતિ અંગેના વિવિધ યોગોની વાત કરીએ તો, મિત્રો કારતક મહિનાનું હવામાન મુજબ દેશી બોરડીમાં કારતક મહિનાના દિવસો દરમિયાન જો ફૂલોનું વધુ પડતું આગમન જોવા મળે તો, આવનારું ચોમાસું ખૂબ જ સારું પસાર થશે. તે વર્ષે ખેતીમાં પણ મબલક ઉત્પાદન મળે છે. આવી વાત પણ દેશી વિજ્ઞાનમાં જોવા મળી રહી છે.

છેલ્લા ઘણા વર્ષોથી હવામાનની પેટર્ન પણ મોટે પાયે બદલાઈ છે. છતાં પણ પ્રાચીન શાસ્ત્રોમાં વરસાદ અંગે જે હવામાન લક્ષી વાતો વર્ણવવા આવી છે. તે વાતો આજે પણ ઘણા દરજે સચોટ સાબિત થતી હોય છે. અને ઘણા સંજોગોમાં સચોટ સાબિત પણ થતી નથી. કેમકે આજના સમયમાં બદલાતી હવામાનની પેટર્નને અનુસંધાને કંઈક અંશે પ્રાચીન વર્ષા વિજ્ઞાનના વિધાનો પણ સત્યની સમીપ ઊભા રહેતા નથી.

નોંધ : મિત્રો આ પોસ્ટમાં કારતક મહિનાનું હવામાન સંબંધિત આવનારૂ ચોમાસું કેવું રહી શકે છે? આ વાત Weather Tv વેબસાઈટની પર્સનલ વાત નથી. પરંતુ પ્રાચીન વર્ષા વિજ્ઞાનમાં જે જે સમીકરણો બતાવવામાં આવ્યા છે, એ વાત અહીં રજૂ કરવામાં આવી છે. આ વાતનું ખાસ ધ્યાન રાખવું.

જેમ જેમ વર્ષ 2024 ની સાલનું ચોમાસું નજીક આવતું જશે. તેમ તેમ અમે પ્રાચીન વર્ષા વિજ્ઞાન મુજબ કયા મહિનામાં કેવા યોગનું નિર્માણ થાય તો, આવનારું ચોમાસું સારું જશે કે નબળું જશે? એ અંગેની નિયમિત અપડેટ અમે આ Weather Tv વેબસાઈટના માધ્યમથી અપડેટ કરતા રહેશું.

ચોમાસું સિઝન દરમિયાન સમગ્ર રાજ્યના વિસ્તારો જેમાં સૌરાષ્ટ્ર, કચ્છ, દક્ષિણ ગુજરાત, મધ્ય ગુજરાતની સાથે સાથે ઉત્તર ગુજરાતના તમામ વિસ્તારોમાં ચોમાસું દિવસો દરમિયાન હવામાનની પરિસ્થિતિનું એનાલિસિસ કરીને નિયમિત અપડેટ અમે અહીં રજૂ કરતા રહીશું. તો મિત્રો અમારી વેબસાઈટ સાથે જોડાયેલા રહેજો. જેથી હવામાનની દરેક અપડેટ તમને સમયસર મળતી રહે.

ગુજરાતનું હવામાન બદલાશે : ઋતુ પરિવર્તનનું આગમન

ગુજરાતનું હવામાન

મિત્રો આવનારા દિવસોમાં ગુજરાતનું હવામાન બદલાશે. ધીરે ધીરે ઋતુ પરિવર્તનનું આગમન આવનારા દિવસોના હવામાનમાં જોવા મળી રહ્યું છે. આકરા ઉનાળાની શરૂઆત આવનારા દિવસોમાં જોવા મળશે. તો આવતીકાલનું હવામાન હવે પછી કેવું જોવા મળી શકે? એ અંગેની અપડેટ આ પોસ્ટના માધ્યમથી મેળવશું.

નજીકના દિવસોમાં ગુજરાતનું હવામાન બદલાશે. આવનારા એક અઠવાડિયામાં ગુજરાતનું હવામાન અલગ અલગ દિવસે અલગ અલગ રૂપે જોવા મળશે. જેમાં આવનારા આઠ દિવસો દરમિયાન રાજ્યમાં ઝાકળનો માહોલ જોવા મળશે. તો ઉનાળાની શરૂઆત પણ આ દિવસોમાં શરૂઆત જોવા મળશે. રાજ્યના વિવિધ વિસ્તારો અંતર્ગત હવામાનની માહિતી મેળવીએ.

ગુજરાતનું હવામાન અંતર્ગત સૌરાષ્ટ્રના વિસ્તારોની વાત કરીએ તો, સૌરાષ્ટ્રમાં પશ્ચિમ સૌરાષ્ટ્રના વિસ્તારો જેમાં દેવભૂમિ દ્વારકા, રાજકોટ, પોરબંદર, જામનગર આ જિલ્લાના વિસ્તારોમાં 19 ફેબ્રુઆરીથી ઝાકળનો રાઉન્ડ જોવા મળી શકે. 19 ફેબ્રુઆરીથી 22 ફેબ્રુઆરીના દિવસો દરમિયાન પશ્ચિમ સૌરાષ્ટ્રના વિસ્તારોનું હવામાન વાદળછાયુ બનશે. તો ક્યાંક છાંટા છૂટીના એંધાણ પણ આ દિવસો દરમિયાન જોવા મળશે.

દક્ષિણ સૌરાષ્ટ્રમાં આવતા વિસ્તારો વાત કરીયે તો, મિત્રો આ વિસ્તારોમાં પણ હવામાનની રૂપરેખામાં બદલાવ જોવા મળશે. ગુજરાતનું હવામાન અંતર્ગત દક્ષિણ સૌરાષ્ટ્રના વિસ્તારો જેમાં અમરેલી, ગીર સોમનાથ, જુનાગઢ આ જિલ્લાના વિસ્તારોનું હવામાન પણ વાદળછાયુ બની શકે છે. તો કોઈ કોઈ વિસ્તારોમાં ગાઢ ધુમ્મસમય હવામાન પણ જોવા મળી શકે.

મિત્રો પૂર્વ સૌરાષ્ટ્ર તેમજ ઉત્તર સૌરાષ્ટ્રના વિસ્તારો જેમાં ભાવનગર, બોટાદ, મહુવા, તળાજા તો ઉતર સૌરાષ્ટ્રમાં સુરેન્દ્રનગર, મોરબી આ જિલ્લાના વિસ્તારોમાં પણ 19 ફેબ્રુઆરીથી એક ઝાંકળ વર્ષાનો રાઉન્ડ જોવા મળી શકે. સાથે સાથે બપોરનું તાપમાન આ વિસ્તારોમાં આવનારા એક વીકમાં ઊંચું જવાની સંભાવના હવામાનના મોડલમાં જોવા મળી રહી છે.

ટૂંકમાં મિત્રો સમગ્ર સૌરાષ્ટ્રમાં ગુજરાતનું હવામાન મુજબ આવનારા દિવસોમાં ગરમીનો પારો ધીરે ધીરે ઊંચો થતો જોવા મળશે. તો એક ઝાકળનો રાઉન્ડ પણ સૌરાષ્ટ્રને પ્રભાવિત કરી શકે છે. ઝાકળના રાઉન્ડ દરમિયાન સૌરાષ્ટ્રનું હવામાન વાદળછાયુ જોવા મળી શકે. તો કોઈ કોઈ વિસ્તારોમાં હળવી છાંટા છૂટી પણ થાય એવી સંભાવના પણ જોવા મળી રહી છે.

ગુજરાતનું હવામાન

કચ્છના વિસ્તારોની વાત કરીએ તો, મિત્રો કચ્છમાં આવનારા દિવસોમાં ઠંડીમાં નોંધપાત્ર ઘટાડો જોવા મળશે. 18 ફેબ્રુઆરીથી કચ્છના તાપમાનમાં ધીરે ધીરે વધારો જોવા મળી શકે છે. ગુજરાતનું હવામાન અંતર્ગત સમગ્ર કચ્છના વિસ્તારોની વાત કરીએ તો, મિત્રો કચ્છમાં પણ 18 ફેબ્રુઆરીથી હળવી ઝાકળ વર્ષાનો રાઉન્ડ શરૂ થઈ શકે. અને આ ઝાકળનો રાઉન્ડ 21 ફેબ્રુઆરી સુધી કચ્છના વિસ્તારોને પ્રભાવિત કરી શકે છે.

કચ્છના મોટા ભાગના વિસ્તારોમાં 19 ફેબ્રુઆરીથી 22 ફેબ્રુઆરીના દિવસો દરમિયાન વાદળોની આવન જાવન આ દિવસો દરમિયાન જોવા મળી શકે. જોકે મિડ લેવલે બનતા વાદળો દરમિયાન સરફેસ લેવલે ભેજનું પ્રમાણ ઊંચું રહેવાથી આ દિવસો દરમિયાન એકાદ બે વિસ્તારોમાં છાટ છૂટ પણ થઈ શકે છે. જો કે આ સંભાવના ખૂબ જ ઓછી ગણી શકાય.

મિત્રો ગુજરાતનું હવામાન મુજબ મધ્ય ગુજરાતમાં આવતા વિસ્તારો જેમાં ખંભાત, અમદાવાદ, ગાંધીનગર, ખેડા, વડોદરા આ જિલ્લાના વિસ્તારોમાં ધીરે ધીરે ગરમીનું પ્રમાણ અચાનક વધતું જણાશે. જેમાં કોઈ કોઈ વિસ્તારોમાં 19 ફેબ્રુઆરી બાદ મહત્તમ તાપમાન 35 ડિગ્રીની આજુબાજુ પણ જોવા મળી શકે. એટલે ટૂંકમાં રીતસર ઉનાળાની શરૂઆત આ વિસ્તારોમાં જોવા મળી શકે છે.

તો મિત્રો ઉત્તર ગુજરાતના વિસ્તારોમાં સવાર સાંજ ઠંડીનો માહોલ આવનારા દિવસોમાં હજી યથાવત રહેશે. કેમકે વેસ્ટર્ન ડિસ્ટર્બન્સ આધારિત ઉત્તરના પવનો રાજસ્થાન લાગુ બોર્ડરના વિસ્તારોમાં ઠંડીનું સામાન્ય હજી બનાવી રાખે એવા ચિત્રો હવામાનની મોડલમાં જોવા મળી રહ્યા છે. છતાં પણ પાછલા વીકમાં જે તાપમાન જોવા મળી રહ્યું હતું એ મુજબ આવનારા દિવસોમાં ઉત્તર ગુજરાતના વિસ્તારોમાં તાપમાનમાં વધારો જોવા મળશે.

મિત્રો ગુજરાતનું હવામાન અંતર્ગત મુખ્યત્વે ગણાતા દક્ષિણ ગુજરાતના વિસ્તારો જેમાં ભરૂચ, અંકલેશ્વર, નર્મદા, સુરત, નવસારી, વલસાડ, ડાંગ, વાપી આ વિસ્તારોમાં આવનારા દિવસોમાં ધીરે ધીરે ગરમીનો પારો ઊંચો જોવા મળશે. સરફેસ લેવલે ભેજની માત્રા આ વિસ્તારોમાં થોડી સામાન્ય કરતાં વધુ રહેવાથી આ વિસ્તારોમાં હાઈ લેવલે કલાઉડનું બંધારણ થઈ શકે છે. પરંતુ આવનારા એક અઠવાડિયાના દિવસો દરમિયાન દક્ષિણ ગુજરાતમાં માવઠાની સંભાવના જણાતી નથી.

જોકે મિત્રો વર્ષ 2024 દરમિયાન શિયાળુ સીઝનમાં દક્ષિણ ગુજરાતના લગભગ મોટાભાગના વિસ્તારોમાં કોઈ મોટો ભારે ઠંડીનો રાઉન્ડ આ વર્ષે જોવા મળ્યો નથી. જેનું મુખ્ય રીઝન હવામાનની મોટી ફેરફારની સંભાવનાને ગણી શકાય. કેમ કે દક્ષિણ ગુજરાતના વિસ્તારોમાં આ વર્ષે શિયાળાએ જમાવટ કરી નથી. શિયાળાના દિવસો દરમિયાન દક્ષિણ ગુજરાતના વિસ્તારોનું તાપમાન હંમેશા નોર્મલથી ઊંચું જોવા મળ્યું હતું.

ગુજરાતનું હવામાન અંતર્ગત 18 ફેબ્રુઆરીથી 25 ફેબ્રુઆરી સુધીની હવામાનની રૂપ રેખાનું ટૂંકમાં સારાંશ મેળવીએ તો, મિત્રો આ દિવસો દરમિયાન સૌરાષ્ટ્ર તેમજ કચ્છમાં ઝાકળ વર્ષાનો રાઉન્ડ જોવા મળી શકે છે. તો સૌરાષ્ટ્રમાં આ દિવસો દરમિયાન વાદળોની હાજરી વધુ માત્રામાં જોવા મળશે. આ પેટર્નને હિસાબે એકાદ વિસ્તારોમાં હળવી છાટ છૂટ પણ આ દિવસો દરમિયાન થઈ શકે છે.

મધ્ય ગુજરાત તેમજ દક્ષિણ ગુજરાતના વિસ્તારોમાં તાપમાનનો પારો ધીરે ધીરે ઉચકાતો જોવા મળશે. ટૂંકમાં એવું પણ ગણી શકાય કે, ગુજરાત રાજ્યમાંથી હવે ધીરે ધીરે શિયાળાની વિદાય થશે. ઉનાળાનું ધીરે ધીરે આગમન થશે. આવનારા એક વીકમાં રાજ્યનું તાપમાન નોર્મલ કરતાં 3 થી 4 ડિગ્રી જેટલું ઊંચું નોંધાઈ શકે છે. આ દિવસો દરમિયાન પશ્ચિમના પવનો ફુકાતા જોવા મળશે.

ઉત્તર ગુજરાતમાં પણ હવે તાપમાનમાં નોર્મલ કરતાં વધારો જોવા મળશે. જોકે જેમા રાજસ્થાન બોર્ડર લાગુ જેવા વિસ્તારોમાં સવાર સાંજ હળવી ઠંડીનો માહોલ યથાવત રહેશે. મિત્રો ઉત્તર ગુજરાતના મોટાભાગના વિસ્તારોમાં આવનારા દિવસો દરમિયાન કોમોસમી વરસાદની સંભાવના જોવા મળી રહી નથી. હાઈ લેવલે કસરૂપી વાદળ આ વિસ્તારમાં જોવા મળી શકે. પરંતુ માવઠાની સંભાવના નહિવત ગણાય.

સૌરાષ્ટ્ર તેમજ કચ્છની વાત કરીએ તો, મિત્રો 19 ફેબ્રુઆરી બાદ ઝાકળના રાઉન્ડની સંભાવના જણાઇ રહેલી હોવાથી જીરું જેવા પાકો ઉપર યોગ્ય પગલા લેવા જરૂરી છે. કેમકે ઝાકળના રાઉન્ડથી જીરૂના પાક ઉપર વિપરીત અસર જોવા મળે છે. મિત્રો આવનારા દિવસોમાં ઝાકળના રાઉન્ડની સંભાવના હોવાથી જીરૂ જેવા પાક ઉપર આગોતરા પગલા લઈને ટ્રીટમેન્ટ કરવી હિતાવહ છે. જેથી મોટી નુકસાનીથી બચી શકાય.

ભારતના વિવિધ રાજ્યોના હવામાન અંગેની થોડી માહિતી મેળવ્યે તો, મિત્રો આવનારા દિવસોમાં પૂર્વ ભારતના રાજ્યોમાં વરસાદી માહોલ યથાવત રહેશે. જેમાં બિહાર, ઝારખંડ, બંગાળ તેમજ આસામ સહિત રાજ્યમાં આવનારા અઠવાડિયાના દિવસો દરમિયાન વરસાદી ગતિવિધિ નોંધપાત્ર જોવા મળશે. આ વિસ્તારોમાં મોટાભાગના વિસ્તારોમાં વધતી ઓછી વરસાદની એક્ટિવિટી 25 ફેબ્રુઆરીના દિવસો દરમિયાન સુધી જોવા મળશે.

જ્યારે ઉત્તર ભારતના પહાડી વિસ્તારોમાં વેસ્ટર્ન ડિસ્ટર્બન્સની અસરથી હળવી મધ્યમ બરફ વર્ષા પણ જોવા મળી શકે. ઉત્તર ભારતના મોટાભાગના રાજ્યોમાં હજી પણ ઠંડીનું મોજુ યથાવત રહેશે. જેમાં જમ્મુ કાશ્મીર, ઉત્તરાખંડ, પંજાબ, હરિયાણા, દિલ્હી, ઉત્તર પ્રદેશ સહિતના વિસ્તારોમાં ઠંડીનું પ્રમાણ સારું એવું જોવા મળશે. જોકે ઉત્તરના રાજ્યોમાં ભારે હિમ વરસાદના સમીકરણો જોવા મળી રહ્યા નથી.

તો મિત્રો ગુજરાતનું હવામાન સંબંધિત સમગ્ર રાજ્યના હવામાન અંગેની નિયમિત અપડેટ તમારા મોબાઇલ ફોનમાં મેળવવા માટે અમારી આ વેબસાઈટ Weather Tv ને તમારા મોબાઈલ ફોનમાં જરૂરથી બુકમાર્કના રૂપે સેવ કરી લેવી. જેથી રાજ્યના હવામાન અંગેની અપડેટ તમને નિયમિત મળતી રહે ખૂબ ખૂબ આભાર.

નોંધ : અહીં અપડેટ કરવામાં આવતી હવામાનની માહિતી એ હવામાનના વિવિધ મોડલ ઉપર અભ્યાસ કરીને રજૂ કરવામાં આવે છે. મિત્રો હવામાન અંગેની દરેક પરિસ્થિતિઓમાં ભારતીય હવામાન વિભાગની સૂચનાઓને અનુસરવું.

ઝાકળ વર્ષા નો રાઉન્ડ : હવામાન બદલાશે

ઝાકળ વર્ષા નો રાઉન્ડ

મિત્રો શિયાળાની લગભગ હવે વિદાયની ઘડી આવી ચૂકી છે. હવામાનમાં ધીરે ધીરે તાપમાનનો પારો ઊંચો જોવા મળશે. તો બીજી તરફ આવનારા દિવસોમાં ઝાકળ વર્ષા નો રાઉન્ડ જોવા મળી રહ્યો છે. આ પેટર્નને વિશે હવામાનમાં મોટો બદલાવ જોવા મળશે એ અંગેની વાત આ પોસ્ટમાં કરશું.

મિત્રો મુખ્યત્વે આ વર્ષ દરમિયાન ખાસ કરીને કોલ્ડ વેવનો માહોલ શિયાળાની ઋતુ દરમિયાન જોવા મળ્યો નથી. અપવાદરૂપ સૌરાષ્ટ્ર, કચ્છ તેમજ ઉત્તર ગુજરાતના વિસ્તારોમાં એકાદ બે રાઉન્ડ ઠંડીના જોવા મળ્યા. પરંતુ દક્ષિણ ગુજરાતમાં આ વર્ષે ખાસ કરીને શિયાળાને જમાવટ કરી એવું જોવા મળ્યું નથી.

તો હવે ધીરે ધીરે ગુજરાત રાજ્યના હવામાનમાંથી ઠંડી રીતસર ગાયબ થશે. આવનારા દિવસોમાં ગુજરાતમાં હવામાનની પરિસ્થિતિ કેવી જોવા મળશે? આવનારા દિવસોમાં ઝાકળ વર્ષા નો રાઉન્ડ કેટલા વિસ્તારોને પ્રભાવિત કરી શકે છે? સાથે સાથે આવનારા દિવસોમાં ઠંડીનું પણ કેવું પ્રમાણ જોવા મળશે? એ અંગેની અપડેટ આ પોસ્ટના માધ્યમથી મેળવશું.

મિત્રો ગુજરાતમાં જે હવામાન જોવા મળી રહ્યું છે, એમાં મોટો ફેરફાર આવનારા દિવસોમાં જોવા મળશે. 15 ફેબ્રુઆરીથી તાપમાનનો પારો ધીરે ધીરે ઊંચો થતો જોવા મળશે. હાલ જે તાપમાન જોવા મળી રહ્યું છે. તેમાં 2 થી 3 ડિગ્રીનો વધારો 15 ફેબ્રુઆરી પછીના દિવસોમાં જોવા મળશે. આ પરિસ્થિતિને હિસાબે ઠંડી રીતસરની ગાયબ થશે.

તો મિત્રો આવનારા દિવસોમાં ઝાકળ વર્ષા નો પણ એક મોટો રાઉન્ડ હવામાનની અપડેટમાં જોવા મળી રહ્યો છે. કેમ કે જીએસએફ મોડલની અપડેટ મુજબ આગામી દિવસોમાં ઝાકળ વર્ષા નો રાઉન્ડ ગુજરાતને પ્રભાવિત કરી શકે છે. આવનારા દિવસોમાં કઈ તારીખોમાં ઝાકળ વરસાનો રાઉન્ડ જોવા મળશે? એ અંગેની અપડેટ મેળવીએ.

ઝાકળ વર્ષા

મિત્રો 18 ફેબ્રુઆરીથી ગુજરાત રાજ્યમાં ઝાકળ વર્ષનો રાઉન્ડ જોવા મળશે. 18 ફેબ્રુઆરીથી શરૂ થનાર ઝાકળ વર્ષા નો રાઉન્ડ લગભગ 3 થી 4 દિવસ દરમિયાન રાજ્યમાં અસર કર્તા બની શકે છે. આ દિવસો દરમિયાન પશ્ચિમ સૌરાષ્ટ્ર, કચ્છ, મધ્ય સૌરાષ્ટ્ર, મધ્ય ગુજરાતની સાથે સાથે ઉત્તર ગુજરાતના વિસ્તારોને પણ આ ઝાકળ વર્ષા નો રાઉન્ડ પ્રભાવીત કરી શકે છે.

મુખ્ય રૂપે આ દિવસો દરમિયાન ઉત્તર ભારતમાંથી પસાર થનાર વેસ્ટર્ન ડિસ્ટર્બન્સ ની અસર પણ ગુજરાત રાજ્યમાં જોવા મળી શકે છે. આ વેસ્ટર્ન ડિસ્ટર્બન્સ ની અસરથી ગુજરાત રાજ્યમાં મીડ લેવલે વાદળોનું પ્રમાણ વધુ જોવા મળશે. આવી પરિસ્થિતિમાં અમુક વિસ્તારોમાં છાંટા છૂટી અથવા તો હળવું માવઠું પણ એકાદ વિસ્તારમાં થઈ શકે એવા ચાર્ટ ગ્લોબલ મોડલમાં જોવા મળી રહ્યા છે.

મિત્રો છેલ્લા કેટલાક દિવસથી ગુજરાત રાજ્યના મોટાભાગના વિસ્તારોમાં હાઈ લેવલ ક્લાઉડ જોવા મળી રહ્યા છે. જોકે આ મહા મહિનો ચાલી રહ્યો હોવાથી પ્રાચીન વર્ષા વિજ્ઞાનના સિદ્ધાંત મુજબ હજી આ મહિનો કસ કાતરાનો પણ ગણી શકાય. એટલે આ કસ કાતરા રૂપી વરસાદ ચોમાસાના અંતિમ દિવસોમાં જોવા મળી શકે.

આવનારા 2 થી 3 દિવસ દરમિયાન હાઇ લેવલ ક્લાઉડનું પ્રમાણ થોડું ઓછું થતું જોવા મળશે. પરંતુ બે દિવસ બાદ જ્યારે વેસ્ટર્ન ડિસ્ટર્બન્સ પસાર થશે ત્યારે મિડ લેવલે ઘાટા વાદળોનું પ્રમાણ ધીરે ધીરે રાજ્યમાં જોવા મળશે. જેમાં કોઈ કોઈ વિસ્તારોમાં કમોસમી વરસાદ પણ થઈ શકે છે. પરંતુ મિત્રો કમોસમી વરસાદની સંભાવના હવામાનના વિવિધ મોડલોમાં હાલ ખૂબ જ ઓછી જોવા મળી રહી છે.

આવનારા દિવસોમાં ઝાકળ વર્ષા ની સાથે સાથે પવન અંગેની માહિતી મેળવીએ તો, મિત્રો હવે ધીરે ધીરે ઝાકળ વર્ષા વરસાના રાઉન્ડ દરમિયાનના દિવસોમાં પશ્ચિમનો પવન રાજ્યમાં વધુ પડતો જોવા મળશે. આ પશ્ચિમના પવનને અનુસંધાને તાપમાનમાં પણ નજીવો વધારો જોવા મળશે. મિત્રો તાપમાન પણ બે થી ત્રણ ડિગ્રી ઊંચું આ દિવસો દરમિયાન જોવા મળશે.

મોટાભાગના આ દિવસો દરમિયાન ઉત્તર ભારતના પહાડી વિસ્તારોમાં વરસાદી માહોલ ચાલુ રહેશે. જોકે આ સમયગાળા દરમિયાન કોઈ ભારે વરસાદ વરસાદના યોગ ઉત્તર ભારતમાં જોવા મળી રહ્યા નથી. જે ને પરિણામે રાજ્યમાં ફરીથી કોઈ મોટી ઠંડીનું આગમન થાય એવું હાલની પરિસ્થિતિ મુજબ જણાઈ રહ્યું નથી.

ટૂંકમાં મિત્રો આવનારા દિવસો દરમિયાન રાજ્યનું હવામાન મોટાપાયે બદલાશે ઠંડીનું પ્રમાણ રીતસર ઘટવા લાગશે. ગરમીનો પારો થોડો ઊંચો જોવા મળશે. અને આ દિવસો દરમિયાન રાજ્યમાં ઝાકળ વર્ષા નો રાઉન્ડ પણ રાજ્યને પ્રભાવિત કરે એવી સંભાવના ખૂબ જ વધુ જોવા મળી રહી છે. તો પવનની દિશામાં પણ આવનારા દિવસોમાં મોટો ફેરફાર જોવા મળશે.

15 ફેબ્રુઆરીથી 20 ફેબ્રુઆરીના દિવસો દરમિયાન પૂર્વ ભારતના વિસ્તારોમાં પણ એક વરસાદનો રાઉન્ડ જોવા મળી શકે. જેમાં પૂર્વ ભારતના મોટાભાગના રાજ્યોની સાથે સાથે પશ્ચિમ બંગાળ, ઝારખંડ, બિહાર તેમજ ઉત્તર ઓરિસ્સાના વિસ્તારોમાં આ દિવસો દરમિયાન એક સામાન્ય વરસાદનો રાઉન્ડ પણ ગ્લોબલ મોડલના ચાર્ટ મુજબ જોવા મળી રહ્યો છે.

જોકે મિત્રો નજીકના દિવસોમાં ગુજરાત રાજ્યની વાત કરીએ તો, આવનારા દિવસોમાં ગુજરાત રાજ્યમાં કોઈ માવઠાના વરસાદનો રાઉન્ડ આવે એવું જોવા મળી રહ્યું નથી. અપવાદરૂપ અમુક વિસ્તારોમાં છાંટા છૂટી થઈ શકે. ટૂંકમાં આવનારા દિવસોમાં હવામાનમાં એક સામાન્ય ફેરફાર જોવા મળી શકે છે. જેમાં ગરમીનું પ્રમાણ વધશે, પશ્ચિમના પવનો ફુકાવાનું શરૂ થશે અને સાથે સાથે એક ઝાકળ વર્ષા નો પણ નાનો રાઉન્ડ ગુજરાત રાજ્યમાં જોવા મળી શકે.

17 ફેબ્રુઆરી થી 21 ફેબ્રુઆરીના દિવસો દરમિયાન ઝાકળ વર્ષા નો રાઉન્ડ ગુજરાત રાજ્યને પ્રભાવિત કરશે, જેથી હાલ સૌરાષ્ટ્ર તેમજ કચ્છમાં જીરાનું મોટા પ્રમાણમાં વાવેતર હોવાથી આ દિવસો દરમિયાન જીરાના પાક ઉપર સારા એવા ફુગ નાશકનો છંટકાવ કરી લેવો ખૂબ જ હિતાવહ છે. જેથી જીરું જેવા સંવંદશીલ પાક ઉપર ઝાકળ વર્ષા ની અસર જાઝી એવી જોવા ન મળે.

ધીરે ધીરે હવે પશ્ચિમના પવનો રાજ્યમાં જોવા મળશે. આ પરિસ્થિતિને હિસાબે આવનારા દિવસોમાં કોઈ હવે ભારે ઠંડીનો રાઉન્ડ આવે એવું જણાઈ રહ્યું નથી. ટૂંકમાં કહીએ તો, મિત્રો હવે શિયાળાની વિદાય અને ઉનાળાનું આગમન રાજ્યમાં થશે. એવું એક સામાન્ય અનુમાન લગાવી શકાય.

પ્રાચીન વર્ષા વિજ્ઞાનના પાસા મુજબ મહા મહિનામાં હજી ઉનાળા શરૂઆત મોટાભાગે ગણાતી નથી. કેમકે ભૂતકાળના વર્ષો જોઈએ તો, મિત્રો ગરમીના મુખ્ય રાઉન્ડની શરૂવાત ફાગણ મહિનાની શરૂઆતથી થતી હોય છે. પરંતુ આ વર્ષે શિયાળાનું આયુષ્ય ખૂબ જ ટૂંકું જોવા મળ્યું છે.

આ વર્ષે વેસ્ટર્ન ડીસ્ટર્બન્સ પણ વધુ પડતા ગુજરાત રાજ્યને પ્રભાવીત કર્યા નથી. ગયા વર્ષે જે વેસ્ટર્ન ડિસ્ટર્બન્સનું પ્રમાણ જેટલું જોવા મળ્યું હતું, એ મુજબ આ વર્ષે વેસ્ટર્ન ડીસ્ટર્બન્સનું પ્રમાણ ખૂબ જ ઓછું જોવા મળ્યું છે. કેમકે આ વર્ષના વેસ્ટર્ન ડીસ્ટર્બન્સ મોટેભાગે ઉત્તર ભારતમાંથી પસાર થતાં જોવા મળ્યા છે. વધુ પડતા દક્ષિણમાંથી આ વર્ષે વેસ્ટર્ન ડીસ્ટર્બન્સ પસાર થયા નથી.

આ પરિસ્થિતિ મુજબ જ આ વર્ષે શિયાળાની સીઝન દરમિયાન રાજ્યમાં કમોસમી વરસાદના રાઉન્ડ વધુ પડતા જોવા મળ્યા નથી. જેમ કે ગયા વર્ષે શિયાળાની શરૂઆત અને ઉનાળાના દિવસો દરમિયાન પણ કમોસમી વરસાદના રાઉન્ડ ઘણા બધા રાજ્યમાં જોવા મળ્યા હતા. પરંતુ આ વર્ષે ગયા વર્ષ કરતાં પરિસ્થિતિ ખૂબ જ વિપરીત જોવા મળી રહી છે.

ગુજરાત રાજ્ય સંબંધિત હવામાનની દરેક અપડેટ નિયમિત મેળવવા માટે અમારી વેબસાઈટ Weather Tv સાથે હંમેશા જોડાયેલા રહેજો. જેથી જે તે વિસ્તારમાં રાજ્યમાં હવામાનની પરિસ્થિતિ કેવી જોવા મળી શકે? એ અંગેની નિયમિત અપડેટ તમને મળતી રહે. બધા જ મિત્રો નો ખુબ ખુબ આભાર.

કૃતિકા નક્ષત્ર 2024 : ચોમાસાનું ચિત્ર કેવું રહી શકે

કૃતિકા નક્ષત્ર 2024

ચોમાસાની શરૂઆત પહેલા કૃતિકા, ભરણી અને રોહિણી નક્ષત્ર મહત્વનો ભાગ ભજવતા હોય છે. મિત્રો આજની આ પોસ્ટમાં કૃતિકા નક્ષત્ર 2024 અંતર્ગત ચોમાસાનું ચિત્ર કેવું રહી શકે? એ અંગે થોડીક માહિતી મેળવશું.

આ વર્ષે શિયાળામાં મોટાભાગના દિવસો ઠંડીથી બાકાત રહ્યા છે. જે ઋતુનું થોડુ અનબેલેન્સ ગણી શકાય એટલે જ આવી વિચિત્ર પરિસ્થિતિની વચ્ચે 2024 નું ચોમાસું કેવું થશે? એ એક ખરેખર ખૂબ જ અઘરો સવાલ છે.

કેમકે આ વર્ષે શિયાળામાં પણ શરૂઆતના બે મહિનામાં ઠંડીનું પ્રમાણ ખૂબ જ ઓછું જોવા મળ્યું હતું. ચોમાસાની શરૂઆત કેવી થશે? ચોમાસા દરમિયાન વરસાદ કેવો જોવા મળશે? આ બાબતે ખેડૂતો માટે એક કઠિન સવાલ ગણી શકાય. આવી અમુક સારી તેમજ અમુક વિપરીત પરિસ્થિતિઓ વચ્ચે આવનારું ચોમાસું કેવું જશે? એ બાબતની ચર્ચા આજની પોસ્ટમાં કરશું.

મિત્રો સાયન્સના પેરામીટર મુજબ મોટાભાગના પેરા મીટરોમાં આવનારૂ ચોમાસું સામાન્ય રહે એવા સંકેતો મળી રહ્યા છે. તો બીજી તરફ પણ ભારતની ખાનગી વેધર સંસ્થા સ્કાયમેટ વેધરના વૈજ્ઞાનિકો દ્વારા આ વર્ષે ચોમાસું 2024 સામાન્ય રહી શકે એવી આગાહી કરવામાં આવી છે. જે ગુજરાતવાસીઓ માટે એક રાહતના સમાચાર ગણી શકાય.

પરંતુ આજે આપણે પ્રાચીન વર્ષા વિજ્ઞાનના એક પરિબળની વાત કરીશું. જે પણ તમને રાહતનો શ્વાસ લેવામાં મદદ કરશે. તો મિત્રો ગમે તેટલા ખરાબ દોષોનું નિર્માણ થયું હોય, તો પણ પ્રાચીન વર્ષા વિજ્ઞાનના પાસા મુજબ કૃતિકા નક્ષત્ર 2024 માં જો વાદળ વીજળી છાંટા કે માવઠું થાય તો, વર્ષ દરમિયાન બંનેના બધા જ ખરાબ દોષોનું ધોવાણ આ કૃતિકા નક્ષત્ર કરી નાખે છે.

અને આવનારા ચોમાસામાં સારા વરસાદની મહોર આ કૃતિકા નક્ષત્ર મારે છે આવું વિધાન પ્રાચીન વર્ષા વિજ્ઞાનમાં જોવા મળી રહ્યું છે. મોટેભાગે દર વર્ષે 11 મેથી 24 મે દરમિયાન કૃતિકા નક્ષત્રનો સમયગાળો જોવા મળતો છે.

કૃતિકા નક્ષત્ર 2024

મિત્રો કૃતિકા નક્ષત્ર 2024 દરમિયાન જો આ દિવસોમાં માવઠું થાય તો, વર્ષ દરમિયાન બધા જ દોષોનું ધોવાણ કરી અને સારા જ ચોમાસાનું ચિત્ર ઊભું કરે છે. માટે આવનારું 2024 નું ચોમાસું ટનાટન રહે. આ બાબતે કોઈ શંકા કરવી નહીં. કેમ કે આ સત્ય વિધાન વર્ષા વિજ્ઞાનનું વિધાન છે.

જો કૃતિકા નક્ષત્ર 2024 દરમિયાન આ યોગનું નિર્માણ થાય તો, ગુજરાતવાસીઓ માટે સારા સમાચાર ગણી શકાય. કેમકે કૃતિકા નક્ષત્ર 2024 દરમ્યાન જો છાટા છૂટી કે પછી હળવું માવઠું થાય તો, શિયાળા દરમિયાન બનેલા બધા જ ગર્ભોનો વરસાદ ચોમાસાના સમયગાળા દરમિયાન જોવા મળે છે. આવું ભડલી વાક્યમાં પણ જોવા મળે છે.

તો વૈજ્ઞાનિક ઢબનું એક પરિબળ એલ નીનો પણ સામાન્ય સારા ચોમાસાના તરફેણમાં રહેશે. અને બીજી તરફ એક બીજું મહત્વનું પરિબળ છે, ઇન્ડિયન ઓશન ડાયપોલ. જે ભારતના ચોમાસાને સપોર્ટ આપે એવી અપડેટ પણ હવામાનના સાયન્સના મોડલોમાં જોવા મળી રહી છે. જે પણ એક પ્લસ પોઈન્ટ ગણી શકાય.

ટૂંકું અને ટચ આવનારું ચોમાસું 2024 ગુજરાત માટે સારું રહી શકે છે. કેમકે lod સારા ચોમાસાની મહોર મારશે. મિત્રો ઉતાસણી ગયા બાદ ફાગણ મહિનાના 15 દિવસ ખૂબ જ ગરમીનો માહોલ હોવો જોઈએ. ચૈત્ર મહિનાની શરૂઆત પણ ગરમીથી થવી જોઈએ. જો કે ચૈત્ર મહિનામાં આવતા છેલ્લા નક્ષત્ર ઉપરથી આવનારા ચોમાસાનું અનુમાન સ્પષ્ટ થતું હોય છે.

જેમાં મુખ્ય નક્ષત્ર ભરણી, કૃતિકા અને રોહિણી આ 3 નક્ષત્ર ઉપરથી ચોમાસાના ચિત્રનો મોટાભાગનો સંકેત મળી જતો હોય છે. ભરણી નક્ષત્રમાં ગરમીનો પારો ખૂબ જ ઊંચો હોવો જોઈએ. ભીરણી નક્ષત્રમાં જ છાટા છૂટી કે રાત્રે વીજળી થાય તો આવનારા ચોમાસા માટે એ એક ખરાબ સંકેત ગણી શકાય.

મિત્રો એ જ રીતે કૃતિકા નક્ષત્ર 2024 દરમ્યાન જો મેધાવી માહોલ જમાવટ કરે અથવા તો ભલે ખાલી માત્ર છાંટા છૂટી થાય તો, પણ આવનારૂ ચોમાસું 2024 સોના જેવું સાબીત થશે.

મતલબ કે આવનારું ચોમાસું ખૂબ જ જમાવટ કરી શકે. કેમકે જો કૃતિકા નક્ષત્ર 2024 માં માત્ર અને માત્ર બે છાંટા પડે તો પણ કૃતિકા નક્ષત્રથી પાછલા દિવસો છેક કારતક મહિનાની શરૂઆત થઈ હોય તે બધા દિવસોમાં જે ખરાબ દોષો ઉદ્ભવ્યા હોય તે બધા દોષોનું એક જ ઝાટકે ધોવાણ કરી નાખે છે.

એટલે કે ખરાબ દોષોનું નિરાકરણ આ કૃતિકા નક્ષત્રમાં થયેલા છાટાથી નબળા દોષોનું બધું જ ફળ સમાપ્ત થાય છે. અને આવનારૂ ચોમાસું ખૂબ જ સારું જાય છે. આવું વિધાન પ્રાચીન વર્ષા વિજ્ઞાનમાં જોવા મળી રહ્યું છે. એજ રીતે જો રોહિણી નક્ષત્રના પ્રથમ ચરણમાં વરસાદ થાય તો, આવનારા ચોમાસા માટે ખરાબ ફળ ગણી શકાય.

રોહિણી નક્ષત્ર ના બીજા ચરણમાં જો વરસાદ થાય તો, ઘાસનો સ્તંભ ગણાય એટલે તે વર્ષે ઘાસ સિવાય બીજું કંઈ થતું નથી. મિત્રો રોહિણી નક્ષત્રના પ્રથમ તબક્કામાં જો ગરમી પડે અને રોહિણી નક્ષત્રના છેલ્લા પાયામાં જો હવામાન ઠંડુ જણાય અને જો છાંટા છૂટી પણ છેલ્લા તબક્કામાં જોવા મળે તો આવનારા ચોમાસા માટે એ એક સારી નિશાની ગણાય.

જોકે આ બાબતમાં મતભેદ પણ જોવા મળી રહ્યો છે. આ પોસ્ટનો મુખ્ય ઉલ્લેખ કૃતિકા નક્ષત્ર 2024 અંગેનો છે. કૃતિકા નક્ષત્રમાં જે જે વર્ષે માવઠા જોવા મળ્યા છે તે તે વર્ષ મોટેભાગે 12 આની થી 16 આની સુધીના જોવા મળ્યા છે. અને આવા ઘણા બધા વર્ષોના દાખલા આપણે ભૂતકાળમાં જોવા મળ્યા છે.

એટલે જ કૃતિકા નક્ષત્ર 2024 માં જો માવઠું થાય તો, તે માવઠાને ખૂબ જ મંગલમય અને શુભ ગણવામાં આવશે. એટલે જ કૃતિકા નક્ષત્રને આવનારા ચોમાસાની ધોરી નસ સમાન ગણવામાં આવે છે. જો કૃતિકા નક્ષત્રમાં છાંટા છૂટી ન થાય અને જો ભરણી નક્ષત્ર પણ સાવ કોરું જાય તો, પણ આવનારું ચોમાસું દુષ્કાળમય સાબિત થશે નહીં.

મોટેભાગે આવનારું ચોમાસું વરસાદી દિવસો માટે સારું રહે છે. ભલે ધન ધાન્યના ઢગલા ન થાય. પરંતુ પાણીની અછત જોવા મળશે નહીં. એટલે કૃતિકા નક્ષત્રની બંને સાઈડનો દર વર્ષે ખાસ અભ્યાસ કરવો. અમુક અમુક આગાહીકારો માત્ર આખા વર્ષમાં કૃતિકા નક્ષત્રનું જ ચિત્ર જોઈ અને આવનારા ચોમાસાનું અનુમાન લગાવતા હોય છે.

તેઓ કસ કાતરા કે પછી હોળી કે અખાત્રીજના પવનો પણ અભ્યાસ કરતા નથી. માત્ર કૃતિકા નક્ષત્રને આધારે જ આવનારા ચોમાસાનું ચિત્ર સામે ધરતા હોય છે. એટલે જ કૃતિકા નક્ષત્રને ચોમાસાની ધોળી નસ સમાન ગણવામાં આવે છે.

અગાઉના સમયમાં જ્યારે સાયન્સના ઉપકરણો હતા નહીં ત્યારે લોકો નક્ષત્રના વિજ્ઞાન ઉપર ખાસ વિશ્વાસ રાખતા કેમ કે જે તે ઋતુ દરમિયાન જે તે નક્ષત્રમાં કેવી પરિસ્થિતિનું નિર્માણ થાય તો તેની સીધી અસર આવનારા ચોમાસામાં કેવી રહેશે? આ બાબતે સચોટ અભ્યાસ કરતા હતા.

એટલે જ નક્ષત્રનું વિજ્ઞાન આજે સદીઓથી પણ ચાલી આવી રહ્યું છે અને આજના આ ટેકનોલોજી ના સમયમાં પણ ગુજરાત તેમજ રાજસ્થાનના ખેડૂતો આજે નક્ષત્રના વિજ્ઞાન ઉપર અથાગ વિશ્વાસ રાખે છે. એટલે જ ગુજરાત વાસીઓ માટે નક્ષત્ર અંગેની લોકવાયકા આજે વર્ષોથી વણાયેલી છે.

મિત્રો ચોમાસા દરમિયાન જો હવામાનની આગોતરી માહિતી મળી જાય તો, ખેડૂતો માટે એક ખરેખર મદદરૂપ સાબિત થાય. એટલે જ સમગ્ર રાજ્યના હવામાન અંગેની સચોટ અને નિયમિત અપડેટ રેગ્યુલર મેળવવા માટે અમારી આ વેબસાઈટ Weather Tv સાથે હંમેશા જોડાયેલા રહેજો. બધા જ મિત્રોનો ખૂબ ખૂબ આભાર.

ટીટોડીના ઈંડા મુજબ ચોમાસું થશે ટનાટન : Monsoon Forecast

ટીટોડીના ઈંડા મુજબ ચોમાસું

મિત્રો જેમ જેમ ચોમાસું નજીક આવતું જાય છે. ટીટોડીના ઈંડા મુજબ ચોમાસું થશે ટનાટન અંતર્ગત આ પોસ્ટમાં થોડીક વાત કરશું. જેમ જેમ ચોમાસું નજીક આવશે તેમ તેમ દેશી વિજ્ઞાન આધારિત આગાહીઓ પણ આવતી જતી હોય છે. તો આજની આ મહત્વની પોસ્ટમાં ટીટોડીના ઈંડાને આધારે આવનારું ચોમાસું કેવું રહી શકે? એ અંતર્ગત થોડીક માહિતી મેળવવાનો પ્રયાસ કરશું.

આમ જોવા જઈએ તો, ટીટોડીના ઈંડા ખેતરના શેઢા પારે અથવા તો ખેતરમાં મોટેભાગે જોવા મળતા હોય છે. અને ટીટોડીના ઈંડા વર્ષમાં મોટેભાગે ચૈત્ર તેમજ વૈશાખ મહિનાના સમયગાળા દરમિયાન જોવા મળતા હોય છે. તો મિત્રો આ ટીટોડીના ઈંડાનું શું વિજ્ઞાન છે? એ સંબંધિત ચોમાસામાં કેવો વરસાદ થઈ શકે છે? એ અંગેની માહિતી મેળવશું.

મિત્રો એક લોકવાયકા મુજબ ટીટોડીના ઈંડા જમીન સપાટીથી જેટલી વધુ ઊંચાઈએ જોવા મળે તો, આવનારું ચોમાસું ટનાટન રહી શકે છે. કેમકે ટીટોડીને અગાઉથી જ એક એવો અંદેશો મળી જતો હોય છે કે, આ વર્ષે વરસાદ વધુ થશે. એ માટે પોતાના ઈંડા જમીન સપાટીથી વધુ ઊંચાઈની અવસ્થામાં જોવા મળે છે.

ટીટોડી નાના નાના કંકર ભેગા કરીને મોટો ઢગલો બનાવે છે. અને ત્યારબાદ આ ઢગલા ઉપર પોતાના ઈંડા મૂકે છે. મિત્રો જમીન સપાટીથી જેટલો ઊંચો ઢગલો બનાવે તેટલી વરસાદની સંભાવના ચોમાસા દરમિયાન વધુ પડતી ગણાય. આવી એક પ્રસિદ્ધ લોકવાયકા જોવા મળી રહી છે.

ટીટોડીના ઈંડા

મિત્રો ટીટોડીના ઈંડા ખેતરના પારા ઉપર જોવા મળે તો, તે વર્ષનું ચોમાસું ખૂબ જ સારું સાબિત થશે. વરસાદના દિવસો દરમિયાન વરસાદની સંભાવના વધુ રહેશે. કેમ કે એક સામાન્ય વાત મુજબ ખેતરનો પારો જમીન સપાટીથી હંમેશા ઊંચો હોય છે. એટલે જો ખેતરના પારા ઉપર ટીટોડીના ઈંડા જણાય તો, તે વર્ષનું ચોમાસું ખૂબ જ સારું સાબિત થશે.

મિત્રો ટીટોડી પોતાના ઈંડા કેટલી સંખ્યામાં મૂકે છે? એ વાત પણ ખૂબ જ મહત્વની છે. જો ટીટોડીનું ઈંડુ એક જણાય તો, તે વર્ષે દુષ્કાળની સંભાવના વધુ ગણી શકાય. ચોમાસાની સિઝન દરમિયાન વરસાદની સંભાવના ખુબ જ ઓછી ઉભી થાય. એટલે જો ટીટોડીનું ઇંડુ એક જોવા મળે તો, તે સારી નિશાની ગણાતી નથી.

ટીટોડીના ઈંડા અંગે વધુ વાત કરીએ તો, મિત્રો જો ટીટોડીના ઈંડાની સંખ્યા 2 જોવા મળે તો, તે વર્ષ મધ્યમ ગણી શકાય. જે વર્ષે મોટેભાગે ટીટોડીના ઈંડા બેની સંખ્યામાં જોવા મળતા હોય, તે વર્ષે અમુક વિસ્તારમાં વરસાદ સારો થાય તો, અમુક વિસ્તારમાં દુષ્કાળ જેવા ચિત્રો પણ જોવા મળી શકે છે.

આગળ જોઇએ તો, ટીટોડીના ઈંડા જે વર્ષે 3 ની સંખ્યામાં જોવા મળતા હોય. તે વર્ષ મધ્યમ ફળ આપનારું ગણી શકાય. મિત્રો દર વર્ષે સોશિયલ મીડિયામાં ટીટોડીના ઈંડાના ફોટા આવતા હોય છે. જો જે વર્ષે ઈંડાની સંખ્યા વધુ પડતી ત્રણની જોવા મળે તો, તે વર્ષ મધ્યમ ગણી શકાય. કેમ કે તે વર્ષે ખંડ વૃષ્ટિના યોગ વધુ પડતા જોવા મળે.

મિત્રો જે વર્ષે ટીટોડીના ઈંડા 4 અથવા તો 5 ની સંખ્યામાં જોવા મળતા હોય, તે વર્ષનું ચોમાસું જમાવટ કરશે. એમાં કોઈ શંકા કરવી નહીં. કેમકે જે વર્ષે ટીટોડીએ મુકેલા ઈંડાની સંખ્યા 4 અથવા તો 5 જોવા મળે તો, તે વર્ષે બારે મેઘ ખાંગા થશે. ધન ધન્યના ઢગલા થશે. તેમ જ રાજા અને પ્રજા પણ સુખી થાય આવા યોગનું નિર્માણ થાય.

મિત્રો એક બીજી લોકવાયકા મુજબ ટીટોડીના ઈંડા જો સમથળ એટલે કે સમાંતર સ્થિતિમાં મુકેલા જણાય તો, તે સારી નિશાની ગણાતી નથી. પરંતું ઈંડા જો જમીનમાં ખૂંચ અવસ્થામાં જણાય તો, તે વર્ષનું ચોમાસું દમદાર રીતે જામશે એવું અનુમાન લગાવી શકાય.

વૈશાખ મહિનાના અંતિમ અખવાડિયામાં જો ટીટોડીના ઈંડા શેઢે પારે વધુ પડતા જોવા મળે તો, ચોમાસાનું આગમન મોડું થાય છે. વાવણી લાયક વરસાદ પણ મોડો થાય આવી એક લોકવાયકા જોવા મળી રહી છે. પરંતુ જો ચૈત્ર મહિનામાં ટીટોડીના ઈંડા જણાય તો, ચોમાસું સમયસર રહે છે અને ચોમાસું પણ સારું રહે છે.

મિત્રો અહીં એક વાતનો પણ ખાસ અભ્યાસ કરવો કે, ટીટોડીના ઈંડા જો કોઈ પાણીના રેક અથવા કે પાણીના વહેણના ભાગમાં જોવા મળે તો, તે વર્ષે દુષ્કાળના ડાકલા વાગી શકે છે. આ એક લોકવાયકા પણ ખુબ પ્રચલિત છે એટલે આ વાતનો પણ ખાસ અનુભવ કરવો.

મિત્રો પ્રાચીન વર્ષા વિજ્ઞાનમાં આ સિવાય ઘણા બધા ચિન્હો બતાવવામાં આવ્યા છે. જેમ કે હોળીનો પવન, અખાત્રીજનો પવન, ચૈત્રી દનિયા, મહા મહિનાનું માવઠું આ બધા દિવસોનું પણ ખાસ અવલોકન કરવું. જોકે આ બધી બાબતમાં કેવા કેવા ચિત્રોનું નિર્માણ થાય તો, ચોમાસું કેવું રહે? એ અંતર્ગત આપણે નવી પોસ્ટના માધ્યમથી માહિતી રજૂ કરીશું.

મિત્રો પ્રાચીન વર્ષા વિજ્ઞાનની સાથે સાથે આધુનિક વિજ્ઞાન સંબધીત હવામાનની નિયમિત અપડેટ મેળવવા માટે અમારી વેબસાઈટ Weather Tv સાથે જોડાયેલા રહેજો. સાથે સાથે અહીં અપડેટ થતી દરેક પોસ્ટને તમારા વિવિધ સોશિયલ મીડિયામાં પણ શેર કરજો. જેથી હવામાનની માહિતી બીજા મિત્રો સુધી પણ પહોંચતી રહે.

ઇન્ડિયન ઓશન ડાયપોલ : ચોમાસું 2024 પૂર્વાનુમાન

ઇન્ડિયન ઓશન ડાયપોલ

2024 ના વર્ષની શરૂઆત થઈ ચૂકી છે. શિયાળો પણ હવે ધીરે ધીરે વિદાય લેવાની તૈયારી કરી રહ્યો છે. મિત્રો હવે ઉનાળાની શરૂઆત થશે. ત્યારબાદ ચોમાસું 2024 વિધિવત રીતે ગુજરાતમાં પ્રવેશ કરશે. તો આજની આ મહત્વની પોસ્ટમાં ઇન્ડિયન ઓશન ડાયપોલ પરિબળ મુજબ ચોમાસું 2024 કેવું રહી શકે? એ અંગેનું પૂર્વાનુમાન મેળવશું.

મિત્રો ચોમાસું કેવું રહી શકે એ અંગે ઘણા બધા ફેક્ટરો અસર કરતા બનતા હોય છે. આવનારૂ ચોમાસુ કેવું રહી શકે? એ અંગે આધુનિક વિજ્ઞાનની સાથે સાથે દેશી વિજ્ઞાનમાં પણ ઘણા બધા પાસાઓ ઉપરથી પણ આવનારું ચોમાસું કેવું રહેશે? એ અંગે એક સચોટ પૂર્વાનુમાન કાઢવામાં આવતું હોય છે.

પ્રથમ તો દેશી વિજ્ઞાન અંગેની વાત કરી લઈએ તો, શિયાળામાં ઠંડીનું પ્રમાણ કેવું રહ્યું હોય? ઉનાળામાં ગરમીનું પ્રમાણ કેવું રહ્યું હોય? શિયાળાના દિવસો દરમિયાન આકાશમાં કસ બંધારણ કેવું જોવા મળ્યું હોય? આવા બધા ચિત્રો ઉપરથી પણ આવનારું ચોમાસું સારું જશે કે નબળું જશે. એ બાબતે એક અનુમાન કરવામાં આવતું હોય છે.

મિત્રો આજની આ પોસ્ટમાં પ્રથમ તો, ઇન્ડિયન ઓશન ડાયપોલ વિશે થોડીક ચર્ચા કરી લઈએ. આ પરિબળ શું છે? અને ચોમાસા દરમિયાન ઇન્ડિયન ઓશન ડાયપોલ ચોમાસા દરમ્યાન કેવી અસર ભજવે છે? ઇન્ડિયન ઓશન ડાયપોલ કેવી કન્ડિશનમાં હોય તો, ગુજરાત રાજ્યમાં વરસાદનું પ્રમાણ કેવું રહી શકે? એ અંગેની માહિતી મેળવતા પહેલા આ પરિબળ ઇન્ડિયન ઓશન ડાયપોલ પ્રથમ સમજીએ.

ઇન્ડિયન ઓશન ડાયપોલ

મુખ્ય રૂપે ઇન્ડિયન ઓશન ડાયપોલ પરિબળ ત્રણ પરિસ્થિતીમાં જોવા મળતો હોય છે પ્રથમ તો તેની પરિસ્થિતિ પોઝિટિવ રહેતી હોય છે. બીજી પરિસ્થિતિની વાત કરીએ તો, નેચરલ પરિસ્થિતિમાં રહેતો હોય છે. અને ત્રીજી પરિસ્થિતિની વાત કરીએ તો ઇન્ડિયન ઓશન ડાયપોલ નેગેટીવ પરિસ્થિતિમાં રહેતો હોય છે. આ પોસ્ટમાં ત્રણેય કન્ડિશન મુજબ ચોમાસાનું ચિત્ર કેવું રહી શકે એ અંગે વાત કરીએ.

મિત્રો જો ઇન્ડિયન ઓશન ડાયપોલ પોઝિટિવ ફેસમાં જણાય તો, દક્ષિણ અરબ સાગર લાગુ મેડા ગાસ્કર આજુબાજુ સમુદ્રી સપાટીનુ તાપમાન સરેરાશ કરતા થોડુંક વધુ જોવા મળતું હોય તો, આવી પરિસ્થિતિમાં ઇન્ડિયન ઓશન ડાયપોલ પોઝિટિવ ફેસમાં હોય એવું ગણી શકાય.

જે જે વર્ષે ચોમાસા દરમિયાન ઇન્ડિયન ઓશન ડાયપોલ પોઝિટિવ ફેસમાં જોવા મળતો હોય ત્યારે ત્યારે ગુજરાત, રાજસ્થાન તેમજ મહારાષ્ટ્રમાં ચોમાસા દરમિયાન વરસાદનું પ્રમાણ સરેરાશ કરતાં પણ વધુ જોવા મળતું હોય છે. કેમકે આવી પરિસ્થિતિમાં બંગાળની ખાડીમાં એક પછી એક લો પ્રેશર સિસ્ટમ બનતી હોય છે. અને આ સિસ્ટમ છેક ગુજરાત સુધી મોટે ભાગે પહોંચતી હોય છે.

ઇન્ડિયન ઓશન ડાયપોલ જો નેચરલ ફેસમાં જોવા મળતો હોય તો, ચોમાસાના દિવસો દરમિયાન આવી પરિસ્થિતિનું નિર્માણ જો હવામાનના મોડલમાં જોવા મળતું હોય તો, ગુજરાતમાં ચોમાસું સામાન્ય રહેવાના ચાન્સ વધુ જોવા મળતા હોય છે. એટલે ચોમાસું સાવ નબળું પસાર થતું નથી. મોટેભાગે એવરેજ વરસાદની આજુબાજુ વરસાદની માત્રા જોવા મળતી હોય છે.

પરંતુ મિત્રો જો ઇન્ડિયન ઓશન ડાયપોલ ચોમાસા દરમિયાન નેગેટિવ ફેસમાં જોવા મળે તો, ગુજરાત માટે ખરેખર માઠા સમાચાર ગણી શકાય. કેમકે ભૂતકાળના ઘણા વર્ષોમાં આપણે એવું પણ જોવા મળ્યું છે કે, આવી પરિસ્થિતિ વચ્ચે ગુજરાતનું ચોમાસું મોટે ભાગે નબળું જ પુરવાર થયું છે. સરેરાશ વરસાદ કરતાં ખૂબ જ ઓછો વરસાદ તે વર્ષે જોવા મળ્યો છે.

મિત્રો હવે 2024 ના ચોમાસા અંગેનું પૂર્વ અનુમાન જોઈએ તો, ફેબ્રુઆરી 2024 દરમિયાન ઇન્ડિયન ઓશન ડાયપોલ 2024 પોઝિટિવ ફેસમાંથી નેચરલ ફેસ તરફ ઝૂકાવ કરી રહ્યો છે. અને માર્ચ મહિનાના અંતિમ દિવસો સુધી ઇન્ડિયન ઓશન ડાયપોલ સતત નેચરલ ફેસ તરફ ઝુકાવ કરશે.

હવામાનના મોડલની લેટેસ્ટ અપડેટ મુજબ માર્ચ 2024 થી ઇન્ડિયન ઓશન ડાયપોલ ધીરે ધીરે ફરીથી નેચરલ ફેસમાંથી પોઝિટિવ ફેસ તરફ ગતિ કરે એવા ચિત્રો હવામાનના ફોરકાસ્ટ મોડલોમાં જોવા મળી રહ્યા છે. જે એક ચોમાસું 2024 માટે શુભ સંકેત ગણી શકાય. કેમ કે આપણે ઉપર વાત કરી તે મુજબ જો, ઇન્ડિયન ઓશન ડાયપોલ પોઝિટિવ ફેસની આજુબાજુ અથવા તો પોઝિટિવ ફેસમાં હોય તો, સારા ચોમાસા માટે શુભ સંકેત ગણાય.

મિત્રો અમેરિકન હવામાન મોડલની ફોરકાસ્ટ મુજબ જ્યાં સુધી છેલ્લી પરિસ્થિતિ ઇન્ડિયન ઓશન ડાયપોલ ની જોવા મળી રહી છે, તે મુજબ ત્યાં સુધીની વાત કરીએ તો, મિત્રો જૂન મહિનામાં લગભગ Indian ocean dipole પોઝિટિવ લાગુ આવી જશે. એટલે ચોમાસાની શરૂઆત લગભગ ગુજરાતમાં નિયમિત તારીખની આજુબાજુ થાય અને ચોમાસું 2024 સારું સાબિત થાય એવું એક અનુમાન લગાવી શકાય.

ઇન્ડિયન ઓશન ડાયપોલ ચાર્ટ દર મહિને અપડેટ થતા હોય છે. તો મિત્રો હાલની પરિસ્થિતિનું એનાલિસિસ કરીએ તો, લગભગ ચોમાસું 2024 દરમિયાન Indian ocean dipole પોઝિટિવ ફેસની આજુબાજુ રહે એવા સમીકરણો જોવા મળી રહ્યા છે. હાલની પરિસ્થિતિ મુજબ ગુજરાતનું ચોમાસું નોર્મલ અથવા તો નોર્મલની આસપાસ રહે એવું એક પૂર્વાનુમાન ગણી શકાય.

ભારતના ચોમાસાને મુખ્ય અસર કર્તા પરિબળોમાં Indian ocean dipole પ્રથમ ક્રમે આવે છે. કેમકે જ્યારે જ્યારે આ પરિબળ ફેવરિટિબલ હોય ત્યારે ત્યારે દેશનું ચોમાસું મોટેભાગે સક્રિય રહેતું હોય છે. જે જે વર્ષે અલ નીનોનો પ્રભાવ રહ્યો હોય છતાં પણ જો ઇન્ડિયન ઓશન ડીપોલ પરિબળ ફેવરેટ ટેબલ રહ્યું હોય ત્યારે ત્યારે ચોમાસું હંમેશા સારું જ સાબિત થયું છે.

મુખ્યત્વે ઇન્ડિયન ઓશન ડીપોલ જે જે વર્ષે સકારાત્મક વલણમાં રહ્યું હોય, તે તે વર્ષે ચોમાસું પવનોની પરિસ્થિતિ અનુકૂળ રહેતી હોય છે. આવી પેર્ટન બનતી હોય ત્યારે ત્યારે બંગાળની ખાડીમાં વરસાદની સિસ્ટમ વધુ પડતી બનતી હોય છે.

આવી પરિસ્થિતિને અનુસંધાને પૂર્વ ભારત, દક્ષિણ ભારત, પશ્ચિમ ભારત તેમજ ઉત્તર ભારતમાં વરસાદનું પ્રમાણ ભરપૂર માત્રામાં જોવા મળતું હોય છે. એટલે જ Indian ocean depole પોઝિટિવ અથવા તો નોર્મલ ફેસમાં હોય તે સારી નિશાની ગણાય.

ચોમાસું સારું રહેવા માટે ઘણા બધા પરિબળો અસર કરતા બનતા હોય છે. તો મિત્રો પ્રાચીન વર્ષા વિજ્ઞાન આધારિત થોડીક વાત કરી લઈએ તો, પ્રાચીન વર્ષા વિજ્ઞાન મુજબ વરસાદના નક્ષત્રો, હોળીનો પવન, અખાત્રીજનો પવન, ચૈત્રી દનયા, શિયાળા દરમિયાન બનેલા ગર્ભની પરિસ્થિતિ મુજબ ચોમાસાનો વર્તારો જોવા મળતો હોય છે.

શિયાળામાં ઠંડીનું પ્રમાણ વિશેષ જોવા મળ્યું હોય અને ઉનાળાની શરૂઆત પણ શિશિર ઋતુના અંતમાં જોવા મળે તો, આવનારું ચોમાસું ટનાટન રહી શકે. ઉનાળાના દિવસો દરમિયાન આકાશ બને એટલું સ્વચ્છ રહે તો, તે એક આવનારા ચોમાસા માટે સારી નિશાની ગણી શકાય.

ઉનાળાની ઋતુ દરમ્યાન ઉત્તર અથવા તો વાયવ્ય ખૂણાનો પવન મોટાભાગના દિવસોમાં જોવા મળે તો પણ તે સારી નિશાની ગણાય. મહા મહિનામાં માવઠું થાય તો, પણ તે એક આવનારા ચોમાસા માટે સારા સંકેતો ગણી શકાય. મહા મહિનાના દિવસો દરમિયાન આકાશમાં વાદળોનું પ્રમાણ જોવા મળે તો, પણ તે આવનારું ચોમાસું સારું સાબિત થશે એવી મહોર મારે છે.

ફાગણ મહિનામાં ખાખરાના વૃક્ષમાં કેસુડાના ફૂલનું આગમન વધુ જોવા મળે તો, પણ ચોમાસું સારું રહે એવું ગણી શકાય. આવનારા ચોમાસાને લઈ અને પ્રાચીન શાસ્ત્રમાં ઘણા બધા વિધાનો જોવા મળી રહ્યા છે. જે એક પોસ્ટમાં વ્યક્ત કરવા મુશ્કેલ બને છે.

કેમકે દરેક મહિનામાં કેવા ચિન્હો જોવા મળે તો, આવનારું ચોમાસું કેવું રહે? આવા ઘણા બધા વિધાનો દેશી વિજ્ઞાનમાં ઘણા બધા બતાવવામાં આવ્યા છે. આ વાત આપણે કોઈ નવી પોસ્ટના માધ્યમથી રજૂ કરીશું.

મિત્રો આધુનિક વિજ્ઞાનની આગાહીની સાથે સાથે દેશી વિજ્ઞાન આધારિત ગુજરાતના હવામાનની દરેક અપડેટ નિયમિત અમે Weather Tv વેબસાઈટના માધ્યમથી રજૂ કરીએ છીએ. તો મિત્રો અમારી વેબસાઈટ સાથે જોડાયેલા રહેજો.

નોંધ : મિત્રો અહીં રજૂ કરવામાં આવતી આધુનિક વિજ્ઞાનની માહિતી તેમજ પ્રાચીન વર્ષા વિજ્ઞાનની માહિતી એ Weather Tv વેબસાઈટની નથી. એટલે અહીં રજૂ કરવામાં આવતી માહિતીને ધ્યાનમાં રાખીને કોઈપણ ખાનગી નિર્ણય લેવા નહીં. હવામાન સંબંધિત બધી જ પરિસ્થિતિઓમાં ભારતીય હવામાન વિભાગની સૂચનાઓને અનુસરવું.

error: Content is protected !!